دلوني كيف اتصرف بالخيوط بعد عقدة نهاية العمل

انا عن طريقتي بعد نهاية الشغل اسوي سلسلتين و عقدة و ما اقص الخيط على طول لا..

اقصها طيلة اشوي و بعدين ادخلها بين الشغل و اقص
و مرات احرق الطرف

شوفي ياختي
حاولي تخفيه زي الناس بين الغرز مايطلع ان شاء الله

لا تحاتين اختي حسب نوعية الخيط عندج تقفلين نهاية الخيط

طبعا اذا كان قطن أوصوف فاااستحاله ينحرق بعود الثقاب فالأضمن نهاية الشغل تسوين سلسله عاديه وتسحبين الخيط وقبل لا تقصينه اتركي 3 او 5 سم من الخيط وبعدين قصيه وبعدها دخلي هالخيط الزائد من بين الغرز
وبتلاحظين انه ماراح يطلع حتى لو شديتي على القطعه

أما بالنسبه للحرير تقدرين اتسوين نفس طريقة خيوط القطن والصوف وأنا أضيف عليها اني أحرقها بطريقة خفيفه

ان شاء الله أفدتج

حاولي تخفينه صح

احياناً اسوي له ربطتين بحيث انه مايطلع

تقدرين تستخدمين الشمعه

الله يوفقكِ

انا طريقتي اني انظم الخيط الباقي بالابرهـ العاديه وادخل الابره بين الشغل تكون جوا العواميد او الحشو مو في السلاسل >> اتمنى تصيري فهمتي قصدي
انا شفت الطريقه باليوتيوب وللأسف ضيعت الفيديو وغير كذا ممنوع روابط اليوتيوب