دكتورة وحوامل حواء تعالوا شوفوا ايش جرا لي؟

السلام عليكم

حبيت اني اذكر حكايتي بعد ولادتي لعدة اسباب:

1) معرفة اسباب الحادثة لتفاديها في المرات المقبله

2) اخذ النصيحه من الدكتوره واخذ رايها ما ذا افعل؟

3) معرفة تجارب الاخوات الي مروا بنفس الحدث وكيف تصرفوا؟

4) الحصول على دعواتكم في ظهر الغيب لي وكل مريض


ادخل بالموضوع:

بعد ولادتي باسبوع...حسيت بالم في ركبتي اليمنى مع شد والم فضيع يشبه التشنجات خلف الساق

طبعا.. كانت تجيني التشنجات وانا حامل بالسابع حتى التاسع وانا نايمة كاني انشليت فتره وتروح

بعد ولادتي بااسبوع رجعت الحاله ولاكن مصاحبه بشعور ببرد فضيع مع ان الجو شبه دافيء

مشيت لدكتورتي الي اراجع عندها قالت لي هذي من اثر الطلق فترة واتروح

وقالت لزوجي انها تدلع عليك:icon33:

صار زوجي كل ماقلت لها انها تألمني قالي بلادلع:angry2:

المهم ........ماقدرت اتحمل الالم وزاد حجم ساقي من الحوض حتى باطن القدم

بكيت على زوجي حتى أخذ لي موعد في مستشفى حكومي

دخلت على طبيب عظام على طول قالي dvd

وقال لزوجي لازم تنويم قال ليش قال زوجتك فيها جلطة في القدم ولازم يشوفها طبيب الباطنيه

قلت لدكتور بمشي واجيكم بكرى قالي اليوم جيتي برجولك بكرى نجيبك بالنقاله:icon33:

انا طالعت زوجي وقلت له دلع ها ودعيت ربي انه يشفيني

تنومت بالمستشفى اسبوع وكلها ابر مسيله لدم واشعه

قالي طبيب الباطنيه مع انه ما عجبني...قالي ان الورم خف والشريان احتمال مشى التجلط الي فيه

رح تخرجي وتستمري تضربي الابر لمده 10 ايام مع حبوب مسكنه بعدها تراجعينا

انا طلعة من هناااا ورجعت قدمي تنتفخ والالم مستمر

كلمته قالي ليش مستعجله راح تخف مع الوقت

انا اللحين اعاني الالم وما اقدر اقوم بطفلي الرضيع ... واخاف اسمع كلام الدكتور وما اروح لدكنتور ثاني اندم بعدين

هذي حكايتي بعد الولادة

انا ولدت في مستشفى خاص علما ان الحكومي يضربوا ابرا لتجلط بعد الولاده

لاكن الخاص الي ولدت فيه مااا يستخدمونها ليش ما ادري


دكتوره اريد رايك وما اسبابهااا وهل تتكرر مع الحمل مره اخرى

لاتنسوني من دعواتكم