حياكم الـله جميعـــــــــا
وبالانجليزي
هذا الموضوع راح يكون ان شاء الله شامل عن المدن البريطانيه
وهو هديه من بنات تجمع بريطانيا لإفادة الجميــــــــــــــــــع
ونتمنى ان يساهم الجميع في تطوير هذا الدليل بإضافة كل مالديهم من معلومات عن بريطانيا او مايخصها
قال عليه الصلاة والسلام: "أحب الناس إلى الله تعالى أنفعهم للناس, وأحب الأعمال إلى الله تعالى سرور تدخله على مسلم, أو تكشف عنه كربة, أو تقضي عنه ديناً, أو تطرد عنه جوعاً
ولأن أمشي مع أخي في حاجة أحب إليَّ من أن أعتكف في هذا المسجد .
ونأمل عدم اضافة اي ردود عامه غير المعلومات فقط حتى يسهل للباحث عن معلومه الحصول عليها
واذا وجد اي استفسار او رد عام او طلب معلومات يرجى وضعها في هذا الرابط http://forum.hawaaworld.com/showthread.php?t=898904&page=123
في البدايه كتبت بشكل عام عن بريطانيا وبعد ذلك نبدأ بالتفصيل عن كل مدينـــــــــه
الأشياء اللي مهم تحضرينها معك بشكل عام
_ القران الكريم
_ ساعة الاذان (( عشان تسمعين الاذان في بيتك ))
_ سجاجيد وشراشف صلاه
_ قهوه وهيل وبهارات واعشاب (( في المحلات الهنديه فيه اعشاب وبعض البهارات ))
- ترامس قهوه واباريق شاي ودلة التفويح للقهوه
- شراشف صلاه وسجادات
- حافظات للأكل
_ فناجيل وبيالات الشاي
- سفر للاكل اذا حابه هنا مافيه حتى في البقالات العربيه
-مترجم ناطق
- اذا عندكم اطفال جيبي اشرطة فديو لهم تونسهم او بلاي ستيشن
-اي جهاز كهربائي بتجيبينه يكون 220
- بجايم داخليه شتويه اللي تنلبس تحت الملابس طبعا للاطفال والكبار كثري منها مافيه هنا
- قدر ضغط
- بخور ومبخره (( اذا حابه ))
_ علبه صغيره للإبر وجميع الوان الخيوط والازارير بتحتاجينها
_عدد مناسب من الحجابات الملونه
- اذا حابه تجيبون معكم شطاف للحمام الله يكرمك حنا جبنا وقلنا لصاحب البيت وركبناه بالبيت
- اذا بتستخدمون كمبيوتر بيت جيبوا كيبورد عربي احتياط لاخرب عندكم سبير
_ شهادات التطعيم للأطفال عشان تكملين تطعيماتهم هنا
والباقي كل شي موجود هنا حتى المعلبات والاكل العربي فيه في البقالات العربيه كل شيء
_ ترجمي شهاداتك يمكن تنضمين للابتعاث اذا حابه تكملين تعليمك
_ عدد من الصور الصغيره لك ولزوجك ولاطفالك تحتاجونها كثير
-اشعه للصدر مع تقرير مكتوب فيه انك خاليه من الامراض لانهم يطلبونه في المطار لاي شخص يجي وتكون تأشيرته اكثر من ست شهور واذا ماكان معك بيسوونه لك بالمطار وبياخذ وقت فالافضل يكون معك
شحن الأغراض لبريطانيا
يتم تخزين الاشياء السابقه في كراتين
ويفضل الشحن قبل اخر يوم من المغادره لانها تاخذ عاده من 7 ايام الى 10 ايام لين توصل عشان يمديكم تستقرون
توجد شركات متعدده تشحن وتكون عن طريق المكاتب السياحيه
نذكر على سبيل المثال الطيار والمؤيد وهناك نوعين من الشحن ( للمطار او للمنزل)
الشحن للمطار :
السعر يتراوح بين 5 ريال الى 7 ريال للكيلو بس لازم اول ماتوصل الاغراض الى بريطانيا تستلمونها فورا لان اي تأخير فيه عليه غرامة وبعد لازم اجار سيارة عشان استلام الاغراض وتوصيلها للبيت
الشحن للبيت:
السعر تقريبا 10 ريال للكيلو ويتم توصيل الاغراض الى باب المنزل
تخزين الأثاث
توجد عدة شركات لتخزين العفش والاثاث منها على سبيل المثال دار الاتجاهات ولها فروع في جميع مدن المملكه
احضار الخادمة:
فيه شروط معينه لاحضارها وهي
- لازم تكون على كفالتكم سنة كاملة ماتنقص يوم واحد.
- خطاب من الكفيل للسفارة يطلب اعطاؤها التأشيرة للعمل.
- رسوم التأشرة + الصور
- لازم كتابة عقد بينكم وبينها باللغة الانجليزية يوضح فيه :
o عدد ساعات العمل اليومية ( 8 ساعات)
o لها غرفه خاصة تسكن فيها.
o لها اجازة يوم في الاسبوع
o لها اجازة سنوية شهر في السنة
o الراتب ويفضل لايقل عن 250 باوند
طبعا احتمال يسوون معها مقابله عشان كذا لازم تفهمونها هالمعلومات زين
ولازم تحتفظون بنسخة من جميع الاوراق اللي قدمتوتها لان بعد سنة راح تحتاجونها لعمل التجديد
المستشفيات في بريطانيا
عند الوصول لبريطانيا يجب التسجيل في اقرب مركز صحي للسكن ويسمى جي بي وكذلك طبيب اسنان للاطفال ويمكن من خلال الموقع التالي التعرف على اقرب مركز صحي الى بيتك
اكتبي الرمز البريدي للبيت واختاري وش تبين مركز صحي ولا صيدلية ولا طبيب اسنان ويطلع لك كل شيء
http://www.nhsdirect.nhs.uk/find/results/index.aspx
التسجيل لدى الشرطة عند الوصول:
في اغلب الاوقات يسجلون التأشيرة انك لازم تسجلين في الشرطة خلال 7 ايام من تاريخ الوصول لبريطانيا عشان كذا لازم اخذ موعد عن طريق الهاتف خلال ال 7 ايام الاولى من الوصول
وللتسجيل تحتاجون التالي:
- الجواز
- صورتين شخصية
- رسوم التسجيل 34 باوند ( للشخص)
- احيانا تطلب بطاقة المعهد او الجامعة
- العنوان البريدي
التسجيل طبعا للي مكتوب في تأشيرتهم انه لازم يسجل فقط لان في بعض الاحيان يطلبون من الزوج بس واحيان من الزوجة بس وغالبا مايطلبون من الشغالة والاطفال.
المدارس والحضانـــــــــــــه
يحق للاطفال دخول المدارس من سن خمس سنوات مجانا
ومن سن 3 سنوات يستحق الطفل مايعادل ساعتين ونص يوميا في حضانه مجانا طبعا اغلب الحضانات تكون اقل فترة ( الصباحية مثلا) خمس ساعات في مثل هالحالة تدفعون تكلفة ساعتين ونص والساعتين ونص الثانيه تكون مجانا
.
التسجيل للمدارس لازم يكون من بدري وافضل من قبل سنة لان عند التسجيل تختارين كم مدرسة من القريبة منك وهم يوزعون الطلاب حسب الاسبقية
هذا الموقع فيه معلومات مهمة عن المدارس وكيف تحصلين اقرب مدرسة لك وطرق التسجيل وممكن بعد تسجل اون لاين
http://www.direct.gov.uk/en/EducationAndLearning/Schools/ChoosingASchool/index.htm
توجد مدارس سعوديه في عدد من المدن بامكان تدخلين اولادك فيها وعاده هي تكون يومين بالاسبوع، وان كان مافيه مدرسة سعودية لازم تسجلون عيالكم في اقرب مدرسة سعودية ويعطونكم الكتب وتدرسونهم في البيت ووقت الاختبار تودونهم للمدرسة يختبرون وينجحون ان شاء الله
يتبع .........
شركات الجوال:
هناك اكثر من شركة جوال في بريطانيا ومن اشهرها
شركة 3
http://threestore.three.co.uk/?id=1184
شركة اورنج http://www.orange.co.uk/
شركة تي موبايل http://www.t-mobile.co.uk/
شركــــــة فودافون
http://shop.vodafone.co.uk/index.cfm?source=omd&wt.srch=1&lpsrc=Google&lpgroup=Vodafone+Exact+Match
شركـــــــــــة او تو
http://www.o2.co.uk/
طبعا عروض الجوال تكون اما 12 شهر او 18 شهر
بحيث تدفعين مبلغ شهري بحدود 30 باوند وتحصلين على الجهاز + دقائق مجانية شهرية داخل بريطانيا + رسائل شهرية مجانية
احيانا تكون هناك عروض اضافية مثل كاش باك ممكن يكون تعطيك مبلغ كاش لحظة توقيع العقد مثل ماتسوي محلات فون فور يو
السوبرماركت وأشهرهم في بريطانيا
_ اسدا Asda
ويعتبر ارخص سوبرماركت في بريطانيا
موقعهم على النت
http://www.asda.co.uk/corp/home.html
_ سانسبري Sainsbury
موقعهم على النت
http://www.sainsburys.co.uk/home.htm
-تيسكــو
موقعهم على النت
http://www.tesco.com/
وهذي المحلات تكون غالبا مفتوحه 24 ساعة يوميا ماعدا السبت تقفل الساعة 10 مساء والاحد تقفل الساعة 4 عصرا
موقع ممتاز لمعرفة اوقات الصلاه في اي مدينه في بريطانيا فقط اختاري اسم المدينه
http://www.islamicfinder.org/addwiz.php?country=United_Kingdom&state=2
وممكن تنزلين برنامج من الموقع في جهازك يأذن للصلاة اذا جاء وقتها
شركات الطيران الاقتصاديه (( رخيصه )) في بريطانيا واوربا
وتقدرين تسافرين فيها داخل بريطانيا او لأي دوله في اروبا وبارخص الاسعار
لاي وحده بتجي بريطانيا بعثه مع زوجها (( ترا سويسرا تقدرون تروحون لها بدون اي تأشيره يعني مجرد حصولكم على تأشيرة طالب في بريطانيا تدخلونها عادي ماوصيكم لاجيتوا هنا سيروا عليها ترى تستاهل والله ))
واذا ناويــــــــــه تروحين لاي دوله اوربيه فرنسا _ اسبانيا _ المانيا .....الخ
نصيحه تطلعين (( فيزة الشينقن )) لك ولعائلتك من بلدك وهي فيزة اوربا تدخلين فيها جميع دول اوربا
لانه هنا تعقيدات طويله واغلى بعد
طبعا كل ماحجزتوا بدري يعني قبل سفرتكم بشهرين مثلا او اكثر كل ماطلعت التذاكر رخيصه يعني ممكن تسافرون من بريطانيا الى سويسرا او فرنسا رايح جاي عشرين باوند فقط
وصديق زوجي سافر مره لباريس رايح جاي بخمسه باوند (( يعني 40 ريال )) شكله حاجز من قبل سفرته بمده طويله
ومن أهم الشركات
Eazy Jet (( ممتازه وجربتها ))
موقعهم على النت
http://www.easyjet.com/en/book/index.asp
GermanWings
موقعهم على النت
http://www.germanwings.com/index.en.shtml?PBS=316.901.0.0.1183952681
SkyEurop
موقعهم على النت
http://www2.skyeurope.com/en/Default.aspx?reference=3UKSARG1&track=rmsarcar.com
Air Berline
موقعهم على النت
http://www.airline-network.co.uk/index.asp?partner=Google&Googlekeyword=air+berlin&adgroup=Air_Berlin_Flights
وباقي الشركات هنا بس انا حطيت افضلها
هنـــــــــا
يتبـــــــــــع ........