دكتورة وأمهات (هل أجازف وأغير الحليب)

اختي من نصحك بهالتحميلة ؟؟
انه احس انه بنتك للحين واايد صغيره على إنها تاخذ هالنوع من الادويه

اخذيها للطبيب احسن وشوفي شنو راح يقول لك
على الاقل تتطمنين عليها اكثر والكلام يكون موثوق منه اكثر
وما اعتقد ان الامساك إلي فيها من الحليب
وغريبه الطفل بهالسن يصيده امساك يمكن إلي في بطنها غازات مب اكثر

وبنتك للحين صغيره حاولي إنك ترضعينها طبيعي اكثر من الصناعي

وبالتوفيق يالغالية
وطمنينا عليها

درة البحرين

حبيبتي التحميله هذي معروفه من سنين ومكتوب عليها للأطفال من اليوم الأول وأحط لها بس راح التحميله ما تضر بس تساعدها على الخروج

أما الامساك انا اشوف الأغلبية اللي يستعملون الحليب الصناعي يعانون من الامساك اما اللي يرضعون طبيعي فهذا شي مؤكد ان يكون بطنهم ماشي طبيعي وصدري قل الحليب اللي فيه ما يشبعها وانا اساسا ما ارضعها مباشرة اشفط واعطيها

فوز الكويت
انا استخدمت سيميلاك حق ولدي البجر سبب له امساك بعد وغيرت له الحليب كذا مره وبالأخير طاح عليه حليب اس 26 ضد الاتجاع لأنه كان يرجع بكثرة غير الامساك والغازات بس الحين من ولادتي ببنتي عطوها بالمستشفى اس 26 ومشيت عليه في البداي كنت اعطيها من صدري اكثر من جذي كان بطنها ماشي لكن الحين خف حليب صدري وقلت الرضعات الطبيعيه من جذي صار فيها امساك

سعادتي برضا ربي
انا عارفه ان التمر زين بس اعتقد ان بدري اعطيها تمر من الحين بعدها صغيره احنا ما تعطي البيبي تمر الا بعد ما يكمل شهرين

ارجو اللي عنده شي يفيدني فيه يكتب

يا اختي عطيها نعناع مغلي مخفف


وبالنسبه للحليب اسألي لازم تتأكدين من دكتور
وحليبك
كثري مشروباتوسوائل حرام البنت صغيرونه حليبك افيد
شوفي الصناعي وعمايله!!

بنات شلون تطبخون النعناع وشنو نوعه مجفف ولا طازج ؟

مامتو لحمادينو
الف سلامه عليها
نعم ممكن تستخدمى ابتاميل كمفورت
لكن المهم هو تنظيم الرضعات واخراج الهواء بعد كل رضعة
واستخدمى aqua vera شراب 2.5 سم 3 مرات قبل الرضاعة بربع ساعة
ويجب ان تخرج على الاقل مرة يوميا وان لم تخرج ضعى تحميلة الجلسرين كاملة لا ضرر منها
واكثرى لها من الينسون بدون تحليه
وطمنينى