(دليل الصالونات ) يابنات الشرقية .. والي حاب يدخل غيرهم يتفضل

السلام عليكم ورحمة الله وبركاته

اخواتي وعزيزاتي شخباركم وشخبار البرد معاكم تراني اكتب وانا ارتجف من البرد اصابعي متجمده اللهم ارحمنا يوم القيامه .
المهم ما ابي اطولها ونخش في الموضوع

بما ان قرب وقت العيدوعطلة الربيع بعد العيد والاعراس اكيد الي عندها مناسبه محتاره وين تروح في اي مشغل تتزين واكيد يهمها انها تكون مميزه في مكياجها وتسريحتها
ان شالله مايكون الموضوع مكرر وحتى لو كان مكرر المشاغل كل مالها تزيد ومشالله المواهب تكثر وتطلع اشياء جديد ومميزه من مشاغل وفن المكياج...

وهذه دعوه لبنات الشرقيه طبعا !علشان الكل يستفيد وانا اولكم
واكيد للي يحب يشارك من اي مدينه يتفضل
نبدأ بكتابة افضل صالون مجرب وافضل حناية مجربه

بس لاااازم!!!

قبل ذكر افضل ماجربتي تكتبي اسم المدينة في بداية الموضوع وبلون مختلف وخط كبير حتى يسهل على الكل البحث عن مدينتها

شاء الله الموضوع يعجبكم والكل يشارك فيه ويستفيد منه جميع الاعضاء

راح أبدأ انا

الشــــــــــــرقية

بما ان زواج اخوي قرب فانا حجزت عند شعاع بس تراها ماتاخذ الا مرافقين للعروس او اخوات عريس
انا جربتها بزواجي رووعه بصراحه وان شالله ماتخيب املي لاني ماجربت شغلها على المرافقات فالي جربها تقول رأيها فيها وتكفون الي تعرف احلا تقول بس شي يليق بأخوات عريس

جربت بعد بروفايل مكياجهم حلوعند مها السوريه

الي بذكره الحين تراه غير مجرب بس سمعت فيه ان شغلهم حلو والي مجربه من هذه المشاغل تقول رأيها فيه بصراحه واسعارهم كم تتراوح
2- اشراقة العنود (مكياج وتسريحات )(الدمام)
3- برونزاج عند ايمان (مكياج) متدربه عند احمد قبيسي ( الدمام)

4- ساس عند سوزي ( مكياج ) (الخبر)
5- اللمسه الاخيره (مكياج وتساريح ) والمكياج التوب الي ب500 ريال الي اسمه الكرستالي يمدحونه ( الدمام) عند الكورنيش
6- دار نجد (مكياج وتساريح) ( الدمام)

بالنسبه للحنايه

كنت اعرف رابعه ومجربينها كثير شغلها روعه بس احسها اختربت ولا يمكن من كثر الزحمه ودائما مستعجله اختربت

والي تعرف بعد حنايات شغلهم روعه تقووول علشان نستفيد

اممممممم وش بعد سمعت بس هذول الي بالشرقيه

يلا بنات انتظركم