دلوني وفهموني هذا مس والا عين والا وسواس

السلام عليكم يابنات،،

حبيباتي انا لي مده ابي اكتب بس خايفه وبصراحة اكثر ماابي افتح لنفسي ابواب ، دايم كنت اقول محد يقدر يضرني او ينفعني الا بكتبة ربي بس الوضع صاير يخوفني ،،والعمر صار يروح وانا ماغير ضيقه صدري بتذبحني..

انا قريت كثير عن المس العاشق ومن اعراضه شفت اعراض بسيطه فيني بس فهموني وش تحس البنت بالضبط؟؟

انا احس دايم انه صدري ضايق ، وابكي على طول ، ومن انخطب ارفض ماادري ليه مو قادره اتقبل اي حد ، وكذا مره انخطب واكون بوافق مااعرف وش يصير عند الخاطب ويتفركش كل شيء ، حتى قبل فتره كنت خلاص بملك اول مره ارتاح لشخص وحبيت الولد وحبني ومره وحده صارت عنده ظروف وتفركش كل شيء..

انا مره كلمت شيخ وقلت له قالي رجعي كلميني بعد الصلاه اذكر كذا المغرب وماادري وش سوى بالقرآن وقالي انتي مافيك شيء بس اقري ادعيه تيسير الزواج..

لي فتره مره خايفه وماابي اسكت عن عمري ؟؟ واقول بتوكل على الله لازم اخذ بالاسباب ..

علموني وش احس لو فيني عين او مس ؟؟