هى جات فيكى - مع انى ما اقصدكيش - بس انت ايه - ارض جو عينى راحت خلاص- يا عينى يا خويا استنى بس فى اول خناقه

يا بنتى انا بهب كده من وقت للثانى المهم ما حدش ياخذها على نفسه الا اذا كتبت اسمه وذيلتها ببوكسات متتاليه كده بقى يبقى اققصده

عموما بصى يا ستى بليزززززز ما تروحيش لكوافيرات خالص اسمعى كلامى

انتى بتسشوريه دائما ولا ايه؟ اذا كان توقفى تماما الفتره دى شكلك خلاص هتتجوزى
كل الى تعمليه تجيبى كل يوم ربطه جرجير وتغسليها - طبعا - وشويه ميه صغيرين جدا وتحطى فى الخلاط وتضربى لغايه لما الجرجير يبقى عجينه صفيه وبحقنه فاضيه (من غير الابره طبعااااااااااا) تحطى فى فروه راسك وتعملى الحكايه دى طول النهار على كتفك الفوطه وفى ايدك الحقنه. تنامى بيه والصبح تغسليه وتحطى المايونيز (يفضل المايونيز على شعر ناشف لذا اقفى فى مكان هواء او نشفى بالسشوار من بعيد .

الجرجير ما تبطليهوش التغيير بقى يبقى فى نوعيه التغذيه لازم تقولى لى لون شعرك ويهمك تغمقيه ولا لا ؟ المايونيز احسن من احسن علبه كريم الست الى عايزه تديكى البرطمان ب 50 جنيه اديها انتى علبه مايونيز ب 4 جنيه وقوليلها هاتى الفرق

يا بنتى دى كلها علب نصب
بصى هبص لك على الحاجات الى نازله دلوقتى فى السوق وارجع اقولك منين تجيبى ايه احسن حاجه بس انا حدودى المهندسين ووسط البلد.

هقولك كمان على حاجه انا مجربتهاش بس مصراويه وكل العيال بيهتفوا بجمالها وهى الزبده تسيحى شويه ولما تدفى تحطيها على شعرك

ابتدى من دلوقتى يا كهرمانه وانا هدور لك على حاجات واحطها لك

فى حاجه بقى انا مجرباها وهائله وهتطول شعرك جدااااااا

تجيبى زيت جوز هند كوبين + 2 ملعقه محلب + 2 ملعقه حنه + 2 ملعقه سدر مطحون + 2 ملعقه حلبه على النار دقائق (افتحى الشبابيك احسن ممكن تموتينى من الرائحه)

لما يبرد هيبقى عامل زى الكريم تحطى منه كل يوم وتقعدى تحت سشوار او فوطه سخنه المهم تدفى فروه راسك وشعرك عشان شعرك يشرب الزيت.

يا دينا

انا نازله بقى لو حد سال انا مش اون لاين

ام باسل ازيك يا حبيبتى وحشتينى وبقالى كثير ما سمعتش صوتك
انتى ضيعتى النمره ثانى ولا ايه يا سمسمه

كلمينى لانى بصراحه بكسف جدا اكلمك انا الفاضيه بقى اطلبينى اى وقت يا قلبى

كهرمانه ضرورى توصفى لى شعرك (حتى على الخاص )عشان اساعدك صح