دكتوره. بنات ساعدوني ولدي ما يرضع من صدري

صار لي الحين 52 يوم من ولدت وصدري للحين متحجر وعلى طول اشطف الحليب المهم احاول ارضع ولدي من صدري لكنه يخليه بس دقيقة ويمكن من يحس بالحلمة على طول اشيلها وعلى طول على هالحالة كل مره احاول معاه ما يشرب حتى خمس دقايق الا في اوقات نادره وعلى طول يصيح حتى لو اعطيه نقط الغازات ويهدأ واحاول ارضعة ما يرضى يشرب من صدري واذا اشطف له في الرضاعة يشربه ما يشرب الا تقريبا 50 مل وويقف واحاول معاه مره ثانية المهم اني تعبانه من صدري واتمنى ان يرضع من صدري وما اتمنى اني اعطيه حليب صناعي لاني قاعده بالبيت وحرام اني اخليه يرضع صناعي واني على طول معاه المشكله اني تعبانة من صدري وعلى طول متحجر وعلى طول شطف وثيابي على طول اغيرهم من الحليب اللي ينزل ومو عارفة شسوي يعني لين متى راح اتم على هالحالة واتعوذ من ابليس واقرأ عليه آيات عشان يشرب من صدري بدون فايده ما ادري اشفيه ووديناه المستشفى وقال كل شي اوكي اللوز والاذن وكل شي اوكي
دكتوره تتوقعين من شنو بالضبط لان قلت للدكتور ان فيه حليب متجمع في لسانه قال هذا عادي ما يحتاج دواء ولا شي طبيعي قلت له ليش ما يشرب من صدري قال انتي حاولي معاه
هو يرفض صدري لكن يشرب القليل من الرضاعة واحسه ما يأخذ كفايته من الحليب ينام شوي ويصحى وهو يصيح ومن احاول ارضعة هم يصيح
دكتوره . بنات ساعدوني الله يخليكم واللي مرت بنفس مشكلتي وانحلت تقول لي شنو سوت بالضبط
ناطرتكم