http://forum.hawaaworld.com/showthread.php?t=326240&page=3&pp=15&highlight=%CC%C7%DD%C7
شوفي هذا الموضوع يمكن يفيدك أنا يادوب قريت اول ثلاث صفحات
عموماً جدة حلوة وكبيرة وفيها كل شي وحتعجبك أكيد..
بإختصار حأورد لك
بالنسبة للشقق المفروشة .. شارع الاندلس أمام بنده هناك ثلاث عمائر شقق مفروشة
شارع السبعن-شارع الامير ماجد- كله شقق مفروشة مابين شارح فلسطين والتحلية تجدي ان هناك العديد من الشقق المفروشة
هناك شفف في صاري جنب الراية شقق بن مهري
ونصيحتي تاخذي شقة في قصر الحمرا الي في شارع فيسطين وسط البلد ونظيف بس مااعرف سعره بس معقول اعتقد..
واذا تبغي في شارع الاندلس في درة جدة نظيفة برو وحلوة ورى فرايديز
في شقق مليان بس هذي الافضل طبعا
بالنسبة للمولات
التحلية مول وجدة مول والثيرفي الي هو ميجا مول كلهم في التحلية وطبعا شارع التحلية كله سووووق
عندك سوق حراء وحراء افينيو في شارع حراء
في مركز السلطان أمام ايس لاند في شارع الامير سلطان
كذلك اويسيس مول محمود سعيد عندك مركز الجمجوم وفتحوا جنبة مركز نسيت اسمه
بالنسسبة للملاهي
عندك اغلبها على الكورنيش نبدأ من تشكي تشيز ملاهي ومطعم وجبات سريعة وفيه بلكومة مطلة عالبحر عادي وهادي
في الشلال مارحتها بس يقولوا حلوة
في روائع المكتبات فتحوا فيها ملاهي مائية اكبر ملاهي في جدة بشارع الامير سلطان
عندك فن تايم زي تشكي تشيز
في ملاهي عطاالله والسندياد كلهم جنب بعض في الجهة المقابلة لعطاالله في مطعم الجزيرو الخضراء راقي جدا
وفي مطعم سن رايز اعتقد في النص بين عطاالهه والجزيرة الخضراء
عزيزتي جدة ياما حكيت ايش فيها وفيها مايكفي ترى هذا الي في المناطق الراقية مليان محلات شعبية وملاهي برضو شعبية هههههههههههه
المهم اي شي انا في الخدمة واسالي والله يسامح بنات جدة وينهم...
أم كنان
•
الصفحة الأخيرة
الشقق المفروشه تبين قريبه من الاماكن التجاريه ورخيصه... ترا كل ماقربتي من الاماكن التجاريه يزيد السعر...
شوفي وطني في شارع الامير ماجد نظيفه وموغاليه بس خبري فيها قبل سنتين مدري كيف صارت الحين
احسن شي خذي في شارع حراء او صاري حلو واسعار مناسبه وقريب من اماكن التمشيه
وترى جدة كل ماتمشين شوي تلقين شقق مفروشه ياكثرهاااااا
الدليل السياحي وشو ذا يوكل >>>>> تستخف