انا علقت قبل بس حبيت اني اضيف كم نقطة.. لاني اكتشفت اني فاهمة موضوع الدلع غلط خخخخ

انا قلت في الرد الاول اني دلوعة و رقيقة و نعومة... بس لما قريت الردود اكتشفت انكم تقصدون الدلع في الكلام و نبرة الصوت الخ

عاد انا صح دلوعة خلقة... بس في نفس الوقت دفشة دفاااشة غير طبيعية... و اكثر حد يقول لي هالشيء صديقاتي خخخ دايما اسوي حركات استهبال و صوتي عااالي جدا... صح اسلوبي فيه مياعه و دلع بس بصراحة صوتي عاااالي يجيب اخر الفريج خخخ و لما اتكلم ..الناس دايما عبالهم اني اهاوش و اتخانق.. <---- ما اظن انه هالاسلوب له علاقة بالدلع

هم فيني طبع يبط الجبد و اظن لو قلته بنات المنتدى كلهم بيقومون علي مرة وحدة... و هو اني لما اكون مع صديقاتي المقربات جدا طبعا.. اتجشأ بصوت عالي.. من باب الطنازة و الضحك... مو دايما بس لما احب اطفرهم.. و هما تنبط جبودهم و يتغاظون.. يقولون و الله شكلج في صوب و حركاتج في صوب ثاااني... خخخخ

و بالطبع انا عصبية كثيرررر... فلما اعصب اتحول لوحش كاسر... عاد دوروا على الدلع و على الرقة ما تلاقون منهم شيء...

بس رغم كل اللي ذكرته لازال الكل من خواتي و صديقاتي و قريباتي و الاهم زوجي يشوفوني دلوووعة و مااايعة جدا...

احيانا احس تصرفاتي الصبيانية او الدفشة.. يمكن انها ردة فعل للكلام اللي اسمعه عن دلعي و اللي ما انكر انه خله معظم الناس ما يعملون لي حساب.. و طبعا هالشيء يضايق... بس لاحظت اني مهما اكون دفشة مو قادرة اتخلص من الدلع...

خلوني اعطيكم حركات من الدلع و اللي زوجي اكثر شيء يعلق عليها لما اسويها...

اول شيء الاحظه دايما يعلق على صوتي.. (طبعا لما اكون في وضع طبيعي و مو داخلة في جو جنون خخخ) و نكون نتكلم في سالفة او موضوع و اعلق عليه... يقول يا ربي صوتج كله دلع و حركات يدج دلووووعة يا ربيييه عليج.. انا طبعا اعطيه ذيك الابتسامة.. عاد هو يستانس وااايد خخخخ

لما اكل شيء مثلا.. يقعد يقلد حركاتي لما اكل ( و على فكرة هالنقطة كثير ناس حواليني يعلقون عليها) يعني طريقة اخذي للاكل و حركات يدي اكثر شيء.. مع اني يوم جوعانة افترس الاكل افتراس.. تقولون جمل يمضغ خخخخخخخخخخخخ مو بني آدمه

لما امشي.. زوجي يقلد على مشيتي وااايد... و على فكرة حتى اخواني...مع اننا ست بنات... بس هم ما يعيبون الا علي انا... اللي لاحظته انهم يقولون لي مشيتج فيها دلع و مياعة و نحس شوي و تطيرين من على الارض من خفة المشية... <---- عاد هذي لليوم مو فاهمتها عدل بالمررة و لا وحدة فيكم تسألني عنها لان ما عندي ادنى فكرة شلون تطلع خخخخخ

هم زوجي يعلق على طريقة نظراتي.. خاصة لما اعطيه نظره سريعة و اشيح بوجهي عنه <---- متعوب عليها خخخخ ... عشان لا تفوتني لقطة مثييرة في التلفزيون مثلا خخخخخخ <---- عاد هو عباله اغراء مو فاهم اني ما عندي وقت له مشغولة باللي اتابعه خخخخخخ

عموما هو زوجي وايد يعلق على اني دلوعة و مايعة مع العلم اني واايد دفشة معاه :( و هالشيء يزعلني عليه.. يعني ما اقوله كلام حلو.. الكلمة الحلوة ما تطلع معاي الا بطلوووووووووع الروح و لو طلعت يكون ذيك اليوم عيد عنده ... بس اهتم في نفسي كثير و على طول البس حلو في البيت و برى البيت و احب اعطر كل شيء عندي في البيت..يمكن هذا هو السر ما اعرف و الله..

بس تعرفون بنات لاحظت انه كلكم اجمعتوا انه الصوت المنخفض معناه دلع و رقة... و انا بصراحة ما اشوف هالشيء..

كان عندي صديقة صوتها منخفض جدا جدا جدا... لدرجة مثل ما قالت صاحبة الموضوع انج لو قاعدة يمها و هي تتكلم في التلفون ما تسمعين صوتها ابدا... بس ما كان فيها دلع ابدا..يعني عادية.. بس انه صوتها منخفض فقط لا غير..

فاعنقد انه علو الصوت او انخفاضه ما له علاقة بالدلع و الرقة و هالحركات..

هذا كل اللي عندي حاليا ..

و متابعة الموضوع معاكم ... :)

صاادقه صح كلاامك

انامعاها يا بنات لا يفوتكم هالشي ترا يغير الحياة وعن تجربتي
اصلا وانتي تقرين كأنك تقرين زجك
انماط الشخصيه او البوصله الشخصيه
والله يهدي ازواجنا

صحيح كلامك ومشكوره على الموضوع الحلو

بس في مشكله امهاتنا واخوانا اذا شافوا البنت لسا توها تتدلع
قالوا مالت عليك والله مو لايق لك يا الشيفه هههههههههههه انواع التحطيم