دكتورة لو سمحتي عندي شوية اسئلة..

انا بنتي ضعيفة لمن كانت في عمر ستة شهور كان وزنها 5.900 حتى المستشفى



قالوا لي وايد قاصر وزنها ما تأكلينها فقلت لهم بلى أأكلها بس مو راضي يتغير وزنها



يعني كنت أعطيها الصبح سيرلاك والغدى أعطيها يوم شوربة خضار بالشوفان



ويوم أرز بالشوفا ن مهروس ومخلوط في الخلاط..



طبعا بدون اضافة نكهات أو ملح وبين الوجبات أعطيها بسكويت أطفال الي بدون سكر



والعشى فواكه مخلوطة أو ميلوبا أطفال بالأضافة الى الرضاعة الطبيعية



بين الوجبات وكل ما



احتاجت ..ولما طافت الست شهور بديت ادخل لها الزبادي في البداية بس بروحه أما



بعدين بديت أعطيها الي فيه نكهات بس مو قوية تكون خفيفة واشوي اشوي دخلت



على الغدى الدجاج وبعدها السمك طبعا اذا غذانا سمك أعطيها بيدي والحمد لله تتقبله



أما هالأيام لاحظت عليها شهيتها قلت ما ادري شنو السبب..



سؤالي يا دكتورة اشلون اخلي جسمها يمتلى و ايصير وزنها اوكي ؟؟



السؤال الثاني..اشلون أخليها تقبل على الأطعمة وتاكل وشنو الأطعمة الاضافية



اليي ممكن تنصيحيني فيها اعطيها؟؟



السؤال الثالث ..ان بنتي في بعض الألعاب اذا تحركت قدامها تخاف منها واذا



حطينا كورة قدامها تخاف منها مووووت غير عن الكورة الي متعودة عليها في البيت



فماادري يمكن يعني مو متعودة ؟؟




معلومات أساسية:

وزنها عند الولادة: 2.420


شهرين: 4.300


اربعة شهور: 5.200


ستة شهور :5.900 ما زاد وايد..


الطول الحين ما اعرفه بس في عمر ست شهور 65 سم.


تطوراتها:


الجلوس: خمسة شهور وثلاثة اسابيع .


الحبو: ستة شهور وثلاثة اسابيع.


الكلام: تتكلم كل المقاطع الي في سنها..


التسنين: اثنين فوق بيكتملون والي فوق توه واحد مبدي..



والحين عمرها سبعة شهور وثلاثة اسابيع..وزنها تقريبا 6.100 كثيرة الحركة



والحبو وتبي كل تتوقف على الأثاث يمكن الحركة بعد لها دور..؟؟




معليش دكتورة طولت عليكِ :) أتمنى تفيديني..