دلوني على طريقة لتعليم طفلي ....عاجل

الغالية ام مون و عمور من خلال تجاربي الشخصية مع العيال ممكن أعطيك حل ياريت يساعدك وهو :بالنسبة للقرآن ممكن تعوديه لما ينام تقرأي معه المعوذات والسور القصيرة يوميا وتدريجيا بيتعود على هالسور وبيصير يكررها تلقائيا هذا الإسلوب الي أنا متبعاه مع عيالي . وكذالك اشتري له لعبه على شكل لابتوب فيها السور القصيرة وبعض الأدعية بما أنه يحب اللعب أكيد راح تعجبه وخصوصا إنها تصدر أصوات وبالنسبه للحروف في لعبه إسمها بابا مشمش وايد حلوه -استغلي الألعاب للوصول لغايتك وخصوصا إنتي عارفه نقطة ضعف إبنك- أما الأناشيد استخدمي المسجل والأناشيد الاسلامية الخاصة بالصغار مثل طائر النورس وأعظم إنسان و 000000إلخ خلي المسجل شغال وهو بيلعب كذالك في السيارة وطبيعي بيكون يردد الاناشيد مع المسجل واخير اتمنى أكون قدرت أوصلك تجربتي والله يوفقك مع إبنك :41: :32:

السلام عليكم.,..
مثل ماقالت الاخت الي قبلي..
انا اشوف عيال خالتي كذا يحفظون القران عن طريق اللاب توب الي يصير داخله سور.
وموجود في محلات الالعاب انتي بس قوليله ابي لاب توب قران ويعرفه
..
والاناشيد دخلي قناة المجد للاطفال ..
والله ماشاء الله على طول من ثاني يوم يسمعون الاناشيد..
مو بس كذا الا يقلقوون راسك من كثر مايقولونها !!!

تحياتــــ ي

شكرا خواتي على رد
والله انا بعمل هيك لما نجي نام بقول له ان يقرأ قران وهو حافظ الفاتحة والاخلاص والارقام مره يحكيها صح ومرة لا

والمهم انه حامل شنطة اكبر منه ومو مخلي كتاب ولا مجلة ولا ورقة ولا جريدة واقلام ولعب وكل ما يخطر في بالك حاط الشنطة على ظهره وماشي حتي الصبح لما اوديه عند جدته حاملها تعال ادرسك يحكيلي انا عندي امتحان بدرس لحالي
ويوم أمس اشتريت له النجم (الستكرز ) التي يستعملوها في الحضانات ورياض الاطفال حى لما يحفظ شيء ولا ارقام احط له نجمة على يده ولا جبينه ... محاولة علها تنفع

ولا فوق هذا يحكيلي مثلا ماما عبودي ابن خاله مو شاطر مو حافظ شيء او لما يشرب ماي يطلع صوت وما يحكي الحمد لله .

الله يهديه

رأيي إنك تعلميه بدون مايشعر أختي ..
يعني لا تفرضي عليه تلاوة آيات القرآن الكريم ..
يكفي إنك تردديها معاه كما تفضلت الأخوات وقت النوم ...
أو تردديها أمامه أو عن طريق اللاب توب و التسجيل..
وهو تلقائياً راح تجديه يقرأ مع التسجيل ...
بدون أن تشعريه إنه مراقب أو ملزم بأن يحفظ أو يردد شيء معين ..
كذلك رردي أمامه الأذكار المختلفة ..وهو راح يقولها معاك ويحفظها تلقائياً ....

الله يحفظه لك ويبارك لك فيه :27: