السلام عليكم و رحمة الله و بركاته

ازيكم كلكم يا بنات؟؟ ان شاء الله الجميع بخير

ازيك يا حبيبة زوجها؟؟ شكرا على السؤال يا جميل، طمنيني يا ترى عرفتي تجيبي موقع يساعدك في موضوع الثانوية؟؟ انا ملقتش اي مواقع تانية غير اللي حطيته ليكي للاسف

ام احمد، العفو يا حبيبتي، انا فرحت اني قابلت سماح اخيرا و قلت اطمنكم عليها، و هي يا جماعة معندهاش نت دلوقت لانها مش الشغل بس ربنا يسهل و تقدر تدخل قريب بنفسها

سندريلا، حمدالله على السلامة يا جميل، و لا يهمك المشاكل دي ناس كتير بتعاني منها و الله، بس نعمل ايه؟ ربنا يهدي الجميع و ييسر لك امورك كلها، و همسة ليكي يا سندريلا: "استعينوا على قضاء حوائجكم بالكتمان"، و اكيد الدرس ده اعلمتي منه كتير يا حبيبتي و ربنا يسعدك و يهنيكي

منى و دون جزاكم الله خيرا على المعلومات بخصوص الاجهزة و ربنا يعيننا على حسن الاختيار لانها فعلا حاجة المفروض تعيش عمر

هبة، جزاكي الله خيرا، ان شاء الله حادور على الجرنال و اشوفه و جزاكي الله خيرا على نقل الوصفات

كهرمانتي، ازيك يا قمر؟؟ يا ترى بتعملي المايونيز ازاي؟؟ على شعر مبلول بعد غسيله؟؟ و بتسيبيه فترة اد ايه؟ و بتغسليه تاني بالشامبو بعدها؟؟ انا سمعت عنه كتير و كل مرة اجيب برطمان مايونيز كبير أكله و انسى احطه على شعري!!!!

وسوسة، تسلمي يا حبيبتي على سؤالك عني ربنا يخليكي ليا، و الله يا بنات البنت وسوسة دي سكرة و قلبها طيب اوي، ربنا يرزقها بالزوج الصالح اللي يحطها في عنيه

احلام عصفور يا قمر فينك؟؟؟ طمنينا عليكي و على احوالك، ربنا يفرج كربك و همك و يرزقك بالزوج الصالح

ريم يا حبيبتي، مفيش داعي للقلق، توكلي على ربنا و زي ما وسام قالت صلي استخارة باستمرار و تفاءلي خيرا و مش لازم عشان فيه ناس حصل لها ظروف ادت الى انفصال يبقى الكل حيلاقي نفس المصير. احنا بندعي ربنا و نقرب منه و هو بيعمل لنا اللي فيه الخير. المهم انتي دايما صلي و ادعي و استغفري و ربنا يصلح الحال و يوفقك. و على فكرة انا و البنات بنحاول ننبه بعض دايما منقولش "و النبي" و لا "بذمتك" لكن نقول "بالله عليكي"، ياللا لو انا نسيت ابقي فكريني، اوكي؟؟

سكرة هانم و رواء الاسلام و ام باسل و بقية البنات باسلم عليكم و سامحوني لو نسيت اي اسماء

فينكم يا بنات

فينكم يا بنات

انا جيت
انهاردة الخميس بقى والسهرة تحلى

مساء الفل يا وزووزا و اميرة وكتكوتها اللى بيريل . فينك يا اميرة ؟؟ عملتى فراغ والله وكمان سندريلا و رهومة و نورا عمار و مروة و ام احمد و ام حبيبة و سمكمك بقالى مدة مكلمتهمش ؟واحلام ومنمن و حبيبة زوجها و ام زياد كلكم كلكم وحشتونا و المنتدى مضلم من غير قعدتكم و مشاركتكم الحلوة. مش بشوفك عندى فى المطبخ لية يا اميرة حتى علشان تخدى لقمة للمسكين دة ؟؟و ازى ماما يا ماش ماش ؟اخبار المايونيز اية يا كهرمانة ؟وعلى فكرة يا لاروز او مش عارفة مين اللى سئل هبة على الجريدة دى متوفرة بس اشتروها قبل العدد ما يتشال