دلونى يا بنات الله لايخيب رجاكم عن الاقمشة الهندية

هلا وغلا ام حمد ومعاذ..

اول شي الله يخلي لج عيالج ويبارك فيهم..

ثاني شي عزيزتي.. انا ممكن اوفر لج القماش الهندي الي ينلبس كساري و اعرف شو قصدج..يكون طويل تقريبا سته امتار وفيه تطريز خفيف على كل القماش و حاشيه على اخره يكون فيها تطريز ثقيل.. وفيه منه انواع مثل تنوره مع قميص مع الشال ماله وفيه قميص طويل مع سروال وبعد الشال ماله وكلمه مطرز والوان راائعه.. و بس انتي قوليلي اي لون تبين و كم ميزانيتج وانا اطرش له لج مكان ما تبين.. و لو تحبين راسلني على الخاص عشان نتفاهم على القماش..

مع حبي..

ولايف

اذاانتي في الرياض فأحسن وأرخص مكان تحصلين فيه القماش الهندي والساري

هو مركزالبطحاء التجاري في شارع البطحاء

هوصحيح زحمه ومليان عمال لكن ان شاء الله بتحصلين اللي تطلبينه :)

اذا انتي من سلطنه عمان فأحسن مكان تحصلين فيه القماش الهندي والساري في مركز للوللو او في سوق روي

اذا كنتي في دبي او تقدرين تروحين دبي عندج المينا بازار في بر دبي
كل شي عندهم
او حتى محل ريجال في السطوة

شكرا لكم كلكم اخواتى اللى رديتوا على طلبى واستانست باراءكم ومقترحاتكم اختى درب الوله ابى لون اخضر وذهبى ويخليلك عياللك اذا لك واذا ما لك الله يرزقك الذرية الصالحة وانا من مكة كيف يكون الاتفاق والتواصل ؟؟