شنو اسم هالمستشفى ..وبكم تقريبا يعني الولاده فيها والاقامه ...

احنا من فضل الله علينا في قطر الغالبيه العظمى تولد في المستشفى الحكومي
وطبعا الخدمات فيه عاليه جدا والله احسن من الخاص ..والاهتمام كبير ..والادويه ببلاش ..وتحاليل الدم ..وكل شي فيه
وطبعا للقطرين ببلاش سواء عمليه او طبيعي .. ونشرط بعد :30:
بس اذا بغيتي غرفه خاصه لج او سويت .. في دورين في المسشتفى للغرف الخاصه ... يعني فرشهم غير واكلهم غير ..والاهتمام من النيرسات في البيبي اكثر شوي ...والليله ب 800 ريال للغرفه ... بس ماعليه شي زود عن الادوار الثانيه
بس اللهم اللي يحب الكشخه والانفراد يعني بروحج محد معاج
لكن اهتمام النيرسات والدكاتره عموما كبير .... ومتساوي انا جربت قبل ولادتي بغرفه عاديه وبعد الولاده بغرفه خاصه ...
وفي عندنا مستشفيين خاصين بس حراميه ويقولون ان الاهتمام كبير فيهم بس قليل قليل قليل من يروح لهم ...

كأني قلت لكم قصه حياتي :D

بك استجير
دانة
انا للحين ما بدأت امشي
وقلت الى زوجي عن المشي قال لي المشي الى الناس اللي فيهم قوة مو انتي!!
قلت له الحمدلله انا للحين بصحة واقدر امشي بس ما رضى
وحتى دكتورتي لما قالت له عن تمارين قبل الولادة والسباحة بعد ما رضى
بس انا عندي كتاب فيه تمارين اللي الحامل لازم تطبقهم في الشهر ال8 وال9 ف بين وقت والثاني اطبق منهم شوي
والله يسهل الولادة على الجميع

بنات كل مرة اسبح يطلع حليب من صدري
عادي يعني؟!

هلا بدلوعات شخباركم تراني متابعه معكم بس احس اني وصلت مرحلة البلااهه الله يكفيكم شرها صرت اكتب بالحسره ؟؟؟؟؟المهم شخباركم مع الثقل والتعب
بك استجير .........وانت داانه شصار معكم ومتى موعد الولاده لكم وبالله تحسون بالم فضيع بالورك والحوض بذات عندي اليمين
وتدرون دكتورتي شكلها مخبطه مره تقول بثامن والحين عطتني موعد عمليه بعد ثلاث اسابيع ونص

على فكره بك استجير شفت اغراضك الي عالرابط وكانت مره روعه الله يهنيك فيهم بس نتامل تصوريلنا الصوصه وهي داخل السرير الله كريم

بريق السيوف
انا خاطري اشوف اغراض بنت بك استجير
لكن ما طلعت لي الصور
متشوقة اشوفهم