ايوه يا بنات هبه كانت عندي امبارح
ويوسف طبعا قام بالواجب
وطلع عينينا شويه

السلام عليكم يا قمرات

انا حاسه اني باتكلم مع صحابي اللي سبتهم في مصر و الله:27:
احنا يا la rosa
جايين هنا بعثه لجوزي احنا دكاتره و زملا في قسم واحد في الكليه و ان شاء الله يارب نكمل الدكتوراه هنا(ادعوليي)بس انا حاليا في اجازه مع البنات في البيت
بالنسبه لليابانيين انا كان عندي نفس الفكره قبل ماجي اني هاتسوح علشان ماحدش بيحب يتكلم انجليش بس و الله ماشفت شعب

اطيب من كده(ال يعني انا شفت كل الناس) بس حقيقي ناس لزاز جداا و خدوميين جداا يعني احنا مثلا لسه معندناش عربيه و علشان ننزل نعمل شوبينج للاكل بتبقي ماءساه اغريقيه تلاقي كل اسبوع حد يجي معانا من غير مانطلب
و انا حاليا عملت صداقات مع 5 يابانيات و هما اللي طلبوا يتعرفوا عليا و بيموتوا في الاطفال طول ما احنا ماشيين (kawaii)يعني cute

بالنسبه لسؤال دون عن الشامبوهات رائئئئئئئئئعععععه انا جبت من هنا pack
فيها شامبو و بلسم و hair treatment
كل واحد فيهم 700 مل
اسمه essential
بحوالي 900 ين يعني قولي 50 جنيه مصري بس رهيييييييييببببببببببببه و الله بس انا خليت صاحبتي اليابانيه تقولي مين اللي شامبو و مين البلسم:)
انا رغييييييييييييييييييتتتتتتتتتتتتت كتييييير بس انا اصلا رغايه و مش لاقيه حد اتكلم معاه عربي
نسيت اقول لدون مبروك لابنك معلش لسه شايفه دلوقتي
يلا سايونارا اصلي باتعلم ياباني حالياا:)

البنت اسمها نورا
وعندها كوافير اسمه أسامة ونورا
فى عباس العقاد ناصية جاد بس لجوة شوية وعلى نفس صف جاد
وفى مكان تانى فى السراج مول المول الاول الدور الاخير جمب الجيم الحريمى

يا شيخه حرام عليكى بقى يوسف طلع عنينا دى حبساه فى اوضته قدام التليفزيون ما جاش غير عشان يحمينا بازازه المياه - وبعدين يوسف قام بالواجب معانا على الاخر هات يا يوسف المياه وفعلا ادانا يوسف المياه

طب انتم كبار بتطلبوا منه الحاجه ومكسلين تقوموا استحملوا بقى

سبانش فلور طلعتى دكتوره ................ انا يا اختى بقى عندى عقده (فيونكه يعنى) من الدكاتره وتقريبا يشاركنى جمهور عريض من الشعب يا بنتى ده انتم اتشهرتم خلاص القنوات كلها والجرايد بتتكلم على الى بتعملوه فى الناس!!
غيرى لنا الصوره دى الله يكرمك

زئرده انتى فين؟

السلام عليكم و رحمة الله

ازيكم مرة تانية يا بنات؟؟

غمضي عينك يا دون لو سمحتي عشان حاسأل سؤال و عارفة انك حتنكشيني عليه و هاتك يا تريأة!!!!!!!

بنات، ممكن تقولوا لي بنستخدم كريم الاضاءة ازاي؟؟ سيبكم من موضوعات البنات هنا في الميك اب لانهم مجانين ماكياج و بيستخدموا حاجات كتير بطرق اكتر، بس انا عاوزة اعرف المناطق في الوجه اللي يتوزع عليها الكريم، و احنا بنحطه فوق كريم الاساس قبل البودرة صح؟؟ و الا ازاي؟؟ ياللا ذاكروا كويس و تعالوا جاوبوا. بس لو مش عارفين قولوا مش عارفين من غير طناش عشان محسش اني باكلم نفسي بس!!!!

سبانش فلاور، على فكرة التعامل مع اليابانيين اجتماعيا جميل جدا، اما التعامل معاهم على مستوى العمل مختلف تماما. هم شعب يظهر انه مؤدب جدا، لكن تحت الادب ده فيه جانب كبير جدا من النفاق الاجتماعي و التحكم في عدم اظهار المشاعر الحقيقية للاخرين. عندهم قدرة غريبة انهم يحتفظوا بماسك على وجوههم يخفي افكارهم و مشاعرهم الحقيقية. و عندهم قدر كبير من المواربة و المرواغة و اللعب على الكلمات و اللف و الدوران. على فكرة، انا باقولك الكلام ده من واقع تعاملي معاهم على الصعيدين الاجتماعي الشخصي، و العملي كمان، و على فكرة كمان انا واحدة من اعز صديقاتي يابانية لكن زي ما قلتلك همه التعامل معاهم يبان سهل اوي لكنه في نفس الوقت صعب جدا و ده من خلاصة 6 سنين خبرة عمل معاهم و حوالي 15 سنة خبرة اجتماعية معاهم و كل يوم باكتشف فيهم حاجة جديدة مكنتش اعرفها عنهم. معلش صدعتك يظهر اني اتعديت من رغيك :)