لاروز
كان نفسي اساعدك بس للاسف ماعرفش في الحاجات ده لاني حاليا مش في مصر و ان شاء الله البنات يساعدوكي

سلام عليكم و رحمة الله و بركاته
حبيباتى وحشتونى اوى اوى اوى
ازيكم كلكم عاملين اية يا رب تكونوا بخير و في احسن حال
انا كنت غايبة عشان الجهاز كان بعافية شوية
بس الحمد لله الوعكة الصحية انتهت و يا رب ما ترجع تانى
المهم انتوا وحشتونى اوى
كل اللى سالوا عليا و اللى نسينى كمان بقول لكم بحبكم اوى اوى

لاروزا
وحشتنى اوى يا رب تكونى تمام ربنا يوفقك و نفسى اشوفك منتظرة تحديد الميعاد

أحلام
جزاكى الله خيرا ربنا يبارك فيكى و يعزك و حمد الله على سلامتك

منى عبد العزيز
جزاكى الله خيرا على المعايدة الرقيقة و عقبالكم كلكم

ماش ماش
الف سلامة لماما ربنا يشفيها و يعافيها انا اسفة جت متاخرة بس معاش انا لسة عارفة
و يا ريت تبلغيها سلامى و بوسى لى ايديها

أم عتريسة
اهلا بيكي معنا و يلا عايزين مشاركات كتيير

كهرمانتى الحلوة
ازيك يا قمر و سلامة شعرك يا رب يكون دلوقتى احسن و عايزاكى تطمننى على القصة الجديدة اه و كمان على فكرة حلو اوى الدعاء هل من مزيد

وسوسة
ازيك يا قمر عاملة اية
اسفة و الله المنتج دة مش جربته و لا سمعت عنه انا فقط جربت كريم السعد و كمان نوهير و الاتنين ممتازين و على فكرة الاتنين ارخص من السعر دة

ريم احمد
لولولولولولولولولولولوليييييييي :icon28: الف مبارك ليكى يا قمر ربنا يتمم لك بكل خير و سعادة
يا رب تسعدى و تتهنى و عقبال العقد و الفرح و نجيلك نغنى
و يا ريت ترعى ربنا في خطيبك قبل اى حاجة انا متاكدة انك ان شاء الله كدة و اكتر بس التذكرة تنفع المؤمنين
و كمان عايزة افكرك (كونى له امه يكون لكى عبدا)

نودى
وحشتينى اوى و يا رب تكونى بخير و كله تمام و جزاكى الله خيرا على السؤال

سندريلا
ازيك يا فلة وحشتنى و يا رب يفك كربك و يهنيكى
و عايزة اقول لك حاجة في ودنك
الاهل في فترة الخطوبة و العقد بيكونوا من غير قصدهم بيغيروا من العريس على بنتهم هما اللى ربوا و هما اللى تعبوا و البنت كمان اتربت عل الصح و الحلال و عدم الاختلاط و بعدين فجأة كدة جة الاستاذ العريس و بقى كل حاجة في حياتها و هما اتركنوا على الرف و كمان اللى كان زمان عيب و حرام اصبح دلوقتى عادى و حلال مع زوجها
و انت حاولى انك امامهم تحسيسهم ان مكانهم عندك زى الاول و اكتر و انك محتاجة اوى وجودهم جنبك في كل وقت (مش بتعدى الايام على الفرح عشان تمشى) احنا للاسف بيكون النظرة بتاعتنا مختلفة عنهم و دة فرق الاجيال يعنى انتى ان شاء الله لما تكون بنتك بتتجوز حتكونى بتفكرى زى ماما دلوقتى و هى بردوا حتكون بتفكر زيك دلوقتى
و معلش سامحينى على الاطالة عايزة اقول لك حاجة اخيرة اوعى تحكى لزوجك اى خلافات مع اهلك ابدا لانه من غير قصدة بيفضل فاكرها
ربنا يهديلك الطرفين و يسعدك و يهنيكى

هدى
انت فين يا حبيبتى وحشتنا لعل المانع خير ان شاء الله

ام باسل
ازيك يا حبيبتى و ازى اولادك يا رب تكونوا في احسن حال

طنط دون
ازى حضرتك و حشتنى اوى و كنت بفكر في حضرتك و انا مسافرة

سكرة هانم
ازيك و اخبار صحتك ايه يا رب تكونى احسن

اميرة
وحشتنى اوى انتى و الاولاد

مروة
حمممممممدا الله على السلامة ايوة كدة ارجعى تانى نورى موضوعك الحلو دة
ازيك و ازى رودينا يا رب تكونوا تمام وحشتنى اوى و سلامى لدعاء و البنات

يا رب مكنش نسيت حدو ليكوا منى كلكم بوسات كتير

يامرحبا
سعيدة اوي يالؤلؤ انك نورتينا تاني وسعيدة كمان بمروة اللي كانت غايبة عننا
بس للاسف مرحتش النهاردة للكوافيرة لان زي مانتي عارفة كان عندنا ضيوف هحاول اروحلها بكرة ان شاءالله وهقولك اول ماعمل حاجة

علي فكرة انا شفت ملمع للشفايف من"my way"
بكذا نكهة الفراولة والبرتقال بس حلو وجبت منه الفراولة هو بيدي لون خفيف اوي بس الطعم عجبني وريحته حلوة اوي

don و ام باسل ولا روزا كلامكم مظبوط جدا
انا مش عارفة ليه البنت عاوزة تعمل زعيمة..دة سحر البنت في رقتها وانوثتها وعلي فكرة ياريم الكلام اللي قلتيه دة سمعته ومازلت بسمعه ومن اهلي كمان مش من صحابي وبصراحة بدخله من هنا واطلعه من هنا لان لؤلؤ قالت نقطة مفيدة انهم بيبقوا حاسين انك مبقتيش بتاعهم لكن بتظاهر البنت قدام زوجها بالاستكانة وان رايه اهم من راي اي حد دة والله العظيم هيخليه خاتم في صباعك صدقيني
تعرفي انا كتييييير كنت ببقي عاوزة اعمل حاجة معينة افضل اتناقش معاه وهو رافض وانشف دماغي واقنع فيه مفيش فايدة وتبقي خناقة لرب السما"وفي الاخر رايه اللي بيمشي طبعا"....جربت طريقة تانية يقولي لاء اقوله حاضر انت عندي اهم من اي حاجة وخلاص مش مشكلة الاقيه هو يجي يقولي مش كنتي عاوزة كذا اعمليه وبطيب خاطر

فانت خليكي زكية وانت ادري بخطيبك...مرة بينيله انك ضعيفة ومستكينة ومرة تانية بينيله انك قوية جدا وان ليكي راي وشخصية وكيان لكن طبعا بطريقة حضارية

مساء الخير عليكم
اهلا يامروة نورتى بيتك
لؤلؤ وحشتينا
انا مش هضيف اكتر من كلام ابلة دون لريم بس هى بصراحة قامت بالواجب بس اللى ممكن اقولة ليكى ان الراجل يحب يحس انها مقدرة ان اللى معاها دة راجل وتعاملة على اساس ان هو الراجل مش سى سيد الرخم لا القلب اللى بيضمها مش اللى هيعمل حاجة تأذيها ومدام انتى مقتنعة بكلامة وانة مش هيعمل حاجة تأذيكى خلاص دة بيحافظ عليكى لا تقلقى

هبهوب حبيبتى ... اولا انتى قلبك طيب اوى لانى كنت بهزر وكله بخير دلوقتى واحسن الحمد لله يا قمر
ثانيا ... ممكن فعلا تعملى موضوع للبشرة والشعر لان عندك معلومات كتيرة ما شاء الله جزاك الله عنا كل الخير وانا جربت شوية حاجات صغيرة وحجرب الباقى باذن الله وجزاك الله كل خير

دون الحبيبة .....................................................................................
عظمة على عظمة على عظمة يا ست