حبيبتي ام عتريسه


كلامك رائع وموضوعك اروع

بس لي سؤال بالنسبه لقصه كاف

ان زوجها كان يلبس طقم في الصيف وطقم في الشتاء

الصراحه مش قادره افهم هاي النقطه

مش حاسه انها صعبه شوي

ماشاء الله عليك
الموضوع روووووووووووووعه الله يوفقك

جزيتي الجنة

سلمت يدك وجزاك الله خير

موضوع تحفة يا أم عتريسة وجزاكى الله خيرا
أنا اعانى من الاسراف الشديد.. ومع الاسف انى اعمل عمل مؤقت (مشاريع) وعرضة اى وقت انى اكون فى البيت..
مشكلتى تتلخص فى الاتى:
1- عدم قدرتى على الاستغناء عن الوجبات والدليفرى من المطاعم.. وده لأنى ايام كتير ارجع من الشغل تعبانة (كسلانه) واكون مش منظمة اى اكل فى البيت.. وطبعا اكسل ابدأ فى عمل الاكل واستسهل واطلب من بره
2- مشكلة الماركات.. والمقارنات اللى بتكون بين الاولاد وقرايبهم واصحابهم.. ازاى نتغلب عليها وازاى ميحسوش انهم اقل من اى حد..
3- عمرى ما عرفت لا معايا كام ولا صرفت كام.. والمشكلة ان كل شهر بيطلع لى حاجة.. يعنى مثلا الشهر اللى فات عزومات رمضان.. الشهر الجاى عيد ميلاد ولادى .. واللى بعده عيد ميلاد زوجى وبعدين عيد الام .. وكده على طول.. كل شهر تجد عليا مناسبة تستهلك جزء كبير من الفلوس.
4- عندى حالة نفسية انى رابطة شراء اى جديد بانبساطى وسعادتى.. وطبعا بيبقى انبساط مؤقت وبيزول بسرعه... بس دايما الفرح مرتبط عندنا بالاستهلاك.. سواء لبس او اجهزة او حتى اكل بره.. (وده يمكن طبع غالب فى الشرقيين)
5- عندى هدف كبير وهو شراء شقة مثلا... لكنى دايما اقول مستحيـــــــــــــــــــــــــل.. انا عمرى ما هاقدر احقق اى هدف مادى.. ومعنديش اى امل من عاداتى السيئة فى الانفاق..

انا طولت عليكى لكن بجد حسيت ان الموضوع ده موجه لى شخصيا واتمنى حبيبتى انك تساعدينى على مواجهة عاداتى السيئة وجزاكى الله كل الخير..