دلوني الى الصواب

اشكرك عزيزتي على النصيحة التي أنا في أشد الحاجة لها واتمنى أن أحسن علاقتي مع إبنتي والله المستعان
كما أتمنى من الأخوات أن يفيدوني بتجاربهم في التعامل مع بناتهم في هذا السن وشكرا

للرفع












موضوعك جدا مهم اتمنى الفائدة لي وللجميع

يمكن العيب فيني لأني تربيت على القسوة والضرب وصح لسان من قال فاقد الشئ لا يعطيه بس ابي توقفون معي أكتر وتلوني في أمور التربية تراني جدا فاشلة فيها ومشكورة على النصيحة

حولي تلعبين معه
خصصي له وقت تتكلمين معه
واذا جت تنوم مثلاً نومي جنبها وحسسيها بحنانك وخليها تقص عليك قصه او تحكي لك موقف صار لها
لا تخلين بينك وبينها حاجز
البنت من طبعها رقيق وحساس وتحس بالكلامة اكثر من الضرب
حولي تسمعين لكلامها حتى لو مو عاجبك او انتي مو فاضيه لا تصدينها اجلي الموضوع بشكل حلو .. وخصصي لها وقت..شوريها في التسوق لنفسها..وحتى في ملابسك..في الطبخ..حولي تعتمدين عليها في البيت..عطيها مسؤاليات في البيت شوي شوي
احرصي على تربيتها دينياً واجتماعياً ونفسياً
انتبهي من الطق او رفع الصوت او التهديد لان ماله داعي
اذا حبيتي تعقبينها
اجلسي معها وحولي يكون صوتك هادي وقوي في نفس الوقت..وخلي عينك في عينها بنفس المستوى .. بدون غضب ..وتكلمي معها في الشي الي غلطت فيه..وفهميها وش انتي تبينها تسوي وش ما تبينها تسوي..واسمعي لدفاعها عن نفسها..حولي تخاوينها وتكبرين راسها ..انتي بنتي الكبيره..العاقله الي اعتمد عليها..
احضنيها .. بوسيها.. المسيها بحنان..صدقيني له تاثير عظيم عليها

وبالنسبه لكلام فاقد الشي لا يعطيه..هذا غلط..بالعكس انتي حاسه بالي تمر فيه..واقرب شي موضوعك هذا..انتي حاسه بالي تمر فيه ولا تبينها تصير مثلك..فحولي انك تحققين ذلك

بارك الله فيك وفي نصايحك اللي تراها دخلت القلب واتمنى من الله انو يوفقني واصلح اللي يمكن اصلاحه قبل ما يغرق المركب على ما يقولون