سلام بنات
فيني قهر، انا دليت اختي على بيت صح مب جديد ولكن موقعه جيد جدا. وواسع البيت وفيه كم غرفه ومقسمات ومؤجرات.. على نيتي خبرتهم وعاساس نتشارك فيه.. وراحن وشافن البيت وعجبهن.. المهم اتفقنا ان خلاص نشتري البيت.. وتجي امي تقول لي خلي اختك تشتري البيت، قلت لها وانا قالت دوري شي ثاني!!! قلت لها كيف كذي وانا الي دليتكم عالبيت المهم سكتت لما قلت لها كذي وقالت زين تشاركن.. وبعد كم يوم تجي تعيد السالفه وتقول انتي اصلا ما تخلي راتبك مثل اختك؟! تقول لي راتبك يسرعه يخلص.. يعني بلعقل امي ما تفهم.. انا كل مره اشتري اغراض لبيت اهلي واختي ما تدفع شي وادفع لشغالتي التي تشتغل فبيت اهلي وفييت اهل زوجي. وادفع للحرمه الي توصلني الدوام. وسياره اقساط لاخوي. يعني شو بيبقى من راتبي!! وكل اسبوع اروح بيت اهلي واشتري اغراض واذا ما اشتريت تقول امي هذا ناقص وهذا ناقص.. وبعدها تريد تمسك راتبي وبطاقتي البنك تقول انتي ما تعطيني راتبك مثل اختك..
اترك لكن حريه الراي فموضوعي..
الركن الفضي @alrkn_alfdy
عضوة فعالة
يلزم عليك تسجيل الدخول أولًا لكتابة تعليق.
voooooj
•
هاذا تعبك وجهدك ماحد له الحق يتصرف او يتحكم فيه حتى لو امك واخوك المفروض هو يشتغل يدفع اقساط سيارته مو ملزومه فيه اغراض بيت اذا عندك امكانيه اشتري لاحول ولا قوة الا بالله الموظفه كلن يطمع فيها
نيلا
•
الله يعينك اختي .... بس نصيحه لا تعطي احد بطاقه البنك خصوصا انتي ماشاءالله باره وماقصرتي باهلك
لفت نظري شي لكن ادري مو الموضوع كيف شغالتك تشتغل بيتك و بيت اهلك و بيت زوجك ؟ حرام في النهايه هذه ادميه حتى لو شغاله .... ارحم الشغالات يشتغلو في اكثر من بيت
لفت نظري شي لكن ادري مو الموضوع كيف شغالتك تشتغل بيتك و بيت اهلك و بيت زوجك ؟ حرام في النهايه هذه ادميه حتى لو شغاله .... ارحم الشغالات يشتغلو في اكثر من بيت
نيلا شكرا ع ردك ولكن انا جايبه شغالتي عشان تخدمني انا وعيالي.. لكني ساكنه فبيت زوحي واهل زوجي يعطوها شغل وما اقدر اتكلم لانهم بيزعلو ونفس الشي لما ازور اهلي يعطوها شغل من غسيل وطبخ وغيره وانا ساكته حتى عيالي انا بنفسي امسكهم واغسلهم لما اكون فبيت اهلي لان شغالتي تشتغل ولا امي او اختي كلفن عمارهم يشوفو عيالي بس يجلسن ويلعبن مع عيالي وع طول يتهربن.. والشغاله تكرف وانا انتظر حضراتهن اذا خلصن صلاتهن اقوم اصلي. حتى فصلاتي اخاف عيالي يلغبو بشي ومحد يشوفهم وفوق هذا امي تنازغ تقول لي عيالك خربو وخيسو ووو
راتب الموظفه كلهم يطمعو فيه 😢😢الزوج والاهل واهل الزوج والشغاله بعد تقص ملابسي وملابس عيالي..
tuka
•
إذا عندك إمكانيه ولو تبيعي ذهبك وإلي قدامك وإلي وراك وإتسلفي كمان وإشتريه وحدك عشان راتبك يروح بمكانه الصحيح مو شرق وغرب وإذا ما تقدري صممي أنكم تشتروه إنت وأختك وقولي لهم إذا خدعتوني وإشترته من وراي والله ما أسامحكم أنا إلي دبرت البيت ولما يصير بمقدوركم إشتروا بيت ثاني وإتنازلوا لبعض وكل وحده يصيرعندها بيت لحالها والله بهزمن إلي يعطي من غير مقابل يستغملوه الناس حتى إلي من لحمه ودمه.
الصفحة الأخيرة