دلوني على حليب يناسب بنتي

احترت و الله لنوع حليب مناسب لبنتي
ده تني موضوع اكتبه و للاسف كل الانواع الي جربتها لبنتي مش مناسبه ليها بالعكس..... من سيء الى اسوء
رضعتها قلت جدااااااااااا....... هي عمرها 3 شهور و اسبوع و رضعتها 30 - 50 مل بس؟؟؟
و بقالها اكتر من اسبوعين وزنها ثابت مش بيزيد
انا جربت السيميلاك...... سببلها غازات
جربت السيميلاك كومفورت.... فيه رغوه كتيييير كانه فيه صابون و كمان بيسبب غازات
جربت ابتاميل كومفورت..... ماتقبلتهوش و عملها امساك
جربت بليميل AC ..... برضه عامل لها امساك
جربت بيبيلاك CTللأمساك.... لكن الامساك ماراحش
جربت بيبيلاك Ar للارتجاع..... لانه عندهاارتجاع و بتبكي و هي بترضع..... لكن برضه مش مناسب ليها
جربت بيبيلاك HA للحساسيه لان في دكتوره قالتلي ممكن يكون عندها حساسيه من نوع اللبن و هو الي بيسبب لها الامساك .... لكن مش راضيه بيه
و اخيرا.....نوفلاك AR Digest..... الدكتور وصفهولي للارتجاع و المغص لكن ابدا مش متقبلاه نهائيا
هي حاليا كل ميعاد رضعه تقعد تبكي و يا دوب تشرب 30 مل و بالعافيه
انا عارفه ان تغيير اللبن مش حلو ابدا و خصوصا اني غيرت كتير
لكن انا مش عارفه اعمل ايه حاليا و كل دكتور اروحله يكتبلي على نوع جديد و احترت
دلونيييييييييييييييي الله يجازيكم عني و عن بنتي خير