الله يكون في عونك وعونها

والله ولدي ماراح منه المغص الا في الشهر الخامس

بس انتي سوي كلام المتغليه وخلي موية اليانسون والكراوية مقياس واحد بس وكرعيها ودفيها بعد الحمام

والله يشفيها ويعينك عليها

الله يعينج ,, ولدي ما سار عنه الا عقب ما كمل الاربع شهور .. وكنت استعمل له انفاكول وااايد ممتاز .. وادهن له بطنه بزيت زيتون بعكس عقارب الساعه وعقب كل رضعه ارفعه واضربه خفيف على ظهره لحد ما يطلع الهوا ... والله يشافيها ..

فعلا زيت الزيتون الدافي ايريح الطفل ... دلكيها فيه عقب الحمام ..
وأنا جربت الانفاكول بس ما حسيته لهناك .. يعني يمكن ايفيد في البعض .. بس هو فعلا ايطلع الغازات لكنه ما خفف المغص عن ابني غير شي بسيط .. و ع العموم احرصي على انك اتجشئيها عقب كل رضعه ضرووووووووووري .. و لا تشيلين هم ان شاء الله من اتكمل الثلاث او الاربع شهور بيروح المغص .. وبعدها بفتره بتبدين اتعانين وياها من ألم الاسنــان ههههه ... فديتهم والله يعانون لين يكبرون .. ونحن انعاني على طوووووول وياهم ..

الله يحفظ عيالنا من كل شر ان شاء الله ..

هلا اختي الله يساعدك
بصراحة حالة بنتك مثل حالة ولدي جربت وياه جميع الطرق بس ما في فايده معاه وقالوا لي راح يتم وياه لين يكمل الثلاثة او الاربعة اشهر
والله يعينا
وسلامتها ما عليها شر ان شاء الله

السلام عليكم
حبيبتى عليك تنظيم الرضعات واخراج الهواء بعد كل رضعة
اعطيها سايمثيكون نقط للمغص 3 مرات قبل الرضاعة بربع ساعة
واكوافيرا شراب ايضل 2.5 سم 3 مرات قبل الرضاعة بربع ساعة
ويمكنك اعطائها مساءا رضعة اعشاب شاى ميلوبا للرضع بدون تحلية
هل تعانى الطفلة من الامساك؟