دلوني على الطريقه يا أمهات

ضوء حلم :

وعليكم السلام ورحمة الله وبركاته . الله يخلي لك ولدك ويحفظه يارب . راح اجاوب لك على نفس المشاكل اللي حصلت لي مع اولادي وانتي شوفي ايش يناسبك . بنتي كانت مجننتني ماتعرف تشرب من الكاس اساسا ,, كلما شربت شربه شرقت واختنقت بالماء صرت اخاف اعطيها .. واشربها برضاعه نظيفه وخلاص حتى احل المشكلة . جربت مره من المرات اعطيها عصير الربيع الصغير بالمزاز او الشفاط ,, حاولت وعرفت تشرب منه وماوصخها ولا شرقت اللهم لك الحمد . رحت لسنتربوينت ولقيت عندهم كاس بمصاص وشريته لها ,, تقدري تلاقيه بأي صيدلية قريبه عندكم او محلات الاطفال : http://www.google.com.sa/imgres?*****l=http://dbbabies.com/wp-content/uploads/2012/07/zli-003_1z.jpg&imgrefurl=http://dbbabies.com/product/6-to-12-months/zoli-bot-straw-sippy-cup/&h=1600&w=974&tbnid=_H48LPppXHNnSM:&zoom=1&docid=AmxO-odJgvZIKM&hl=ar&ei=TH8FVeXyMoTxUvGzgrAJ&tbm=isch&ved=0CDcQMygvMC84ZA&biw=1280&bih=563 علميه اول بشفاط العصير خليه يمسكه بفمه واضغطي بخفيف حتى يطلع له العصير ويفهم الشفط يعطيه العصير اللي اعجبه . واذا ماعرف للطريقه عادي فيه هالنوع من الكاسات راح تساعدك كثير وتخليه يعتمد على نفسه بالشرب : http://www.google.com.sa/imgres?*****l=http://canigivemybaby.com/wp-content/uploads/2012/05/Can-I-give-my-baby-a-sippy-cup.jpg&imgrefurl=http://canigivemybaby.com/sippy-cup/&h=300&w=300&tbnid=wWUb7oiwgF_TZM:&zoom=1&docid=AzFFffokZpPb-M&hl=ar&ei=Mn8FVYWfNIa9UZySgugH&tbm=isch&ved=0CBsQMygAMAA&biw=1280&bih=563 وشوفي اللي يناسبك . روحي اذا تقدري تراجعي به عند دكتور اطفال اسأليه اذا رجل طفلك فلات ,, او القدم المسطحه . هذي ماتخليهم يركضون ويطيحو كثير مهما حرصتي عليهم .. وعلاجها بسيط مره يعطيك قطعة تحطيها بحذاء طفلك على مقاسه وتلبسيها له دايم طول اليوم لمدة هو يقررها لك ,, احتمال شهر احتمال سنه . اذا مافيه شي فالحمدلله يمكن مشيته كذا غريبه لين تتعدل من نفسها .. بعض الأطفال يبدع في الحبو وفي المشي تكون حركاتهم غريبه ومضحكه لحد تتعدل لوحدها . العبي معه غميضه واتخبي ورا كنب او جدار .. قولي وين ماما ؟؟ واطلعي له قولي انا ماما .. وصفقي وشجعي . او خلي زوجك يناديك بصوت عالي ماما وانتي في المطبخ او مكان بعيد وردي عليه طيب او لبيه ,, بيفهم ان هالكلمه مقصودها انتي .. ونفس الشي تسويها لأبوه . دايم تكلمي مع ولدك وتناقشي معه حتى لو مايفهم كثير ,, تكلمي بمثل لغتك العاديه كأنك تناقشي واحد فاهم وسولفي وقولي يالله هيا نجيب مويه , وادخلي معه المطبخ واعطيه مويه .. او تبغى حلاوة ؟ وعطيه منها . واستمري على هالطريقة لأنه يفهم عليك حتى لو مايرد .. بعضهم كذا يتأخر بالنطق خصوصا الأطفال الاولين لأن مافي احد يحاورهم أكبر بقليل من مستواهم .. يعني مثلا ولدك راح يتعلم لو عندك اخ او اخت اكبر منه بكم سنه افضل من تعليمك له . ولاتضغطي عليه او تعاقبيه لأنه مارد عليك او يحاور معك .. ان شاء الله ينطلق متى ماكان جاهز . الله يحفظه لك من كل شر ويخليه لكم .

وعليكم السلام ورحمة الله وبركاته . الله يخلي لك ولدك ويحفظه يارب . راح اجاوب لك على نفس المشاكل...