ازيكوة

ماش ماش :_

البقاء للة وربنا يجعلوة اخر الاحزان ان شاء اللة

على فكرة كنت بس عايزة اقولك حاجتين

الحاجة الاولى:_

انا وصلنى فايل الايميلات من رواء وتماتيا والاول مشفتش اسمى محطوط ولما دقتت لاقيت ايميلى مكتوب رقم 30 بس تحت اسم miro

ودة ايميلى انا مش ايمل ميرو ودى بس غلطة مطبعية

حبيت بس اقولكوة علشان تصححوة علشان ال عايز يضيفنى ونتكلم سوى اهلا بيا وال مش بيحبن ولا عايز يتكلم معايا ومش عايز يضيفنى بقولة لاحسن يفتكرنى ميرو ويضيفنى على هذا الاساس ويتحرج لما يلاقنى انا


ثانيا:_

فى مركز تجميل عامل اعلان فى مجلة عن جهاز صغير لشد ترهلات الثدى وتصغيرة اسمة (((((((( هوم تنر))))))) مكتوب لشد وتصغير حجم الصدر وشد الترهلات +كريم تصغير ب 150 جنية

عامل زى جهاز مساج كدة بيتركب وينشط العضلة

حد جربة او سمع عنة قبل كدة؟؟؟؟؟؟؟؟

ياريت تقولولى

شكررررررررررررررررررا

الحاجة التانية

شكرا يا هبة والله حسئل علية بس هو كروس ولا عادى يا هبة؟؟ اة وانا فعلا يا هبة قلت دة بلدى دة بلدى ..حاااضر صباح الفل يا منمن مين بس اللى يقدر يقول انك هوا ؟؟ معلش مش مركزة والله انا داخلة بس البخ نفسى عشان منتظرة نتيجة ابنى وبعدين دة انتى نسمة يا منمن مش هوا .... يا صباح النور يا مروة بالنسبة للماسنجر ماتقلقيش اعملى زيى افضل اكلمهم وانا مش عارفة بكلم مين اساسا لحد ما الاقى الموضوع كبر اروح سئلاها مين معايا ؟؟؟ طبعا مبرضاش اسئل من الاول عشان البرستيج انتى عارفة طبعا

السلام عليكم و رحمة الله و بركاته

ازيكم كلكم يا بنات؟؟ اخباركم ايه؟؟؟ و يا مدامات طبعا، عشان محدش يتلكك ههههههههههه

معلش حارد عليكم على حسب الترتيب اللي افتكره لاني قريت صفحات كتير اوي

اولا منى، كارينا مش قطن خالص و كلامهم مش سليم انها قطن 100% لاني جربتها و عملتلي حساسية و مش عملية للصيف اطلاقا و لا للشتاء حتى. لكن كلام هبة سليم لان فيه كتير بيشكروا في لاسو، شوفيها و اذا عجبتك هاتيها

ميشو، الله يرحم جدك و يدخله فسيح جناته و يجعله اخر الاحزان يا حبيبتي. طمنيني على ماما اخبارها ايه؟؟ يا رب يكون الوضع بقى احسن شوية، يا ترى حتفك الجبيرة امتى؟؟

مشمش ام مصطفي يا ناسياني انتي، الف مبروك لقريبتك و عقبال ما تفرحي بيا انا و البنات و كمان بمصطفى، بس اوعي تدلعيه صاصا تاني لاني مش باحب الاسم ده!!!!! قوليله ماتسو احلى هههههههههههههه، و الا ماله مصطفى يعني ما هو كله موسيقى لوحده اهه من غير دلع!

كهرمانتي حبيبتي، اخبار الشعر و المعنويات ايه؟؟ يا رب تكون في تحسن. على فكرة يا كهرمانة انتي و البنات، هدى فعلا كان فرحها في الفترة اللي فاتت دي و هي كانت مشغولة جدا في الفترة اللي قبله و وقتها مكناش فتحنا الصفحة دي، يعني هي تلاقيها ملخومة دلوقت و متعرفش حاجة عن الصفحة الجديدة، نبقى نبعتها لها اللينك على الخاص. و ربنا يطمنا عليها و على هييييييييا يا رب و يفرحنا ببقية العرايس و منهم انتي و حبيبتي لاروزا و القمر سندريلا الجميلة

مروة نورتي الصفحة يا جميل و على فكرة انا ميح في المعلومات اللي سألتي عنها، وجهي البوصلة في حتة تانية هههههههههههههههههههههه

لاروزا، ربنا يعينك يا حبيبة قلبي، و الله انا لو اعرف اي معلومة تساعدك او لو حتى مقيمة هنا و كنت اقدر اساعدك مكنتش سبتك و كنت لفيتي معاكي بس انتي عارفة الظروف، و متقلقيش انتي عشان طيبة و بتحبي تساعدي الناس حتلاقي ناس كتير بتساعدك من غير ما تطلبي و حتلاقي ربنا بييسر لك امورك و ان شاء الله كله يبقى تمام و نفرح معاكي يا قمر

لؤلؤ مكنون، حمدا لله على السلامة يا جميل، وحشتينا جدا

احلاااااااااااااااام عصفور، وحشتيني جدا جدا و وحشتني مشاكساتك يا قمر و ربنا يطمنا عليكي و نفرح بيكي قريب. طمنيني على اخبارك ان شاء الله بخير

ريم احمد، شوفي ما شاء الله دون و كهرمانة و هبة و كل البنات قالولكم خلاصة النصيحة اللي كنت عاوزة اقولها، بس اضيف لك حاجة صغيرة. شوفي مش كل حاجة تتحكي و مش كل حاجة نعمل عليها مشاكل كأننا بنتلكك. الموقف اللي حكيتيه مكنش يستدعي الزعل ده كله لا من خطيبك و لا من اخته و لا من اي حاجة. و لا يستدعي اكتئاب و تعكري مزاجك. بصي حاولي تاخدي الامور ببساطة شوية و زي ما اختنا الجميلة دون قالت احنا مش داخلين حرب و مش معقول نزعل على كل حاجة. يا ستي الوقت اللي اخدتيه في الزعل و التفكير كان ممكن تودي فيه الفستان و تخلصي. انا اقصد ان حرام تضيعي ثانية واحدة تشيلي نفسك فيها هموم مالها داعي. و بعدين بلاش الأمصة من الصغيرة و الكبيرة، فيه مواقف تستدعي وفيه مواقف لا تستدعي بالمرة. بلاش ترمي ودنك لصحباتك كتير، و على فكرة زي ما الراجل احيانا يتكلم و يحكي لطوب الارض، البنت بتعمل نفس الغلطة و تبصي تلاقي نصيحة من هنا و نصيحة من هنا و دي بتوقع و دي بتسخن الموضوع و دي متحمسة اوي، و هو كمان عنده نفس الحكاية و تلاقي حاجات عبيطة بتحصل على مفيش، يبقى احنا نكبر دماغنا و نعقل و مش كل حاجة تحصل نحكيها و مش كل موقف يحصل نحمله فوق معناه و نقعد نفكر طيب هو كان يقصد كده و الا كان بيلمح لكده، لان الاسلوب ده غلط و الشيطان هو اللي بيوسوس للواحد انه يفضل ياخد و يدي مع نفسه و ياكل في روحه و الموضوع مش مستاهل. معلش طولت عليكي بس انا حسيت انك محتارة. اخر كلمة: "استعينوا على قضاء حوائجكم بالكتمان" يعني بليز يا ريم بلاش تحكي كل تفصيلة كبيرة و صغيرة لاي حد، سواء كانت حاجة كويسة او حاجة وحشة، حاولي تتحكمي ي لسانك قدر الامكان لانك مش عارفة ايه اللي في قلوب الناس اللي قدامك يا بنتي

سندريلتي، الف مبروك لاختك و عقبال ما تعزمينا على فرحك يا حبي و ربنا يصلح لك الاحوال يا غالية و خليكي محافظة على النصيحة مع الجميع. انا كنت عاوزة اكتبها لك من زمان لكن اتأخرت و قدر الله و ما شاء فعل

حبيبة زوجها و ام احمد و رواء الاسلام و اليانورا و ام حبيبة و ام زياد و سكرة هانم وحشتوني جدا

وسوسة وحشتيني و الف شكر عل تلفونك يا جميل، دايما بتيجي في وقتك و اختك كانت ساعتها مفرفرة عالاخر

سبانيش فلاور يا مرحب يا فندم، كونيتشي وا!!!!!! هياليابان ورايا ورايا يا ناااااااااس!!! معلش اصلي باشتغل مع ياباني و مطلع عيني

بنات لو نسيت ارد على حاجة سامحوني انا لسه عندي انفلوانزا و مجمعة بالعافية

سلامي للجميع

نودى مين هبه سليم دى؟؟!!

والله فيه حد هبه غيرى

لا يا دينا هو مش كروس عادى وانا عارفه انك بتستعملى تريمف انا نفسى اجيبه يا ترى فعلا حلو وبكام بقى دلوقتى؟
ابيع العربيه والبيت ولا كفايه العربيه

سلام عليكم و رحمة الله و بركاته ازيكم يا بنات وحشتونى
اخباركم اية

ماشماش البقاء لله
اللهم جزايه بالاحسن احسانا و بالسيئات عفو و غفرانا
اللهم اسكنه فسيح جناتك يا ارحم الراحمين يا رب العالمين

نودى الف سلامة يا رب يكمل شفاكى بسرعة

هدى :icon28: :icon28: :icon28: الف الف الف مبروك ربنا يتمم لك بخير و يسعدك و يرزقك ببيت مقام على الاسلام و بالذرية الصالحة و يسخر لك قلب زوجك
و عقبال كل البنات الامرات

كهرمانه مستناكى
و كل البنات بسلم عليكم وحشتونى

و كنت عايزة اسالكم على حاجة
مين تعرف محل شنط و احذية كويس في مدينة نصر غير ميس اميلى
انا زهقت من اللى عنده اوى حاجته حلوة بس مش بيغير
عايزة حذاء مريح يعنى للاستخدام اليومى بس يكون شيك

و في كمان حاجة عايز اسالكم لو تعرفوا نوع روج ثابت
انا منتقبة و بحب استخدم المكياج تحت النقاب و نفسي الاقى نوع ثابت اكتر

و كمان يا بنات المهرجان ان شاء الله حيبدا يوم 20 الجاى عشان اللى بيجهزوا يستعدوا

يا رب اكون بقيت مفيدة شوية بدل كل مرة سلامات و طيبون و بس
يلا سلام بقى