الف مبروك ياريم ربنا يتمم لك بخير

انا لسه راجعه من لا بوتيه وبصى يا كهرمانه فيه حمام كريم اسمه كيراستس العلبه الكبيره غاليه اوى لكن بيتباع هوهو فى كياس كده الكيس كان ب 5 جنيه يكفى مره او مرتين حسب ثقل شعرك
بوناويل كمان الى قالت عليه منى حلو قوى فيه حمام زيت الى هو الهوت اويل معروف برضه
والسيروم الى قلت لك عليه اكثر من رائع روحى بس لاى صيدليه كبيره هو معروف جدا الزجاجه ب حوالى 44 جنيه لو تحبى اديكى زجاجتى تجربى الاول لا مانع على الاطلاق - بجد-

يا كهرمانه لازم تروحى لا بوتيه او ما يشبهه عندكم - محل متخصص - عشان البنات الى واقفين بيبقوا على درايه اكثر بالمنتجات

فيه بقى كريم اسمه كريم النخاع التونسى ده لو لقيتيه فى مصر او بره ممكن وبثقه ترمى كل الى عندك يمكن تلاقيه فى مدينه نصر الصيدليات عندكم مليانه حاجات من بره ولو لقيتيه قولى لى بليز

على فكره انا سالت عليه فى حتت كثير مش موجود فى مصر بس فى صيدليات قالوا لى - زى سيف- لو عايزاه نجيبه لك على حسابك فشوفى كده

استعملى شامبو كويس لاززززززززززززززززززززززم

ازايك يا اسماء اتمنى ربنا يكون خذ بايد زوجك ربنا يشفيه ان شاء الله ويعافيه

يا عرايس ويا كهرمانه ما تفوتوش جرنال الحلوه للانها فعلا مفيده جدا العدد الى فات كان بتاع العرايس وفيه حاجات تحفه وفيه مقاله عن الاعشاب لو عايزينى احطها قولوا لى بدل ايدى ما توجعنى من الكتابه وهى عندكم

السلام عليكم و رحمة الله و بركاته

الف الف مبروك يا مي و ربنا يتمم لك بخير، انا بصراحة مش حاعرف افيدك في موضوع الاجهزة لاني لسه مجبتش بس عموما انا اسمع ان تلاجة كريازي هي احسن نوع و بالنسبة للبوتاجاز زي ما رواء قالت الكل بيشكر في جليم جاز و تكنو جاز، و الغسالة ايديال زانوسي بيشكروا فيها اوي، اما المكنسة فاعتقد الناشونال حلوة و برضه البنات لو يعرفوا حاجة زيادة حيقولولك

كهرمانة حبيبتي الله يسلم و يسلم لؤلؤة، سلميلنا عليها كتير. شوفي يا ستي هبة ما شاء الله قالت لك اكتر من نوع و انا ازيد عليهم كمان بايوبوينت بالنخاع حلو اوي، انا باستعمله و كويس معايا.

هبة، يا ترى ايه جرنال الحلوة دي؟؟ بتتباع فين و بتنزل امتى و هي عبارة عن ايه؟ انا اول مرة اسمع عنها. و جزاكي الله خيرا على الوصفات اللي كتبتيها للبنات

السلام عليكم
كيفكم يا بنات
هبة
شفتى بقة انك ظلمتى الناس ازاى
أه صحيح كنت وعدك باللنك بتاع كار فور بس معلش نسيت وأدينى افتكرت اه
وعلى فكرة تقدرى تشتركى فيه ويبعتولك كل ما ينزلو عرض على الأيميل بتاعك
كار فور
ريم
ايوة كدة اخيرا خبر حلو من شهر واللللف مبررررروك :icon28:
نودى
ازيك ياقمر عاملة ايه

متشكرة اوي اوي اوي ياهبة علي تعبك معايا انا سجلت عندي كل اللي كتبتيه وان شاءالله هسال علي حاجات منه وربنا يجعل تعبك فميزان حسناتك ياارب انا جربت المايونيز وفعلا حاسة انه مطريلي شعري ومحسنه اوي بس ضروري اروح اقصه لكن مروة بخلانة علي بعنوان الكوافيرة لحد دلوقتي

ازيك ياأمولة انا فعلا اسمع انه حلو...ربنا يسهل واي حاجة تجيب نتيجة بس