دلوني الله يستر عليكم دنيا واخره

حبيباتي بنات حواء ..السلام عليكم ورحمه الله و بركاته

حبيت اطرح عليكم مشكلتي واتمنى انكم تساعدوني


مشكلتي مع زوجي ..عنده جوالين واحد عام عادي يستخدمه والثاني يقول للشغل مع اني متاكده انه ما يستخدمه

للشغل .. انا متاكده اني زوجي يكلم بنات وان رقمه الثاني عنده لهذا الغرض ..انا مقهووووووووووره مره منه

واجهته قبل كم شهر وقلت له اني متاكده انك تكلم بنات وسويت ذاك اليوم هوشه وجلست ابكي .. وقال اسف وخلاص

تبيني ابيع الجوال ببيعه ... وانا الغبيه قلت ما ابيك تبيعه ابيك بس تعرف ان اللي تسويه غلط ابيك انت من نفسك

تعرف انه غلط ...قال خلاص اسف ما راح اعيدها........بس انا الى الحين متاكده انه يكلم والله ان حالتي صارت مره تعبانه


احس ان معاملتي معاه اتغيرت مو بيدي والله غصب عني ..وانا ما ارضى ان حياتنا تستمر كذا صرت اشك فيه على

اتفه الاسباب بس ما ابين له بس والله نفسيتي تعبت ....... وقبل فتره اكتشفت ان عنده ايميل ثاني وسكت وما قلت

له اني دريت ... وامس حاول يفتح ايميله الجديد بس نسى كلمه المرور وقلت له عندك ايميل ثاني ولا تقول لي .. قال

هذا ايميل الشغل بس نسيت كلمه المرور ......وقعد شوي واتذكره وفتحه وشفته يوم فتحه بس ما تكلمت .. وبعدين

رحت جنبه قلت هاه اتذكرت كلمه المرور قال : لا والله لسى .........انا انقهررررررررت منه وزعلت ولا كلمته لانه كذب

علي ......انا مشكلتي لما ازعل او اواجه مشكله كبيره( اسكت ) ما اقدر ارد ولا اقدر اواجه بس دموعي

تصب .....الله يخليكم دلوني وش اسوي معاه تعبت والله انا لسى ما كملت سنتين من تزوجت ولا عندي اطفال

ونفسيتي تعبانه مره ولا ادري وش اقول له تعبت وانا الحين زعلانه منه وهو ما سالني ولاقالي وش فيك ...دلوني وش

اسوي لمن يجي ...مع ان زوج طيب وحبوب وكريم معااااي مره بس مشكلته المغازله واله تعبت صرت ما احب اطلع

معاه لمكان ولا احب اروح اتمشى انا وياه لهذا السبب ..