دكتور فى مصر؟؟؟؟؟؟؟؟؟؟؟؟؟؟؟؟

اختي...اهلا بكي في القاهره هتنورينا ان شاء الله.....
بالنسبه للدكاتره هو فعلا هم اشطر من الدكتورات
ولكني اعرف دكتوره شاطره جدا اسمها
د.منيره جاد وهي أستاذ دكتور في جامعة الازهر.....ورقم تليفون العياده 22907982
وعنوانها: شارع الاهرام _مصر الجديده_عمارة B T M
وامام ملاهي أدهم..ومحلات رسميه...مشهوره هناك

بس لو المده في مصر قليله وتحبي تذهبي لدكتور ممتاز

1_ دكتور شريف الغيطاني.....
مصر الجديده_ شارع الاهرام_ بجوار الحريه مول
تليفون 22569467
متدين وممتاز جدا

2_ د. صبحي أبو اللوز.........شارع كيلوبترا...مصر الجديده..بجوار مستشفى كيلوبترا بالضبط
بس للاسف ما معي رقمه

ويوجد غيرهم كمان كام واحد اعرفهم ممتازين
حتى قولي لي فين بتنزلي
وانا اشوف دكتور يكون قريب منك لانك اكيد ستحتاجي متابعات كثيره

موفقه وانا في الخدمه في اي وقت
ولما تيجي مصر ممكن تتصلي بي في اي وقت لو احتجتي مساعده
اهلا بكي
رزقنا الله واياكي الذريه الصالحه

جزاكى الله خير يا دارين
انا اساسا من مصر و نازله اجازه
و على فكره روحت الى شريف الغيطانى قبل كده بس هو دايما زحمه و مش بيتكلم كتير
و انا باتعل من الدكتور قليل الكلام
انا نفسى الاقى دكتور هادى و كويس و عنده طولة بال
لان انا بقالى 4 سنين متجوزه و لسه مش عندى اطفال و عاوزه دكتور ممتاز فى الحاجات دى
فاذا تعرفى دكتور متخصص فى الحالات دى قوليلى
و هل سميعتى عن د. ابو الغار؟؟؟؟؟؟؟؟؟؟و اذاكنتى سامعه فيه ايه رأيك فيه؟؟؟؟؟؟؟؟

و آسفه على الاسئله الكتير

اهلا بكي يا حبيبتي...
شوفي بصراحه انتي أوا واحده اسمعها تقول على شريف الغيطاني كده
ده انا في اخت في المنتدى مصريه برضه نصحتها وراحتله ومبسوطه قوي وبتقول انه هادي وبيسمع لها....وبيتكلم بهدوء مش ذي دكتورها التاني


شوفي خذيها مني نصيحه لو روحتي لدكتور كبير ومشهور اكيد هتلاقي عنده زحمه جدا وطبعا مش هيكون فاضي لكثر الكلام....دي حاجه معروفه

شوفي في برضه ممتاز.....د. علاء الغنام..ممكن تسالي على مواعيده في مستشفى النزهه الدولي

وفي د. محمد يحي....فس شارع كيلوبترا......جنب مستشفى كليوبترا

اما أبو الغار ده قصته قصه.....
اولا هو طبعا عنده مركز لاطفال الانابيب
ولو انتي اصلا عارفه حالتك لا قدر الله متنفعش الا حقن مجهري او انابيب
بتروحي على المركز علطول وتاخذي ميعاد ودور
وتعملي العمليه..,ممكن ما تشوفيش ابو الغار اصلا...بس كلهم طبعا ممتازيين وعنده اعلى نسبة نجاح لان كل واحد متميز في تخصصه بالمركز..,كثير من الاخوات هنا يذهبون هناك لاجراء هذه العمليات

اما بقى لو عايزه تقابلي ابو الغار شخصيا....فحجزه صعب جدا
لاني كنت عايزه اروح من اول مايو..وجربت احجز بالتلفيون..اعطوني ميعاد اخر يوم في شهر اغسطس !!!
يعني لازم تخلي حد يحجزلك من دلوقتي
وبرضه طبعا هو ممتاز وكل حاجه بس اكثر تخصص في الانابيب والمجهري
يعني لو انتي بعيده عن هذه العمليات...مش لازم ابو الغار...لانه ممكن يشجعك عليها
قصدي يعني تروحي لدكتور ممتاز برضه ومشهور بس مالوش مركز انابيب ولا حاجه
ولو احتجتي لاقدر الله..ابقي روحي لابو الغار


وربنا معاكي
ان شاء الله