هبه عبد العظيم :

عايزه اسالكم سؤال انا كمان بس بتاعى اجتماعى زواجى على الاخر وعايزه اسمع اراء حتى المخطوبات الى لسه ما اتجوزوش تقعدى فى البيت ولا تشتغلى؟؟ بصراحه السؤال ده محيرنى جدا ساعات بشوف ستات بيوت زى دون كده يا عينى مش ملاحقه على البيت تحسيها بتنهج كده على طول ما يعرفوش يلمسوا الكرسى بجسمهم وفيه ناس بتصحى الظهر وفيه ستات ممكن تنتحر لو ما اشتغلتش النهارده كان عندى طبيبه خوجايه عندها انهيار عصبى - والله العظيم بمعنى الكلمه - قاعده قدامى بتسح ووشها بقى زى الطماطمايه لانها عايزه تشتغل وحاسه ان القعده فى البيت ممله للغايه؟ تتصوروا انها بتقول لى لو استمر الوضع على كده هرجع بلدى وانها هتسيب بنتها الى عندها 7 سنين وتسافر - انا انفجرت فى وشها - لانها مش لاقيه نفسها. ايه ده بقى؟ انا طول عمرى حلمى انى ااقعد فى البيت - مع انى بحب شغلى جدا - بس بحس انى لما يبقى عندى بيت له احتياجات هبقى عايزه اققعد فيه انظفه واطبخ واشتغل برودرى زى ام يوسف مملكتى بمعنى الكلمه انا بحوش الكتب والمجلات عشان بيتى - والله خايفه ابيعهم بالكيلوا زى الستات ما بيعملوا - هو انا خياليه شويه؟ بس بلاقى ستات مصريات صغيرات فى السن هيجننوا ويشتغلوا!! مش عارفه بقى انا مش طبيعيه ولا ما دخلتش التجربه وعيشتها - ويمكن لما اعيشها اجنن انا كمان واعوز اشتغل- بس انا بحب اوى انظف البيت واهتم بيه تلاقى ودى حاجه ما بقدرش عليها لما ببقى بشتغل. ممكن كل واحده تقولى رايها وليه الست بعد سنه ولا اثنين من الجواز بوصلتها بتضرب وبتصحى الظهر وناكشه شعرها؟؟ هو صحيح البيت ملل طب اشمعنى جدتى يا اخونا كانت ست فى غايه النشاط والنظافه والله البيت بيبرق لغايه دلوقتى تقولوا كدابه المريات الزجاج الارض ملاياتها لها ريحه الصابون ما فيش حاجه مش فى مكانها سجاده دوريا بيتغسل عند الكحال البيت بيبرق بمعنى الكلمه وعمرى ما سمعت منها كلمه ملل دى تيته كانت تعلمنى حاجات منتهى الروعه واله ينفع يتفتح لها لينك ممكن تقروا بقى ليها حبيبتى الفاتحه

عايزه اسالكم سؤال انا كمان بس بتاعى اجتماعى زواجى على الاخر وعايزه اسمع اراء حتى المخطوبات الى...

Noody30 :

ههههههههههههههههههههههههههههههه يعني تيجي منك انتي يا هبة؟؟؟ امال دون حتعمل فيا ايه بس؟؟!!!! يا ريتني مكنت سألت!!! طيب تعالي على جنب بعيد عن دون!!!! بصي بعد ما تولعي اللمبة تحطي الكريم تلاقي وشك طلع نور و اللمبة طفت، حلو كده؟؟!!!! لا لا يا هبة، تعالي للجد، ده كريم بيتحط على الوجه بعد كريم الاساس بس مش عارفة باقي التفاصيل، الل فاهماه انه بيتحط على جانبي الانف و الجبهة تقريبا و بيدي انارة للوجه، يعني فيه لمعة بتدي احساس ان المنطقة دي منعكس عليها نور، فهمتيني؟؟ فيه ناس بتحطه بطريقة بروفيشنال و بيطلع شكلهم ناتشورال جدا. وصلت الصورة يا جميل؟؟

ههههههههههههههههههههههههههههههه يعني تيجي منك انتي يا هبة؟؟؟ امال دون حتعمل فيا ايه بس؟؟!!!!...