دليلك الكامل ف عنايتك لبشرتك, حددي نوعها وطرق العناية بها .

سلام كيفكمم ي احلى بنات؟ عساكم طيبات و م تشكون شر.
اليوم حبيت اقلكم ع اشياء موجودة ف كل منزل واشياء تشترونها بسعر رخيص وتفيدكم ان شاء الله ومضمونة 100%
وبنتكلم ان شاء الله عن العناية المتكاملة لبشرتك وانواعها وكيف تعرفين نوعها وان شاء الله تستفيدون حبيباتي.
ف جيبي قهوتك واسترخي لان الموضوع طويل شوي .
اولاً: نوع البشرة
وش نوع بشرتي؟
السؤال اللي يواجه الكل وماتعرف بعدها تختار منتجات العناية والخلطات ماتناسبها و و و الخ..
بشرتك وحدة من اربع:
البشرة الدهنية: تكون دهونها كثيرة وتكثر بها الحبوب خاصة وقت البلـوغ وتكثر وقته الدهون والحبوب لتعرفي انك بتبلغي وبرضهه وقت دورتك تلاحظين ان الدهون زادت اكثر من السابق. طبعًا اللي عندهم هذا النوع وبشرتهم دهنية عندهم ميزة وحدة ان التجاعيد ماتطلعلهم الا ف وقت متاخر كثيير ويمكن ماتطلع حسب كمية الدهون اللي تفرزها البشرة. وبرضه تكون ناعمة اكثر من غيرها. انا بشرتي من هالنوع وتعبت وياها كثييير الين م بدأت ف العناية والعناية تسوي المستحيل كلهم استغربو علي كيف صرتي كذا؟ نتكلم بعدها عن كل شيء لا تطنشين هالكلام وتنقزين تحت عشان تعرفين؟ حبة حبة اصبروو قلتلكم طويل الموضوع ويحتاج راحة.
البشرة العادية: طبعا افضل انواع البشرة هي وتكون الدهون فيها معتدلة يعني لادهنية ولاجافة وسط. ونادرًا مايعاني هذا النوع من الحبوب وعادة نستغرب ليش السمر بشرتهم غالبا صافية وناعمة؟ لان بشرتهم ف العادة تكون عادية. طبعا مو لانها عادية ماتحتاج عناية لا لازم تعتني فيها عشان يطلع عليك الميك اب حلو وتشرقين ع صحباتك وجاراتك ويغارون من بشرتك :D
البشرة الجافة: و م ادراك م البشرة الجافة, رح تعانين منها كثير اكثر من البشرة الدهنية رح تحسين واصل انها مشدودة وقليل تطلع فيها الحبوب صح انها ميزة لكن منظرها يسد النفس. يعني حبوب ولا لا كذا ولا كذا ماهي حلوة. دهونها مرررة قليلة عشان كذا تكفيك مرة باليوم تغسلين وجهك بالصابون لان الدهون فيها قليلة. بالنسبة للعناية بها طبعا انا ماعرف كثير لكن الخلطات ودهنها بزيوت طبيعية وخلطات مناااسبة اكيد رح يفيد.
البشرة المختلطة: وهي شائعة عند النساء يا اما تكون المناطق اللي هي الجبهة والانف والذقن دهنية والخدود جافة او تكون الخدود عادية . وعنايتها صعبة شوي لانها اثنين ف واحد ف تعتبر مشكلة ههههه لكن ماعليه عاملي وجهك نص دهني ونص عادي او جاف ويالله ربتس كريم والنت يكفي ويوففي لكن لاتستعملين اي خلطة قبل تقرين عنها عشانن ماتندمين.
اوكيه. كيف اعرف نوع بشرتي؟
اغسلي وجهك ب غسول مناسب لكل انواع البشرة لانك لسا ماتعرفين وش بشرتك. اغسليها ودلكيها بشويش لاتعنفين وياها بمنديلة او بمنشفة و شوي شوي واصبري ليين تنشف تماما يعني حق 20 دقيقة ولا تلمسينها ولاتحكين طول هالمدة. بعدها جيبي منديل نظيف وامسحي ع وجهك اذا لقيتي دهون كثيرة ف كل مناطق وجهك ف هي دهنية, اذا ماشفتي شي هي جافة او عادية كيف تفرقين بين العادية والجافة رح تحسين ان الجافة خشنة ومشدودة كنك حاطة ماسك اما العادية فيها نعومة معتدلة وقليل دهون يعني خفيفة مرة. اذا مالقيتي شي ف خدودك والمناطق الباقية كثير ف هي مختلطة.
ثانيًا: العناية الصحيحة بالبشرة
البشرة الدهنية:
طبعا اغسليها مرتين في اليوم ومرة كمان كلما رجعتي من مكان مليء ب اتربة مثل الشارع او المدرسة او الشغل الخ.. واستعملي الغسول المناسب انا ماستعمل اولاي لانها تاذيني كثثيييرر رغم ان بشرتي ماهي حساسة كثير, استعملي غارنييه او لوريال باريس انا اموت ع كل شيء من لوريال لعنايتي لانها صراحة من وجهة نظري افضل شركة. انصحك اذا كنتي تعانين من البثور وحب الشباب اشتري صابونة البابايا انا استعمل 6 في 1 وغسلي مثلما قلتلك مرتين ف اليوم ومرة بعد ماترجعين من مكان . وقبل ماتنامين حطي بودرة اطفال او اي بودرة جسم ع وجهك ونامي نوم العوافي, وحاولي تقشري مرة كل اسبوع يعني مرة لما تروشين شعرك يكون اسهل لك ومايتبلل شعرك هو مبلل اساسا هههههه.
البشرة العادية:
طبعا عنايتها بسييطة انه تغسلينها مرة وحدة باليوم تكفيك ومرة اذا رجعتي من الشارع. وكمان اذا تبين تصير اشراقتك صحية وحلوة تقدري تستعملي كريم النهار والليل مع غسول يومي مناسب لها وكمان تقدري تحطي البودرة قبل النوم لانها مرة مفيدة ولاحظت اني اصحي وبشرتي بيضا بشكل مختلف ويروح اثر النوم حتا لو نمت ساعتين بس!
البشرة الجافة:
ماعرف عنها الكثير لاني ماجربتها طبعا - اكيد بتغيرين بشرتك مثلا خخخخخ - الز بدددةة صديقتي تعاني منها وبعد فترة صارت بشرة عادية تغيرت كثيير مرة تغيرت سالتها انه كيف صارت كذا قالت كنت استعمل قبل ما انام زيت اللوز المر ادهن به وجههي طبعا لاتكثرين عشان لاتعدمين المخدة! ونامي واغسلي وجهك مرة يوميا ومرة بعد الشارع ليش دايم اقلكم بعد الرجوع من الشارع لان الشارع فيه اتربة واوساخ ف لازم تجددي نظافة بشرتك وكمان لو رحتي تصلي ف مكان او مصلى او مسجد حاولي انتس تحطين برقعك او طرحتك ع مكان سجودك او افرشي سجادة صغيرة خليها بسيارتكم احتياط. عشان مايلامس وجهك الارض وتجيني بعدها تقولي ليش بشرتي فيها حبوب ليش بشرتي كذا وكذا وكذا.. المهم بعد ماتغسلين وجهك مرتين او مرة ع حسب طلعاتك, استعملي كريمات تزيد الدهون ف الوجه فيه روحي النهدي وتلقين ان شاء الله اذا لقيتي غارنييه او لوريال كان بها لانهم افضل شركتين احط منتجاتهم وانا ف كامل الثقة. يعني كريمات خاصة بالبشرة الجافة اذا مالقيتي ف السوبرماركت الصيدليات توفرلك ياها.
البشرة المختلطة:
طبعا مثل البشرة العادية عامليها بنفس الشكل.
ثالثًا: الوصفات
طبعا مارح احدد وصفات معينة بس بجيب لكم وصفات تناسب كل الانواع وبسيطة مكوناتها موجودة ف كل بيت!
1- السدر
تجيبين حليب نيدو تكثرين فيه البودرة وتقللي الموية عشان يثخن الخليط ويصير اكثف وتحطين شوي سدر مطحون تاخذينه من العطار لاتاخذينه مطحون خذي اوراق واطحنيها بالبيت وبعدي السيقان عشان توثقين ف اللي تستعملينه واطحنيها ب نفس الطاحونة - والله مدري عاد وشسمها - اللي حق الكمون اللي فيها اثنين الز بدة اكيد عرفتوها - خلكم ماتعرفونها وشوفو الشغل كيف مافيني اوضح خخخخ - وتقدرين تستعملين الز بادي مع السدر بدل الحليب او العسل السائل مع السدر كله حلو وكله يبيض ف افضل انك تستعملين النوعين الاولين عشان العسل مو كله طبيعي عندنا اغلبه سكر الا لو عندك طبيعي ف هنا خلاص براحتك. هذا ينفع ك بديل للمقشر ف يكون طبيعي مافيه مواد كيميائية تاذيك بس يكون مقشر يومي طبعا.
2- ماء الورد
تحطين موية الورد ف كاسة صغيرة من حقين القهوة وتحطين بودرة بيبي جونسون او اي بودرة بس افضل جونسون عشانها مضمونة ومافيها مواد كيميائية او اشياء وذا.. الزبدة تخلطينهم وتخلينهم زي العجين وتحطينها زي الماسـك او انك تمسحين وجهك ب ماء الورد قبل النوم بعدها تحطين البودرة فوق ماء الورد كلها نفس النتيجة بس الاولى عشان ماتطيح البودرة بالارض ويصير البيت ملعب صابوني وانتي تشتغلين بالبيت واولادك كل من مشي جاته عاهة ف العجينة اضمن لك انها ماتطيح ولو طاحت مايتعور بسببها احد.
3- الز بادي
الز بادي معروف انه يبيض كثير ويساعد ع انك تفتحين وتصفين, ف حطي ماسك ز بادي وجيبي شريحة رفيعة خيار واقطعيها نصين بحيث تحطين كل حبة تحت العين بدون ماتغطيها عشان الخيار يفتح المناطق الداكنة زي تحت العين.
4- الليمون
الليمون افضل شيء ممكن تشوفيه ف حياتك بدءا من الطعم الرائع واللاذع ف طبخك انتهاء عند فوائده لبشرتك وجسمك ومارح ننسى طبعا نمر من عند انه مفيد ومضاد للأكـسدة ويحتوي ع فيتامين سي وفيتامينات مفيدة اخرى. وش فوايده لجسمي طبعا بما اننا وصلنا له خلني اقلك ع فوائدة للجسم من الخارج:
- يفتح المناطق الداكنة مثل الاكواع والركب وغيره.
- يبيض ويقشر الوجه ويعطيه نضارة اكثر ف ادعكيه ع وجهك واتحملي الالم انشغلي ب اي شي لييين مايروح وتحسين بشرتك انشدت بعدها اقعدي حق خمس دقايق لاتكثري و اغسليه ب ماء فاتر.
اذا تكلمت عن الليمون مارح اخلص لان فوايده جدا كثيره ف خلينا نكمل.
5- قشر البرتقال او اليوسفي او قشر الموز
هذي القشر جدا رح تفيدك ف لاترميها. خذيها وادعكي بالمكان اللي جوا يعني هي مثلا قشرة الموز وجه وقفا القفا ابيض والوجه اصفر خذي الابيض اتوقع فهمتي, ادعكي بالقفا ف وجهك واذا تبين ادعكي اسنانك مرة يبيض.
6- زيت الزيتون
اخيرا مقدار ملعقة كبيرة زيت زيتون تدفينها ع النار و بمنديلة صغيرة نظيفة تدعكين به وجهك. تخلينه شوي وتغسلينه واذا بقي شوي بالملعقة خذي الفرشة واستعمليه وهو دافي لايبرد عشان ماتروح فايدته لابرد . يبيض بشكل مرة حلوو رح يفيدك.
طبعا اللي عندها وصفات ثانية بسيطة بدون حاجات معقدة واشتري واروح والف وادور كله ف بيتي تقولنا وندعي لها ان شاء الله.
اخيرا: العناية الداخلية
طبعا اهم شي العناية الداخلية يعني النظام الغذائي الخلاصة انه جسمك ومناعتك تنعكس ع بشرتك وشعرك واظافرك لان كلها اعضاء ب جسمك ومستحيل الخارج يصير حلو والداخل لا, ف خلي عندك عزيمة وطبقي وانا مارح اقصر باعطيكم مجرد نصايح رح تستفيدون منها:
- كثري من المويه يعني بدل المشروبات الغازية اللي ترهل الجسم خذيلك كوب موية باارددةة تبرد قلبك بدل الغازات والقهوة اللي فالحين ب الشطحة حقها ال قهوة الصباح ال 😂😂😂
- كلي السلطة والخضار المسلوقة وكثري من الفواكه والفيتامين سي زي الخوخ والبرتقال وكثري من الجزر بعد مفيد ولا تكثرين من القعدة ع الجوال لانها مضيعة وقت ومالها فايدة غير عمى العيون وضعف النظر ف قللي منها لاتمتنعي عنها .
- اشربي منقوعات زي الزنجبيل والقرفة والنعناع انقعيهم واشربيهم ع الريق جدا مفيدين. ولحيوية اكثر اشربي موية معتدلة اول ماتصحين حتا انها تعطيك نشاط
- ماقلك امتنعي عن الدهون والسكريات لكن قللي منها واعرف ان الشوكلاتات صعب الاستغناء عنها لكن ان شاء الله بحط لكم طريقة عمل شوكلاتة نوتيلا صحية ب سكر قليل! و ان شاء الله تستفيدون
ارجو ان موضوعي نال اعجابكم وافاادكم اي استفسار انا متواجدة ف اي لحظة. ولاتنسو تقولولنا وصفات بسيطة وخلطات مناسبة مع ذكر نوع البشرة اللي تناسبها كل خلطة
ودي