دلوني×××طفلتي تعاني من الربو والحساسيه××اريد طبيب ممتاز في الرياض

فيه دكتور ممتازر بالصدريه وانا معالجه ولدي عنده والحمد لله كتب الله له الشفاء على يد هذا الدكتور بعد عناء وتعب ماتتخيلينه صار لولدي..
الدكتور اسمه محمد ابو الهاشم عيادته بعماره فوقها لوحه كبيره مكتوب عليها مجمع فهد الطبي للاسنان وهي بحي قديم ...........اقول الحريم مايعرفن يوصفا ابسأل زوجي بكره لانه نايم الان وارد عليك باسرع وقت لاني والله حاسه فيك ..............الله يكتب له الشفاء والعافيه ومايشوف شر :26:

السلام عليكم ورحمة الله وبركاته
الدكتور اسمه / محمد ابو الهاشم - دكتور متخصص في الصدريه والسل قديم جداً اصله باكتساني واخذ الجنسيه السعوديه من زمااااااان له تقريباً 39 سنه في هذه المهنه 0 الوصف تخرجين من طريق الملك فهد مع مخرج سوق عتيقه حق الخظار تخلين سوق عتيقه على يمينك والثلاجات للمواد الغذائيه على يسارك ووجهك بتجاه الشرق اول اشاره هذا شارع اسمه شارع الحجاز تلفون يسار مع الاًشاره الأولا بتجاه الشمال تمشون تقريباً 400 متر وتجدين لوحه فوق عماره فهد لطب الأسنان الدكتور محمد ابو الهاشم في نفس العماره العيادة متواضعه جداً لأن عمرها قديم جداً والزحمه عليه من جميع الجنسيات الكشف والفحص وكل شي بــ 50 ريال ليس فيه فتح ملف من هذا القبيل الذ يكون في العيادات الأخرى اكل فلوس بدون فائده يعطيك علاج مره واحده بأمر الله تكون بنتك في احسن حال بأذن الله الله يكتب لها الشفاء والعافيه ياااااااااااااارب 0 وباالله التوفيق 0

الله يجزاك خير حبيبتي الورده
ماتتخيلين فرحتي يوم شفت الرد...
الله يخليلك ولدك وجعلهانشاءالله من حفظة كتاب الله"""" ويجعله قرة عين لك""" والمسلمين اجمعين:24: :26:

امين يارب العالمين :26:

شوفي عزيزتي اعرف وحدة كان ولدها يعاني من ربو حاد وصارت تدهن صدرة بزيت السمسم طبعا زيت اصلي مو مغشوش
تدهن له بعد ماتدفية شوي على النار وتقول الأن شفي تماما
جربيها وإنشاء الله تفيدك

ومع تمنياتي بالشفاء العاجل