وسوسة ماش ماش هى اللى فى المعادى بس ماماتها تعبانه اليومين دول
كهرمانه البلسم فعلا بيحرق الشعر انتى عايزه حاجه تقوى الشعر وتمنع تساقطه شوفى ايه الزيوت الطبيعية المخصوصه بالموضوع ده
زيت الجرجير النقى حلو جدالتتيل الشعر ومنع التساقط
لكن ممكن ايه ينعمه معرفش قوى
لو عايزة تقصى شيلى المقصف بس بلاش تشيلى منه كتير
ماش ماش معندكيش فستان من اللى عندك للمحجبات ينفع فى كتب كتاب فى جامع؟ يعنى لو تطريز يكون خفيف

كهرمانة بالنسبة للقص انا اعرف واحدة ماشاء الله شاطرة في مدينة نصر والكوافير بنات بس لكن كعلاج للشعر انا بقي عملت خلطة فظيعة من الزيوت و جبت جرجير و عصرته و توم وحمرته في شوية زيت و اخدت الزيت بتاعه و الجرجير وحطتهم علي الخلطة وبدهنها قبل ماانا و ادلك الفروة واهو الحمد لله

طيب معملتييش ليه وصفة السدر ؟؟؟ جربيها

صباح الخير عليكو يا قمرات
بس عاوزة اسال سؤال طب لما البلسم بيحرق الشعر
معقول الواحد يستعمل شامبو بس
مينفعش ده ينشف الشعر خالص
ده البلسم هو اللى بيخلى الشعر سايح ونايح
طب البلسمات الغالية برده no
واللا حمام كريم مع الشامبو او حمام زيت
ماش ماش ياريت تردى

السلام عليكم و رحمه اله و بركاته
اختى ماش ماش شفى الله أمك فى القريب العاجل ان شاء الله و أمدها بالصحه و العافيه
اختى كهرمانه من رأيى قبل ما تقصى شعرك انك تروحى لدكتور كويس يشوف مفروض تعملى ايه الأول يعنى تعالجيه ولا تقصيه شوفى انا أعرف 2 دكاترة ما شاء الله عليهم هما هيبقوا بعاد عنك شويه بس والله انا جربت الاتنين ما شاء الله ربنا يزيدهم
اول دكتور فيهم اسمه أحمد بلاسى و عيادته فى فيصل و التانيه هى ست اسمها ناديه صالح و عيادتها فى المنيل بس كشفها 100 جنيه لكن ممتازة العيادة عندها تحسى انها مستوصف ما شاء الله عليها
لو عوزتى تفاصيل اكتر قوليلى و انا أبعتلك العناوين و التليفونات بالظبط

ام عتريسة اهلا بيكي معنا منورة يا جميل
بصي ادخلي في اي موضوع وخلاص واتكلمي فيه اصل المواضيع هنا كتير اوي اتكلمنا في كل حاجة مش بنسيب حاجة اتكلمنا في الشعر والمكياج وجهاز العروسة صيني وحلل والبس وفي كله كله وحتي حاجات اجتماعية ومشاكل وقاعات افراح يعني موضوع متكامل من كله وبعين الموضوع ده ليه اجزءا قبل كده وقمنا بعمل تلخيص ليها هتلاقيه عند لاروز ممكن تعتهولك بس يا ستي ما تستنيش لما تفهمي ادخلي واتكلمي وانتي نورتينا واكيد هتستمتعي معانا واحنا اكيد هنستمتع بوجودك معنا




كهرمانة ليه بس يا بنتي كل ده اصبري علي شعرك وما تستعجليش وبعدين هو بيجيله اوقات كده يكون مش حلو ومش طبيعي وناشف ومقصف وده طبعا نتيجة ايجهاده بالبلسم احسن حاجة بلاش مواد كيماوية كتير في شعرنا يا بنات ونستبدلها بالزيوت الطبيعية وحمام الكريم انا بقالي اكتر من 5 سنين ما استعملتش بلسم والحمد لله مش حاسة انه مؤثر اوي فيه دلوقتي المرطب بتاع دوف حلو اوي وبيطري الشعر اوي وبيخليه يلمع جربي كده ده وقوليلي عليه وبعدين حاولي تعملي حمام زيت افضل من البلسم ده
وان شاء الله يا جميل اسمع منك كل خير