Noody30 :

اهلا يا بنات، ازيكم عاملين ايه من غيري؟؟؟ حبايبي ممكن نرجع لنقطة هدوء؟؟ يعني لا وسام تعتبر كلام منى هجوم و لا منى تشد على وسام في ايصال وجهة النظر لان الموضوع ابسط من كده عارفين ليه؟؟؟ اولا وسوسة حبيبتي، شوفي احنا اختلاف المراحل العمرية لكل واحدة فينا بيفرقنا عن بعض في التفكير و في الاراء، و نفس الكلام لمنى برضه. شوفوا كتير مننا لما كنا في بداية العشرينات او قبلها كنا بنقول كلام و بناخد قرارات كتير منها بيتغير سنة بعد سنة لما بنكبر و ننضج و تجارب الحياة الواقعية تقابلنا. يعني مش عيب ابدا يكون ده رأي وسام و متمسكة بيه انها عاوزة تشتغل و يبقى لها شخصية مستقلة و دخل مادي مستقل، لكن برضه من واجبنا احنا كاخواتها الاكبر سنا و اللي فيه منا متزوجات زي منى و رانيا انهم ينصحوها لما يلاقوا انها مزرجنة و معاندة لانها لسه مجربتش اللي احنا جربناه. بس مش عاوزين اي واحدة تزعل ابدا من كلام التانية لاننا اولا و اخيرا بنتبادل الخبرات و التجارب عشان نساعد بعد على هضم الحياة و الواقع اللي احنا عايشينه، صح و الا لا؟؟؟ كلام منى و رانيا و جزء من كلامي و كلام هبة عن تجربة لاننا يمكن اكبر منك يا وسام شوية و فرق الكام سنة دول غير في مفاهيمنا للحياة شوية، لكن مش معنى كده انك تتخلي عن طموحك و لا ان رأيك غلط او ان حد فينا بيهاجمه، احنا كلنا بنقصد ان لما تتحطي في موقف انك يبقى عندك اطفال و بيت و معاها شغل يمكن انتي من نفسك اللي تقرري انك تقعدي في البيت و تراعيهم، و يمكن ظروفك وشغلك تسمح انك تراعيهم و انتي برضه بتشتغلي ، يعني كل واحدة حسب ظروفها، لكن لما بنتكلم عن الخطوط الرئيسية بنقول ان واجب المرأة الاول تجاه بيتها و اطفالها و زوجها لان همه دول اللي لازم يكونوا طموحها الاصلي، مش مكانتها هي الشخصية في المجتمع و لا موقعها في العمل، هو ده الاساس، لكن و الله اللي ظروفها تساعدها تضرب كل العصافير، يبقى ليه لا؟؟؟ حبايبي ياللا نكمل نقاش بحب و ود و هدوء، بلاش الحر و الرطوبة يأثروا علينا، و الفكرة مش فكرة ان كل واحدة تدافع عن وجهة نظرها، اكتر ما هي فكرة اننا نتبادل وجهات النظر و نسمع الرأي و الرأي الاخر

اهلا يا بنات، ازيكم عاملين ايه من غيري؟؟؟ حبايبي ممكن نرجع لنقطة هدوء؟؟ يعني لا وسام تعتبر...