دلوني صاحب زوجي سبب مشاكلي

حبيبتي المشاكل الي تسوينها بتخليه يكره القعده معاج
وبيزيد طلعاته هذا بدل ماتكسبينه في صفج
اول شي تسوينه توقفين الزعل
وتحببينه في القعده معاج وبجذيه يقلل طلعاته
وحاولي بس فتره وفتره تبينين له ان الي يسويه رفيجه دليل على انه مو ريال وان ياهل
وان مرته اهي الي اافتكت منه
وان هالنوع من الرياييل مايصلح يكون اب حق عياله

حبيبتي بعدي عن المشاكل تكسبين ريلج وحبه
والله يوفقج

اختي بالنسبة لصديق زوجك مالك فيه تصرفه عليه وزوجك هدي الوضع معاه اصحك تناقرينه كل ماارسله ذاك او كلمه ترى زوجك بيسكت ويسكت وممكن يرد عليك وباالاخير احتمال يشكي لصديقه ويقوله هه كلهم زي بعض
الحين ماهو مبرر لك اللي جالس يصير لا تكونين قاسية
الله يهدينا جميعا ويصلح حالنا
دمتي بأفضل حال وبراحة بال يارب

لاتبينين انك متظايقه

عندك مثال
صاحب زوجي من يوم اتزوج وهو يحكي زوجي بكل شي يصير بينه وبين زوجته لابعد الحدود

وانا وزوجي مثل الاصحاب دايما نسولف ونحكي بعض فيقوم يحكيني بأشياء والله تقهر

المهم كنت اسمع واحيانا اعلق او اغير الموضوع لحد ماطفشت من صاحبه

وقمت صارحت زوجي قلت له ترى صديقك ماعنده سالفه ويتشكى على زوجته كثير لاسباب تافهه واحيانا وناسه

طبعا زوجي قال حتى انا لاحظت انه من يوم تزوج وهو يحكيني كل شي بس لانه يعتبرني اخوه الكبير واقدر اقدم له نصيحه

المهم تهاوشنا انا وزوجي...........وللاسف بعدها ماصار يحكيني اي شي عن اصحابه

مررررررررررررررره انقهرت لانه اول عالاقل اعرف عن ايش يتكلم وايش يسوي

الحين العالم الله

وصرت مااطيق صديقه والمشكله معاه في العمل.....

ابغى اوضح لك من هذا كله حاولي تصلحي هالموضوع بطريقه غير كذا
لان زوجك لو عاجبه الموضوع او يحب صاحبه راح يسوي اللي يبغاه بس بيخبي عنك

الله يسخره لك

مثلي يابعد عمري زوجي كل اخوياه بالدوام عزابيه وسهر الى الفجر ؟؟
طيب هم عزابيه مااحد ينتظرهم؟؟ وانا؟؟؟؟ لكن هو لاحياه لمن تنادي؟؟
وكمان نفس الشي واحد ناشب لي بحلقي تقولين ضرتي مدرس ومتفرغ وزوججته اربع وعشرين ساعه متنقعه ببيت اهلها وانا ياحسرة اهلي بديرة وانا بديرة ..وماله ربع الا زوجي وزوجي يعرف مليون واحد وماهو فاضي بسبب عمله ومايقدر يطلعني الا مرة بالاسبوع ليش؟؟؟
لان العالم يفضون يومين لزوجاتهم اما زوجي يوم لي ويوم لصديقه؟؟؟
ونفس الشي زوجي محافظ ماابي اقول ملتزم لكنه يصاحب ناس ماااش صراحه ونفس الشي يقول انهم يشوفون صور مو كويسه ويرسلونها بينهم؟؟؟ علينا يعني؟؟؟؟ ارسلوها بينهم وانت قاعد بينهم يعني ماشفت؟؟؟
بصراحة وباختصار هذي االسوالف اكتشفت انها ماتجيب الا المشاكل ووجع الراس وتبعدنا عن ازواجنا حاولي حاولي لاني مثلك اجاهد والله مجاهده عظيمه هذي السواليف واحاول اعلق تعليقات الطف مما كنت اعلق وازعله..
ومالنا الا الدعاء الله يبعد عنهم رفقة السوووووووووووء والمنكر والحرام..وبس

خواتي انا مو طول الوقت اسوي له مشاكل بس والله من اشوف رقم هذا الرجال او اشوفه يكلمه كني اشوف شيطان قدامي وبعدين ما يكلمه قدامي
ومع انه معاه في العمل لكن لما يكلمه يجلس معاه بالعشر دقابق والربع ساعه والله مضيق لي خلقي الله يشغل اصحابه بانفسهم ويعطينا خيرهم ويصرف شرهم عنا وكل ويسخرلي و لكم ازواجنا يارب