++ دكتوووره سؤال عن تحليل الدم! ++

دكتوره.. انا محتاره في موعد دورتي.. الشهر اللي فات تأخرت علي 8 ايام و لأول مره ايصيرلي هالشي انا دورتي جداً منتظمه المهم حللت دم و طلعت مب حامل و عطتني الدكتور حبوب دوفستون استخدمهن لمدة 5 ايام.. انا خذتهن لليوم الرابع و كنت احس بآلام الدوره ونزل لي لون خفيف مختلط بالإفرازات وكان يوم 2 ابريل.. اليوم الخامس اللي هو 3 ابريل ما اخذت الحبه لأنه نزل لي لون غامق كميه بسيطه نفس اللي ينزل في آخر الدوره.. 4 ابريل نزلت الدوره مثل كل مره..

الحين المشكله هالشهر.. لين اليوم ما نزلت .. رحت حللت دم يوم الخميس اللي هو تاريخ 4 وطلع سلبي مافي حمل.. قريت في بعض ردودج على البنات انه نتيجة تحليل الدم اتكون دقيقه بعد ثلاث ايام من تأخر الدوره.. الحين اعتمد نتيجة الدم و اتوكل على الله و لا ارد احلل مره ثانيه...؟

ادري اني استعجلت و حللت.. بس انا دوم وسواسه و وايد افكر.. يعني ممكن اكون حامل رغم تحليل الدم السلبي..؟؟؟ والمشكله الثانيه انه عندي دوا لازم اخذه وفيه كورتزون و قاللي الدكتور لازم تتأكدين ميه ف الميه انج مب حامل قبل لا تاخذينه..!

بليز دكتوره عطيني الجواب الشافي .. الله يجزيج الجنه قولي آمين..