نسيت مكعبات مرة مرة ومالها عمر كمان

نسيت أقول لك،،
مو تطلعين لها الأغراض مرة وحدة..
كل كم يوم عرفيها على مهارة معينة وخليها تمارسها كذا يوم لحد ما تتعلم عليها،
عشان ما تتشتت وتركز في ذهنها.
خليها على شكل مكافآت لتصرفاتها الإيجابية.
والكتب في الليل كل يوم طلعي لها قصة وحدة بس واقري لها اياها وعطيها تتصفحها لحد ما تنام.
لأنها في طور التعلم وفي هالعمر يتشتت انتباه الطفل بسهولة فلازم يركز معك في شي واحد، مهارة وحدة، كتاب واحد، وكذا.

مكتبة جرير حلوه اسعارها بالنسة للألعاب التعليمية وسنتر بوينت بعد
و الفناتير حلوه العابه .وجودتها حلوه بس اسعاره شوي غاليه بس روحي خذي لك طلة في اشياء اسعارها حلوه
انا شاريه لبنتي من جرير والفناتير بس افضل الفناتير اكثر

مشكورات خواتي لمساعدتكم
جبت لها ألوان وكراسه بس بعد فتره ألقاها مشخبطه على الحدار رفعتها عنها كعقاب بس رجعت لنفس الحركه لما عطيتها ثانيه
المكعبات لها فتره متعلقا بها وتشكل بها ومبسوطة رغم كان عنها من تقريبا سنتين بس مااعطتها اي اهتمام إلا هذي السنه
تحب القصص بس اشتريت لها ثلاث بس.
يرجع اشتري لها كتب
مشكلتي أنها متعلقا باليوتيوب كثير بحوالي او ايبادهرا
من مغامرات جيك وارض الأحلام وسندريلا و السل وغيرها
أبي برنامج غيره يطلع المغامرات. بدون أي تخريب لأخلاق الطفل
او طريقه تقدر تتصفحها من ما تشوف مشاهد منحرفه

حبيبتي انا بكتب لج بعض الاشياء اللي جربتها مع عيالي و حبيتها شخصيا ... و للعلم العاب تويز ار اس ما تتكسر بسرعه بالعكس تعمر وما شاء الله ولدي عمره 9 سنوات والعابه من عمره سنه للحين موجوده وتلعب فيها اخته ..
يعني عني انا شخصيا ما احس خساره فيها الفلوس لانها فعلا مفيده وانتي علمي بنتج انها لازم تحافظ على العابها و لو ما حافظت عليها ما بتشترين لها مره ثانيه و ازرعي فيها حب الاهتمام والمحافظه من صغرها و صدقيني بتتعود على هالشي .. انا الاحظ وايد اهل يعطون عيالهم الالعاب و بنفس اليوم يكسرونها وهم عادي عندهم مع انه المفروض يزعلون منهم ويبينون لهم انه تصرفهم غلط وانهم بينحرمون من الالعاب اذا كرروها علشان يحسون بغلطهم ومع الوقت بيتعلمون كيف يحافظون على اشياءهم ..


عموما ما بطول عليج ..


هالسبوره انا حبيتها وااايد .. في منها اشكال مختلفه .. واييج معاها اقلام و مساحه و حروف تلصق بالمغناطيس .. حلوه لتعليمها و بنفس الوقت ترسم و تتسلى وانتي علميها عليها في البدايه علشان تعرف كيف تستخدمها وتتسلى فيها ..
سعرها تقريبا 150 او 200 درهم /ريال ... بهالحدود





الاطفال في هالعمر يحبون الالعاب الصوتيه ... وهاللعبه انا خذت شبيهه لها مب نفسها بالضبط .. بس حلوه ومسليه .. اللي عندي فيها واير تشبكينه بالكمبيوتر وتقدرين تنزلين فيه اناشيد اطفال من موقعهم .. و هي حلوه فيها اصوات الحيوانات والحروف .. هذي الجديده اللي عندي اصدار قديم ... انا عني حبيتها و حاليا افكر اخذ لبنتي نفس هذي بس متردده لانه عندها واحد شبيه لهذي .. بس من حبي لها^^
سعرها 100 وشوي ..










هالصلصال غني عن التعريف طبعا ... حلو و ما يوسخ .. وانا افضل تشترينه من كارفور او المكتبات او اي محل ثاني لانه عندهم اشوي اغلى ..
في لهالشركه اشكال متنوعه و في منهم بعلب كبيره انا افضلها لانها سهله في التخزين بعد الاستخدام ..





واذا ما عندج مكان في البيت وما حبيتي تاخذي السبوره الكبيره فأنصحج خذي لها نفس هذي اللي تكون بمغناطيس .. حلوه وعمليه وتنفع تشيليها فالسياره لانها ما توسخ قلمها مغناطيسي و سعرها رخيص ..



ومثل ما قالوا البنات .. ألعاب التركيب تحصلين أشكال وانواع .. انا اشوف كل الاطفال يحبوها و تشغلهم لوقت معقول ..





هاللعبه اللي المفروض ما يخلوا منها ببيت .. مسليه و بنفس الوقت تعلم التركيز .. خذيه وانتي مغمظه و تسلي مع بنتج فيها ..





و ممكن تاخذيلها نطاطيه لو حبيتي ..

وهذا بعض مافي جعبتي ^^