دلاختي ... ياربي تورطت وش الحل ؟؟

سلام عليكم كلكم

بدخل بالسالفه على طول بس تفهمو وضعي وخليكم بمكاني ولا احد يقول ليه وما ليه

لأن الموضوع صار وانتهى :(

السالفه اني انخطبت قبل فتره المهم بذيك الفتره كنت ماابيه لان توني صغيره وبالثانوي بس اهلي حاولو فيني أوافق وكذا لييين مره تعلقت فيه وحبيته :(

المهم استمرت خطوبتنا تقريبا 4 شهور كنت بقمة سعادتي وأتخيل اليوم اللي بأكون زوجه ولي بيت لوحدي وبيصير عندي أطفال

وافكر بالزفه حقت الملكه و الزواج وكل شي كنت مره متحمسه مثل اي بنت بزياااده بعد :(

المهم سوينا تحليل الزواج وطلع سالب مدري موجوب المهم مافيه زواج :(:(

كنت بنجن ومره نفسيتي تعبت وابكي وما أنام زين ولا أكل أحس كل أحلامي راااحت

عاد خطيبي موجود بمنتدى وسجلت بالمنتدى وكنت متميزه فيه وهو كان معجب فيني وبثقافتي بس مايدري عني انه انا

بعدين أرسلت له تهنئه برمضان وكتبت إسمي بالأخير عشان يعرفني يادلااااختي ليتني ماسويتها :(

أرسل قال اسمك مو غريب علي !! وسحبت عليه

وارسل مره ثانيه قال انتي تعرفيني صح ؟
رديت عليه .. لا أنا أرسلت لك وأرسلت لمجموعه من البنات بالمنتدى يعرفوني وكتبت إسمي عادي وبالغلط أرسلت لك :( وانا مااعرفك وش يعرفني فيك يعني :(

انا سويت كذا لأني أحبه للحين مانسيته وموضوع خطوبتنا له تقريبا أقل من سنه

وش أسوي ؟؟؟ اذا رد علي
أرد عليه ولا اسحب عليه ولا وشو ؟؟؟؟ تراني ماافهم عمري 17 ولا ادري وش اسوي :(