حياك الله حبيبتي كوين نايت ..اول شي بالنسبه لاستراليا هي غاليه صح بس مو اغلى من اوروبا يعني الدولار الاسترالي يساوي 3 ريال ونص ..وبالنسبه لدراسة الماستر انا سمعت ان استراليا اسهل بالدراسه من امريكا وبريطانيا والله اعلم..اما لراتب المبتعث السعودي مع زوجته فقط بدون اطفال 3800 دولار استرالي والاطفال يعطونهم كل شهر 500 دولار استرالي وعليك الحساب..وبصراحه الراتب يعيشك عيشه جيده الحمد لله ويعتمد على صرفكم اذا بتدخلون وطلعون كثير اكيد راح تزيد عليكم الصرفيات..والسكن ياحلوه يترواح مابين 300 الى 400 دولار بالاسبوع وتتكون من صالة ومطبخ ودورة مياه اعزكم الله وغرفتين او ثلاث غرف (اذا كانت مفروشه)اما اذا الشقه غير مفروشه وماثثه اكيد راح تكون ارخص ويعتمد على المدينه اللي تسكنون فيها وكل ماقربتوا من الستي كلما كان السكن اغلى ..اما بالنسبة للاكل انا اشوف انه متوسط فيه اشياء غاليه وفيه اشياء اقل سعر اما الملابس بصراحه ملابسهم جدا سيئه ومانصحك ابد انك تشترين من اسواقهم ملابس اول شي تكون غاليه وقماشها سيئ يعني خوذي لك ولاطفالك كفاية ملابس من السعوديه..اما السيارت بصراحه اغلب الي ساكنين هنا مايشترون سيارات جديده يعني موديلها قديم ومستعمله لان اهم شي انها توديك وتجيبك وفتره وتبعينها وشوفي السياره الكامري هنا موديل 99 ومستعملة تلاقينها بخمسه الى سته الاف دولار استرالي تقريبا انا بصراحه ماني خبيره في اسعارها بس هاذا اللي اعرفه عن السيارات ..اتمنى اكون افدتك ولو بالقليل واي سؤال حنا حاضرين وبالخدمه؟

نسيت اقولك اذا اخذتوا شقه غير ماثثه وتتكون من غرفتين الى 3 غرف ومطبخ ودورة مياة واحده اعزكي الله وصاله تتراوح اسعارها من 200 الى 300 دولار بالاسبوع يعني الغير موثثه تكون ارخص من الماثثه وبحكم عندك اطفال اكيد راح تاخذون غير مؤثثه والله يسهل عليكم ويكتبلكم اللي فيه الخيره يارب-تحياتي

اختي الله يخليلي زوجي

بصراحه كفيتي ووفيتي الله يجزاكي الجنة

الله يكتب مافيه الخير ان شاء الله لنا ولكل المغتربين

هلا بنات بسئلكم
كيف التعامل مع المحجبات في استراليا ولبس العباية ؟
انتظر ردكم :)

حياك الله عزيزتي تجرونه التعامل كويس الحمد لله ومافيه اي مضايقات من الشعب ..الا اللهم بعض نظرات الاستغراب وقليلا ماتحدث....لان الحين ماشاء الله كثير عرب وسعوديين باستراليا فتعودوا على اشكالهم والحجاب حرية شخصيه..اتمنى اكون افدتك