دلوني على طبيبة اولد عندها بجدة ذكية وتفهم وتسمعني وتطول بالها وتولدني طبيعي

السلام عليكم روحمة الله وبركاته

يا اخواتي انا قصتي مع الحمل والولادة قصة
ولادتي الاولى كانت قيصري ...والسبب حسبي الله فيها الدكتورة الغبية اللي كنت اراجع عندها
مع اني غيرت كذا دكتورة وما نفعوني
كنت بكرية وما بفهم شيء بالحمل والولادة
من السادس قالتلي الجنين قاعد قعود قلتلها شو يعني في خطر قالتلي لا عادي ولسة بيلف!!
حيرتني وكل مراجعة تقولي نفس الكلمة واستفسر منها وما تقولي شيء عبالها بتطمني وانا ما كنت مدركة شو خطورة الوضع
اخر مرة بالثامن رحتلها قبل ما انزل لبلدي اولد
تخيلو حجم الغباء اللي هي فيه والاهمال
بقوللها يعني ممكن ما اولد طبيعي عشان وضع الجنين قالتلي ممكن بس لسة معك التاسع يلف!!
ولا كانت تقولي اسجدي ولا احبي ولا اي شيء لتغيير وضع الجنين ولا حتى كانت تقولي امشي

وكنت باسالها عن وزني مش زيادة ...وكل مرة كنت اسالها نفس السؤال تتهرب منه قالتلي اخر مرة ايوة زيادة

وكنت بدي انزل لبلدي بالطيارة فبدي منها تقرير انا باي شهر
فاعطتني التقرير وقعدت تحسب
وانتبهت انها كاينة تحسبلي عالهجري وانا معطيتها التاريخ بالميلادي!!!
وهنا كانت الطامة بفكر حالي بالثامن وانا على مشارف التاسع!!وما بقي معي وقت
وغير هيك كان عندي التهابات
واحكيلها اعمليلي زراعة بول
وهي مش قابلة
لحد ما يوم فجأة ارتفعت حرارتي وارتميت
اقسم بالله اسبوع وزوجي يركض فيي عالدكاترة وما حد عارف شو فيي
كل الاعراض اللي عندي بتقول التهابات مسالك ولا حد عارف بيقولولي التهاب لوز!!!
والجنين بطل يتحرك
وكنت استفرغ كل شيء اكله
لحد ما زوجي فكر اني رح اموت خلاص
بس ربنا كتب لي الحياة انا والجنين
كل يوم ترتفع حرارتي 4 مرات وتوصل 40
ببس رحمة ربي نجتني انا والجنين
بالاخير في يوم اخذني زوجي يطلعني عشان اشم شوية هواء بلكي تتحسن حالتي
وهناك جاتني نوبة الحرارة
تبلش بقشعريرة وبرودة ورجفة بكل جسمي
وبعديها ارتفاع بالحرارة
اخذني عاقرب طوارئ
وطبعا ما كانت تنخفض حرارتي الا لما يعلقولي محلول
هناك كان في دكتور طلب اعمل تحليل بول واكتشفو الالتهابات
كنت في حالة مزرية
ودكتور المسالك رفض يشوفني لانه دوامه خلص!!!
والله ماحد يشتغل بضمير
انا والجنين بنموت
وهم ولا حد عنده خبر
المهم كتبتلي الدكتورة النسائية في هذاك المستشفى بعد ما اشفقت علي وعلى جنيني اللي كان مافيه حركة
كتبتلي مضاد حيوي للمسالك وبلشت اتحسن

ورجعت لدكتورتي الاولى
تعطيني مضاد والمرة الوراها يكون خلص المضاد تعطيني نوع اخر وما في شيء راضي يجيب مفعول

من الشهر الخامس لحد ما نزلت بلدي وانا اخذ مضادات يوميا وتعرفو اضرارها عالجنين ومافي نتيجة
والمصيبة
جات تقولي بالاخير عندك التهابات مزمنة!!!
وانا ما جاتني الالتهابات غير بنص الحمل

نزلت بلدي وانا اقول حسبي الله فيهم كلهم
اول ما رحت طبيبتي قالتلي الجنين لازم حكولك انك تسجدي وتحبي عشان ياخد وضعيته
وهسة انت بالتاسع وحجمه كبير وصعب يلف
بس رح نحاول نلفه
حاولت تلفه بيدها ما نفع
والالتهابات اعطتني مضاد مناسب لنتيجة الزراعة اللي كنت عملتها بالسعودية وكنت وقتها بينبع
وقالتلي لازم نعطيك معها تحاميل لان الاتهابات تنتقل للمهبل والمضاد وحده ما بيكفي
اسبوعين فقط وكنت بدووووووون التهابات
بعد ما قالتلي مزمنة وخرابيطها

ووزني خلتني اعمل حمية
عشان الجنين ما يزيد وزنه ويصعب يلف

وقالتلي ممنوع تمشي اذا جائك الطلق رح تتحولي قيصري فورا لان خطر عالجنين وانت بكرية صعب نولدك طبيعي مقعدي ما بنعرف مقدار التوسع عندك وعضلاتك بتكون مشدودة وبتخنقي عرقبة الجنين وما بنقدر نسحبه وبيموت

قالتلي خليكي عالسجود والحبي
ونحاول نضل لاخر التاسع بلكي يلف
وربي قدر ما يلف
واولد قيصري
واعاني من الام بعد الولادة


وهالمرة لو ولدت قيصري بينحكم على كل ولاداتي قيصري

اسفة طولت عليكم كثير

بس بدي تعرفو شو وضعي
عشان تنصحوني بصدق

بدي دكتورة تسمعني وتنصحني وتكون امينة وتولدني طبيعي لو ما احتاج قيصري وتصبر علي
لاني حابة اولد هنا بجدة

ياريت تدلوني على وحدة شاطرة
واهم شيء تكون طويلة بال وتعطيني حقي بالاستشارة الطبية وما تبخل علي بالمعلومة
وافضل لو ما كانت مصرية
لانه كل اللي عانيت منهم مصريات

بدي اسم دكتورة واسم المستشفى اللي هي فيه

وربي يجزيكم كل الخير
انا هسة حامل بالسادس

براجع عند دكتورة بس بحسها عصبية وكشرة وما تعطيني حقي بالاستشارة
نص الاسئلة اللي اسالها تطنشها وترد ردود مش طبية
جميل حلو حلو خالص
وكلام المجاملات اللي ما بيخلص

بدي دكتورة يكون عندها ضميييييييييييير

ارجو اني الاقي عندكم حل وتنصحوني
حتى لو غالية المهم ارتاح نفسيا من عذاب الطبيبات

وربي يجزيكم كل الخير