السلام عليكم
ازيكم يا بنات عاملين ايه وحشتونى كلكم
والف مبروك على الملف الجديد
وهبهوب عرض كار فور الشهر دة تحفة كان فى بنطلونات جينز للأطفال ب 30 جنيه
وتيشرتات أطفال كمان ب 5 و10 جنيه
وبيجامات حريمى لذيذة جدا بحوالى 24 جنيه
وسابوهات وشوزات للبحر جميلة خالص بس مش عارفة السعر
اه وكمان فى فستان جيل للبيت ب19 جنيه
وكورة للبحر ب4.5 للعيال
غير عروض التكيف حلوةوجهاز تليفيزيون 14 بوصة ب 1000جنيه
وأهم حاجة البيتزا بتاعت كار فور خطيرة وكل اما اروح لازم اكل هناك جربوها القطعة ب3.5
بس تلكم وانتظرى منى اللنك بتاع كار فور
http://smilies.sofrayt.com/fdm/bye.gif

اهلا يا مشمش وحشتينى والله ازيك يا حبيبة زوجها فعلا كارفور جميل الشهر دة و كان فية شباشب ملونة جميلة لينا ب 19 ج

و البنزا بتاعتة رائعة القطعة ب 5/3 القطعة و على بعضها ب 10 ج و المحل بتاع الشنط و الاكسسوارات اللى على اول المدخل بتاعة حاطط الشنط الهندى الجديدة اللى نازلة موضة فى منتهى الجمال و على فكرة يا مشمش ما تسئليش حد تانى ان كان الاولاد خلصوا و لا لسة احب اقولك ان الاولاد كلهم خلصوا و عملوا سطو على جميع اجهزة الكمبيوتر عشان كدة انا دخولى قل و لما بيصادف و بدخل دة علشان بتبقى فردة الشبشب طايرة وراهم فى الهواء وانا حاليا حافية لان الفردتين طايرين :)

السلام عليكم ورحمة الله وبركاته
***حبيباتى الحلوين***
متنشكره أوى للى رحب بيه واللى مخدش باله
بحبكو كلكوة

** مــــــــــــــــــروة**
عمرنا ما هننسى فضلك فى التجمع الجميل ده تعالى بقه
بوسه كبيره لرودينا

أم باسل

حبيبتى يا رب تكونى بخير انت وباسل وبنوتك الاموره
عايزه أقوللك ان البوتاجاز تكنو جاز حلو جداً للاسف كان عندى 6 شعلات <اتنين كهرباء< وبعته وندمت والله كان زى الجديد رغم انه استعملته 6 سنين بس كنت بنقل وبعت حاجات كتير مع الشقه يللا الحمد لله يونيفرسال يعنى وايديال هادى
حاولى تصلحيه وبلاش تغيريه

مشمش

حبيبتى متشكره لكى على الترحيب أنا موجوده ومتابعه لأنىمقدرش أستغنى عتكم
ومتشكره ليكى انك دعتيلى لما كنت متضايقه

أم حبيبه

حبيبتى أنا متشكرة جداً لترحيبك وعلى فكره أنا اتشجعت أشارك تانى عشان ارد على كذا موضوع من ضمنهم موضوع انك عايزه ترجعى مصر بالاولاد بدون زوجك وده معلش أنا مشجعكيش عليه خالص ونماذج كتير حصلت الاولاد فيها فقدوا ارتباطهم بابوهم والاب شعر بانه غريب عن اولاده ده بالاضافه لمتاعب الزوج وحيد فى الغربه المهم تربى فيهم الضمير الاسلامى وده باذن الله هيحميهم من الصدمه اللى هتقابلهم عند رجوعكم لان المجتمع المفتوح هنا مخاطرة فوق ما تتوقعى خاصة القاهرة يعنى عمى رجع باولاده من اربع سنين وكان أحدهم فى أولى ثانوى وكان هادئ وغير اجتماعى لا تتخيلى أصحاب السوء غيروه جدا فأصبح اجتماعى زياده عن اللزوم وأصبح له صديقات بنات وووو..........
والاصغر منه بدأ فى نفس السلوك
فاحمدى ربنا ان اولادك فى هذا المجتمع المنغلق وادعى ان ربنا يحميهم لما ترجعو إن شاء الله

وســــــــــــــــــــــــام
ازيك يا سمسم
ومتشكره ليكى انك دعتيلى لما كنت متضايقه
بصى موضوع القايمه ده ضرورىجداً ده حقك يا حبيبتى ومش المفروض ان حد يخجل من المطالبه بحقه ومش المفروض ان خطيبك يزعل
أنا زوجى ابن خالتى وعاملين قايمه
وبنت خالتى برضه متزوجه ابن خالتنا وبرضه عاملين قايمه
وكل بنات العيله سواء متزوجين اقارب او اغراب عاملين قايمه
وعلى فكرة احنا برضه الفرش بيكون بالنص بس القايمه مكتوب فيها كل \حاجه
ده يعتبر حق شرعى فى رايى لان المفروض العريس يدفع مهر لعروسته ويأسس هوه البيت كله يعنى نساعده ويبخل علينا بحتت ورقه
وبعدين انا هقولك ولكل البنات على بعض النماذج ربنا يكفينا كلنا شرها بس دى للتأمل أد إيه القلوب بتتغير سبحان الله
واحده من صحباتى كانت بينها وبين ابن خالتها قصه حب طويله جداً ورغم وجود بعض الخلافات
بين العائلتين قدروا يوفقو بين العائلتين واتجوزو تصورو قد ايه ست شهور و تغير زوجها وزهدها للابد ومحدش قدر يصلح بينهم وتم الطلاق من اربع سنين تزوج هو وخلف و هى لسه مش عارفه ليه ده حصل ومش قادرة تكون زوجه لحد تانى

وبنت خالى تزوجت من واحد زميلها بس كان اكبر سنه بعد تعيينهم معيدين فى واحده من كليات القمه زى ما بيقولو وكان معترض على القايمه والمؤخر بس مض عشان خاطرها وبعد سبع سنين ورغم وجود طفله طلقها وايه السبب مش عارفين يعن كانت ضيعت حقها لو قالت ده بيحبنى ومش ممكن يسيبنى

وفيه حالات كتير وللاسف البنات جمال واخلاق وعيله وفيه توافق فى كل حاجه بي النصيب كده
بس مش عايزه ادايئكوا أكتر من كده ومش عايزه أخوفكو بس هيه دى الحياه ومحدش يعرف بكره مخبى ايه خصوصا وان فيه بنات ربنا يهديهم ممكن
يطمعوا فى ازواج غيرهم و يخربو البيوت وميحسوش باى تأنيب ضمير

طبعا ممكن تقولى والقايمه هتعمل ايه بس على الاقل هتخفف من الالم فى انها مضيعتش حقها
ووربنا معاكى ويسعدك انتى وكل البنوتات وبناتى كمان

TAMATIA

حبيبتى انتى فبن يعنى تقوليلى تعالى وبعدبن تهربى يلا تعالى بسرعه
نورينا يا قمر

سندريلا
متشكرة يا سكره انك افتكرتى وندهتى عليا
وحمد الله على سلامه بابا وعقبال عباس
عل فكره عيلتى من قريه جنب المنصورة وبنقول من المنصورة تماحيك زى ما بتقولى
يعنى بلديات ولا بلاش يمكن تزعلى
هههههههههههههه

دون
طبعاً لازم اسلم على الراس الكبيرة
انتى زى السكر ومتشكره ليكى انك دعتيلى لما كنت متضايقه بجد بحبك أوى
وأكلاااااااااااااااااااتك مممممممممممممم يا سلاااااااام
خصوصا روست الفراخ عجبنى وان شاء الله أجربه وأقولك

LOVELY ANGLE

حمد الله على السلامه وربنا يحفظ جمانه وزياد ويبارك فيهم
ومش عارفه انتى فاكره انى انا اصلا من اسكندريه من سيدى بشر عند فندق رمادا
وما دام انتى من ميامى نبقى جيران
كان فيه محل بعد بلبع بشويه مش عارفه لسه موجود ولا ايه فيه حاجات للسبوع جميله بس يمكن غاليه شويه
وفيه فى العصافره سوق كبير اعتقد فيه حاجات للسبوع ممكن تتاكدى
وفى فى باكوس سوق كبير وده فيه تنوع كبير لحاجات السبوع

مــــــــــى

الفففففففففففففف أهلا بيكى انتى اسمك زى بنوتى

وانا اصلا من اسكندريه من سيدى بشر عند فندق رمادا
انتى منين؟؟؟؟؟؟؟؟؟؟؟

pelican
اهلا بيكى يا جميل هوه انتى تتنسى وموضوع اكلات الغدا ده جناااااااااان
وتجهيزات المطبخ انصح بيه كل العرايس

كل حبيباتى القدام

OM KOKKA BLODE DOVE رهومه هدهود سكره هانم mooty كهرمانه سماح ريم مصراويه عطر الشموع وكلكم
وحشتووووووووووووووووووونى انتو فين

اسفه وجعت دماغكو بااااااااااااااااااااااااااى

صباح الخيرات
ام يوسف اهى بتعلن عن بدء دوره فى تعليم التطريز رجاء التسجيل عندها - عشان السته بتاعتى نحس يا كوكى- انا اول المسجلين بس قولى لنا ساكنه فين ومدتها هتبقى قد ايه وايه البرنامج والغرز وبكام؟؟ وانا هقعدلك بيوسف فشوفى بقى هاخذ خصم قد ايه؟ بيتهيالى انتى لازم تدفعى لى.
pelican منوره الدنيا وفرفشى كده يا ترى عملتى زى ما قلت لك بخصوص التسبيح؟ والله بتفرق جدا انا كل ما افتكر اعمل كده القانى اتنشطت جدااااا سبحان الله.
ام باسل ازيك يا سمسمه انا سالت لك قرايبى على البوتجاز الكل اجمع على تكنو جاز بس خالتى قالت كمان بوتجاز المصانع - حلوان - بتقول هائل وفرنه رائع.
حبيبه جوزها ودون حلو كارفور يعنى اصله سفر بالنسبه لى هى العروض لغايه امتى؟
مشمش ازيك يا قلبى ايه قلب الظلام الى انتى قاعده فيه ده؟ يا شيخه غيرى الاقامه ما انتى قاعده معانا اهه وكلنا منورين.
وحشتونىىىىىى .
دون................ الحمد لله ماما مش بتحب الكمبيورر.

لاروز يعنى قعدتى تزنىىىىىىىىىىى سنه وبعدين ولا حس ولا خبر
اوكى يا لاروز.