دللي نفسك ( خطوات كاملة مع الصور) للعناية بالبشرة(كانيبو)

السلام عليكم

كانيبو ماركة مشهورة و اشهر من نار على علم

و كل وحدة لازم تعتني ببشرتها قبل لا يتقدم فيها العمر و تظهر التجاعيد و يفوت الاوان ...

و الحل بايدج .... لازم تحافظين على رطوبتها و نظافتها و تغذيتها ...

و لازم تتغذين عدل و تحاولين تاكلين كل شي مفيد و تكثرين من الماي

لعبي رياضة و ابتعدي عن الدهنيات و السكريات اللي مالها فايدة غير السمنة و بعدين ظهور الحبوب


اليوم انا يايبة لكم خطوات للعناية بالبشرة ....ارجوا انكم تستفيدون

الخطوات ...

لوقت النهار......

1- غسلي ويهج بالماي صباحا ...ثم غسليه بالصابون ( من كانيبو)
http://www.palintefada.com/upload/pic/img_dc_05.jpg
صابون كريمي

2- نشفيه بالطبطبة فقط ولا تشققين ويهج بالفوطة..بعدين اخذي كلينكس و حطي عليه من اللوشون ( السائل ) اللي يريح المسام .( منتج كانيبو ).. و طبطبي على ويهج علشان يرتوي و يتشرب ..
http://www.palintefada.com/upload/pic/img_dc_09.jpg

3- حطي كريم العين حول العين بس على العظمة فقط بالطبطبة و لا تحطين تحت العين لان الجلد وايد طري و ما يتحمل
http://www.palintefada.com/upload/pic/p_cp_05.gif

4- حطي بعدين الكريم مال النهار ... و سوي مساج بايدج خلي الويه بحركة دائرية علشان تتحرك الدورة الدموية
http://www.palintefada.com/upload/pic/img_ib_04.jpg

طبعا كل وحدة بشرتها غير ... دهنية ... جافة ... كل وحدة لها كريم معين

4- حطي كريم الدهون ... هذا الكريم يخفف الدهون بالبشرة و يخفف ظهور الحبوب الى ان تنعدم نهائيا و بتصير بشرتج صافية بدون حبوب ...
http://www.palintefada.com/upload/pic/p_ib_6_2.gif

و طبعا اخر شي حطي كريم الحماية...
_______________________________________________

الحين بتكلم شلون تعتنين بالبشرة ليلا ... و هذا اهم ... لان في الليل يتم تجديد الخلايا فيه ....

طبعا اول شي يتم ازالة اي اثر للمكياج ...

مكياج العين بمزيل المكياج المختص للعين من كانيبو
http://www.palintefada.com/upload/pic/img_dc_08.jpg
طبعا فيه نسبة من الزيت ... لحماية منطقة العين من التجعد

و كذلك ازالة اي نوع من الروج من نفس الماركة
http://www.palintefada.com/upload/pic/ste_dc_10.gif

و قبل غسل الوجه بالماي ... اكو منتج من كانيبو لازالة المكياج و الوسخ من الوجه بعد اثار النهار ...
و هذي صورته ... اهو جيل
http://www.palintefada.com/upload/pic/img_dc_03.jpg

يتم ازالة الجيل بالاسفنجة الخاصة بكانيبو
((( عجيبة هالاسفنجة ما شفت لها مثيل ... تشيل كل المكياج و لا تخلي فيه اثر و لا تترك اي اثار خشنة على البشرة )))
http://www.palintefada.com/upload/pic/img_dc_10.jpg

بعدين تكرر العملية اللي فوق رقم 1

بعدين يوضع ماسك لمدة عشر دقايق ... علشان يريح البشرة ( و هذا يشد البشرة و يعطيها صفاء و نعومة و ريحة حلوة ) يستخدم لمرة واحدة او 2 اسبوعيا فقط .
http://www.palintefada.com/upload/pic/10r_img1.jpg

ثم يمسح بالاسفنجة الخاصة

ثم تعاد العملية رقم 2 ... و تنشف بالطبطبة ..

بعد ذلك حطي كريم العناية بالعين ... وايد مهم
http://www.palintefada.com/upload/pic/p_cp_13.gif

و اخر شي حطي كريم الليل و سوي مساج
http://www.palintefada.com/upload/pic/p_cp_04.gif

اتمنى اكون افدتكم ... و اي استفسار انا حاضرة

ملاحظة : كل المنتجات مجربة و نتيجتها مطمئنة و لا تحاتين :)

تحياتي