السلام عليكم ورحمة الله وبركاته
قبل ما نبدا لازم تفهمي شغله مهمة عن الدلع
- الدلع مومعناه المياعة والنوم وقلة الشغل زي ما البعض فاهمين لاااااااااااا
- الدلع سلوك انثوي طبيعي موجود في تركيبة كل انثى بس في ناس تنميه وفيه ناس تدفنه
- عشان تتدللي بنتك وتعلميها الدلال من صغرها وتحافظ على انوثتها وجاذبيتها بحركات بسيطة :
- انتي قدوتها في كل شئ فكوني خير مثل يحتذى
- دلعي بنوتتك في كل شئ (مظهرها-سلوكها-قناعتها عن نفسها)
أولا /مظهرها الخارجي:
اهتمامها بنفسها-شعرها-لبسها-اكسسواراتها-دولابها-فساتينها -حركاتها
في البيت
- لبسيها بجامة حلوة
مع شرابات او احذية البيت
بلوزة مع تنورة شياكة وذوق
شوفي الدلع الطفولي والفطري (طبيعي ولاااااااايق)
- علميها اول ما تصحى الصباح تفرشي اسنانها وتتوضأ وتصلي
- تبدل ملابسها وتختار هي الشئ اللي نفسها تلبسه من الدولاب بمساعدة منك (طبعا لازم تعلميها كيف تختار وكيف تنسق ) يعني مو تروحي السوق تشتريلها خليها تشارك في الاختيار عشان تتعلم ولا تلغي شخصيتها خلي عندها ثقة بذوقها( وانا اعرف امهات ترسل بنتها مع ابوها وتختارعلى كيفها) غلط
لالالالالا افراط ولا تفريط روحي معها ووعيها باللي يكون مناسب لها واللي يكون مناسب من ناحية الستر او من ناحية الالوان او من ناحية القيمة
- وبعدين اختبري بعد كذا اختيارها اذا كان مناسب اعطيها حرية الاختيار بعد كذا ودائما قولي لها انا اثق بذوقك
- شاوريها في لبسك لما تلبسي وقولي لها مثلا: طلعي لي اساور لايقة على لبسي –طيب ايش رأيك لو اخذنا هذا اللون وهكذا
والتقدير يزرع الثقة
والثقة ركن اساسي للدلال(عمرك شفتي وحدة دلوعة وماعندها ثقة في نفسها؟؟؟؟)
- وصدقيني العلم في الصغر كالنقش في الحجر
- اشتري لها منتجات عناية بالبشرة خاصة بالاطفال من كريمات لوشن- شامبو
- وعوديها دائما تعتني في وجهها يديها-رجلينها
وتلبس شرابات عشان تحافظ على نعومتها
- عوديها ترطب شفايفها باستمرار خاصة في الصيف واحلى مرطب(لابيللو) اشتري لها واحد خاص بها واذا مافيه الفازلين مافيه منه للشفايف
- خليها تلبس اكسسوارات اطفاااال(اساور –حلق-خاتم-ساعة يد) وحطي تحت كلمة اطفال مليون خط (لاتلبسيها شئ اكبر من سنها)
شعرها
- عوديها تعتني فيه لانه تاج الجمال، اشتري لها مشط بنوتي
اطواق وشباصات
ويبقى الجزء الاكبر من المهمة مسئوليتك كأم 00ابدعي في تسريح شعرها لتظهري جمال طفولتها
...
يتبع
من اهم صفات الانوثة التي تزرعينها في طفلتك : الترتيب والنظام
- اذا صارت تعرف الوقت اشتري لها ساعات بنوتية على ذوقها
-عوديها تبقي شئ من مصروفها على جنب و جيبي لها حصالة او بوك بناااتي حلوو
-عوديها ترتب دولابها بنفسها وتنسق مع كل لبس اكسسوار وشنطة وجزمة
-وكلي لها بعض الاعمال البسيطة في البيت عشان ما تكون اتكالية
حمام طفلتك (اكرمكم الله):
لازم يتنظف باستمرار
حطي لها ( شبشب) طفولي و حلو
وبلمسات منك يطلع احلى
–روب حمام بناتي نظيف يفتح النفس
-مناشف صغير ة لوجهها الحلو ،
خليها تستخدم عطورات اطفااااااااااال واكرر حطي مليون خط تحت اطفال(مو عطور نسائيه لااااا)،بس بشرط علميها متى ووين تستخدمها