تركيا جو وطبيعة ومصر حلاوتها في الناس نص اليل الناس صاحية ورايحين وجاييين حلوة وسيعة صدر..ودي باوروبا بس خايفة خصوصا الفترة هذيييي واللة مشكلة:16:

الله يعافيكم يابنات ابغى عن تونس

الغالية خلود الرياض
الصراحه المالديف روعه اولا حجز زوجي مع مكتب الامارات للعطلات وهم نظموا كل شي طلعنا من مطار دبي وصلنا مطار المالديف وكان مطارها بروحه على جزيرة وكان ينتظرنا عامل الشركه اخذ الشنط عنا وحجزلنا يخت صغير حقنا بروحنا وابحرنا الي جزيرة الفندق اللي فيها اسمه باروس واول ما نزلنا استقبلونا بكل خفاوه ورحبوا فينا الجزيرة ما فيها غير الورد وجوز الهند والماء من كل مكان والحجرة مالتنا كانت ميني سويت حتى الحمام اكرمنا الله مليان نباتات دامجين معاه الحديقة ومسكره من فوق يعنى اخر حلاوه ورومانسية
:24:
وهم حاطين الحجر ومقابلها البحر وكل حجرة لها كرسيين على البحر مخصوص ترتووووووووب :27: كنا نطلع وانا اجلس وزوجي يسبح مع بنتي شيخه فديتها :04: وطبعا الاكل كله طازج والمطاعم موجودة ومتنوعه على الجزيرة وعلى فكرة الجزيرو مشيناها في عشر دقايق لانها صغيرة
الفندق ينظم رحلات سباحه في مجموعات طلعنا معاهم مرة انا استمتعت بالبحر والجو وزوجي استانس بمنظر تحت الماء خلاب وبعد في رحلات كثيرة بس احنا ما كان عدنا وقت واتصدقين حتى تلفزيونات ماشي فقط استجمام وراحة الصراحه انا وزوجي ريحنا من بعد تعبنا من الدوامات والاشغال خذناها هدوء
بس على فكرة المالديف جزرها كثيرة وكل فندق على جزيرة ويتعاملون بالدولار
اتمنى ما اكون نسيت شي واذا في سؤال انا جاهزه
في امان الله

ام عبيد وشيخة
شكرااا على الرد الجميل بس عندي كم سؤال
1-كم المسافة بالساعة من الامارات
2- كم يكفيها من يوم
3- وما فيه شيئ قريب من المالديف ممكن الواحد يقضي كم يوم فيه
4-هل تصلح للأطفال
5- كيف وضع الحجاب عندهم
6- كيف الأكل عندهم وما هي نوعيته
وآسفة على الإطالة

حبوبتي خلود الرياض
1-كم المسافة بالساعة من الامارات : 3 ساعات
2- كم يكفيها من يوم : 4 بس اذا رحتي العاصمه واتسوقتي يصيرون 5
3- وما فيه شيئ قريب من المالديف ممكن الواحد يقضي كم يوم فيه : ما عندي فكرة
4-هل تصلح للأطفال : نعم بيستانسون على البحر
5- كيف وضع الحجاب عندهم: البسي اللي تبغينه عادي
6- كيف الأكل عندهم وما هي نوعيته : فيها الاكل الحلال لا تخافين واحلى شي عندهم الاطباق البحرية البحري
وسلامتكم في امان الله