دكتور تشنج حراري في جده

ولدي كان بيجيه تشنج حراري
فطبعا محد يفيدك إلا دكتور مخ وأعصاب الأطفال
كنت أراجعله عند الدكتور محمد جان فالتخصصي فجدة
دكتور ممتاز زتطلعي من عنده وأنتي مرتاحة إن شاء الله,,

في قلوب اربعه ولدك كم عمره ومتى بدات معاه الحاله ومتى وقفت وايش اسم الدوا اللي اعطاكي هو بالله عليكي تجاوبيني لاني محتاجه مره ..تجاربكم يابنات الله يخليكم ..انا وديته عند واحد في حراء في مكه اسمه محمد الجابري دكتور مخ واعصاب بس برضو ولدي بيتشنج حتى بعد العلاج ..

ولدي دحين عمره 7سنوات وأول مره يجيه التشنج وعمره سنة ونص
وآخر مره تشنج قبل مايكمل 6سنوات بكم شهر

أنا لمابدى التشنج معاه سحبو منه إبرة من الظهر عشان يتأكدو إنها مو حمى شوكية وعملوله أشعة مقطعية
وبعدها كمان تشنج كثيييييييير وطبعا مع حرارة فيه دكتور قال نعطيه دوا إسمه اعتقد ديبيكين
المهم إحنا خفنا تعرفي أدوية الأعصاب تخوف شوية وهذا كان دكتور أطفال
طبعا سويناله تخطيط دماغ ورنين مغناطيسي ورحنا لدكتور إسمه حسين القحطاني فأبراج البدرية وقالنا الحمد لله سليمة ودلنا على الدكتور محمد جان لأنه متخصص فمخ وأعصاب الأطفال
ورحناله والحمد لله قالنا كلها سليمة
وطالما إنه أقل من ست سنوات وأشعته سليمة مانعطيه شي قلتله والدوا هذا قاللي هو مافيه شي عشان ياخذ الدوا
وقاللي أغلب إللي يتشنجو حراريا بعد ست سنوات تروح منهم
وكل ماكان يتشنج كنت أوديه وبرضو مايرضى بالأدوية ولما تشنج قريب الست سنوات قاللي لو تشنج بعدها نبدى فالعلاج لأنه نبغى نوقف التشنجات كثرتها مو كويسة للدماغ,,
ومن يومها وأنا ليل ونهار أدعي بأنها توقف يارب ماترجع ثاني يارب يارب

أنا عارفة إني أديتك القصة كاملة وطولت بس حبيت أفيدك وأي سؤال أو مساعدة أنا فالخدمة لاتترددي تسأليني,,,
والله يشفيلك ولدك يارب,,,

تسلمي بالعكس انا اللي حطفشك شويه من اسالتي معليش . تقريبا تجيله الحاله كل كم شهر ؟لانه ولدي كانت تجيله الحاله كل ثلاثه شهور بس بعدما استخدمت دوا ديباكين الحمد لله صارت تجيله كل سته شهور او سنه .. يعني الدكتور محمد جان قال انه مافي دوا يوقف التشنجات ..يعني مااعطاكي ولا علاج ؟؟ على فكره حتى انا ولدي سوا له تخطيط واشعه وقالوا كل شئ سليم الحمد لله بس الدكتور اعطانا دوا ديباكين الله يشفي ولدك وولدي

ماكان في وقت معين أحيانا كل شهرين أو ثلاثة ومرات تغيب وترجع بعد 6شهور أو7 مالها وقت معين
والدكتور محمد جان يقوللي الأشعة سليمة الدوا محايفيده وكان يقوللي ننتظر لحد مايكمل ست سنوات
وزي ماقلتلك آخر مرة تشنج قبل مايكمل 6سنوات بشوية ورحناله
قاللي نبغى نوقف التشنجات كثرتها مو كويسة بالذات لأنه وقتها قرب من 6
فقالي لو رجعت له مرة ثانية نبدى فالعلاج عشان نوقف التشنجات..ويارب ماترجع ياااااااااارب

بسألك كم عمر ولدك؟؟
والدوا إللي أعطاكي إياه عادي ماحسيتيه أثر على ولدك فأعصابه وتصرفاته؟

وفالنهاية أنتي روحيله صدقيني دكتور شاطر مره
ويشرحلك كل شي ويفهمك
أنا كنت أروحله وأنا محطمة وأطلع مرتاحة مادري ليه..

الله يشفي أولادنا يارب..ز