دلوني كيف أتصرف

السلام عليكم ورحمة الله وبركاته. اخواتي العزيزات يشرفني ان اكون بينكم واطرح ها السوال الي محتارة فيه عليكم وأتمنى تفيدوني بنصايحكم.

أولا حبيت أخبركم اني ف بلاد غربة للدراسة. وبسبب ضغط الدراسة اضطريت ارجع اولاديxxxxx
وأبوهم ما رضى يسكنوا بيت أهلي واضطريت أوافق ع الموضوع لانه تعبت من النقاش.

المهم انا عندي ولدين. ووحدة من عماتهم (اخت زوجي) تأخذ الكبير تخليه ينام عندها نهاية الأسبوع ويظل الصغير بروحه يمل ما حد يلعب معاه. هي تأخذه عشان خاطر بنتها ��.
المهم انا رسلت رسالة انبههم فيها جميع انه اذا حبتوا تأخذوا الاولاد يناموا عندكم ما عندي مشكلة بس ع الاقل تأخذوا الاثنين مع بعض مع شغالتهم وبلاش تأخذوا واحد والثاني لا. المهم اخت زوجي كررت نفس الحركة أكثر من مرة. ومرة من المرات أخذت الكبير بيت اهل زوجها ويبعد عن بيتهم بالسيارة مسافة ساعتين ونص وبدون علمي او علم ابوهم. وكالعادة رسلت رسالة تنبيه. بس الاخت معنده. 
المهم كررت الحركة للمرة الرابعة تأخذ الولد الكبير بدون علمي او علم ابوه. انا ف الغربة وسالت الشغالة ع الاولاد وقالت لي انه الكبير ف بيت عمته. رحت سالت زوجي الي موجود في عمله في عمان عندك خبر انه ولدك نايم بيت اختك رد علي لا. المهم انا رسلت لها رسالة ما فيها الا كل احترام وخبرتها انه انا اشجع العلاقات بين الاولاد تكون زينة وحتى اذا علاقتنا احنا الكبار متوترة. بس أتمنى انك لما تحبي تاخذي الولد عطينا خبر بس انه بينام عندك. ما تستاذني. بس عطينا خبر انا او ابوه. وخبرتها اذا كنتي مشغولة خبري شخص غيرك يخبرنا ع الاقل. وقلت لها أتمنى هذا الشي ما يتكرر منك. 
وما اشوف الا زوجي يتصل في وانا في غربتي ومضغوطة حيل في دراستي الا ويتكلم ع الأخلاق والتربية وانه انا ما اتربيت وكلام خيالي. 

المهم اتصلت ع أخته اسألها ترد علي انتي ف رسالتك قلتي انا ما عندي أخلاق وما اعرف إربي عيالي وانه انا امنع اولادي لا يروحوا بيتها. وبدت تقول لي خسارة الشهادات الي عندك وخسارة الدراسة الي تدرسيها وانه انا ما اعرف أعيش صح. وترد تقول لي مرة ثانية أسلوب التهديد ما اريد اسمعه منك. وانتي ما تحترمي ابوي وأمي وهذولا أولاد أخوي واذا غلطوا بضربهم وانتي ما راح تمنعينا عنهم. وتقول اتذكري الي ربى زوجك نفسه الي رباني واذا انا ما في أخلاق حتى هو ما فيه أخلاق. انا هذا الكلام كلش ما كتبته ف الرسالة وقلت لها حسبي الله ونعم الوكيل فيك لانك عملتي فتنة بيني وبين زوجي وبيتك ما ادخله لو ايش ما صار.

المهم انا بعد شهرين تقريبا ارجع عشان أزور عيالي. ايش تنصحوني لما أشوفها؟