spanishflower
نورتينا يا جميلة من اليابان
انا نفسي ازور اليابان واسمع عن طبيعتها الرائعة
بس المسافة طويلة ولا ايه رايك
وياريت تدينيا معلومات اكتر عن الياابان واليابانيين ...
يعني احكيلنا تجرتبك هناك ....
ولو بتعرفي اكل ياباني ياريت تعلمينا ....

انا جيت يا نوودي رديت عليكي وهارجع احط رد مفصل شوي

معلش انا لو برد بكون ماقراتش كل اللي فات مش بلحق والله

نوودي كريم الاضاءة زي ماقلتلك على عظمة الخد
وعلى الانف ..بس زي ماقلت لو الانف طويل اللمعة هاتطوله اكتر الا لو اتعملت طريقة النحت
يعني تجيبي فوندتان غامق شوي او حتى بلاشر غامق شوي ...
وعند جانبي الانف تاخدي شوي من الفوندتان الغامق وتحطي بشكل طولي من اسفل لاعلى مع انحناءة الانف
بعدين عشان نقصر الانف الطويل نحط من البلاشر او الاساس الغامق على الانف من قدام كدة فهمتي اقصد ايه
بعدين بناخد اللمعة او كريم الاضاءة وعلى عظمة الانف نحط منه
بوكدة تكوني عملتي خداع بصري ...انك قصرتي من طول الانف
وطبعا النحت ممكن يتعمل للوجه كله حسب المناطق اللي انتي عايزة تداريها ...
نرجع لاماكن وضع كريم الاضاءة
وعلى الخدود
وعالجبين
بيتحط ازاي ؟؟

بتعملي البيز بعد تنظيف الوجه طبعا كخطوة اولى..ثم
السيريوم زي اللي في شانيل وجيرلان وشيسيدو و كانيبو و سماش بوكس او المرطب من كلارينس فيه حسب اللي عندك ..

بعدين فوندتان ...بعدين تاخدي من كريم الاضاءة و بطريقة الطبطبة بتحطي على وشك
لو حطيتي بودرة لووس ممكن تلاقيها بتروح
عموما هاتستخدمي طريقة الطبطبة ...ولو حبيتي تزيدي اللمعة
ممكن بعد البودرة اللوس تجيبي لووس بودرة فيه باييت وتحطي كمان عالاماكن اللي
قلتلك عليها
وان شاء الله ابقى اوريكي عملي ازاي تعمليها ...
ودايما التجربة هي اللي بتعملنا
ممكن نعمل مرة ومايطلعش اوكي ومرة يطلع اوكي ..
كريم الاضاءة هو موضة حاليا ...
بالاضافة ان الهيلثي لووك بقى شكل مطلوب للميك اب ...اللي اساس فيه اللمعة بتاعة الوش
زي جي لو المشهورة باللمعة الوجه ...وبيونسيه مؤخرا

كمان اللمعة في البرونز لووك ...مهمة ..

واي سؤال من عيوني
لو عايزة كريم اضاءة في مصر عندك سارة فيها ...

وبرجوا نزلت جديد....

واسمع ان في اروفليم في ....
وايه كمان؟؟
ميك اب فورايفر ..لكن الشركة دي انصح ان ماحدش يستخدمها عندي صديقة كانت
بتشتغل في الستاند الخاص فيهم ونصحتني بالابتعاد عن الاساس و الكونسيلر
وواكد كلامها كلام دكتور نصح بالابتعاد عن منتجات فور ايفر و ماك وايستي لاودر
وحاجات تانية بس دول اللي فاكراهم
وبالمناسبة ايستي لاودر شركة صهيوينة بتدعم بناء المستوطنات وكل دخلها خاصة من الدول العربية بيروح للمشاريع دي ..
وصاحبها دونالد لاودر احد المتعصبين الصهيونين والمعارضين للسلام والمشجعين وبسخاء
للمستوطنين و المستوطنات
ويتبع شكرته ...لانكوم...ريفلون....
والشركات الصهيونية كمان ..ماك وهيلينا روبنشتاين...بروكتر اند جامبل مصنعة جونسن اند جونسن...

هبة تعالي احطلك من الكريم
بصي انا مع عمل المراة ومع قعدتها في البيت
المعنى ...
في انواع عمل لازم المراة هي اللي تعملها والا ينتشر الفساد
مثلا تخيلي لو مافيش كوافيرات بنات ولا ماكييرات هاتضطر العروس او البنت
تروح لكوافير...
وقيسي على كدة حاجات كتيرة..طبعا زي الطبيبة ...
ومع قعدتها في البيت بس مش انها تضيع عمرها في تنظيف و طبخ و تنسى عمرها
ويعدي وخلاص ...
تقعد في البيت تنشئ جيل صحيح ملتزم ومتربي اسلاميا صح وتعمل بيت حلو ولطيف
.بس لازم يكون في شيء بتحقق فيه ذاتها لو بتكتب مثلا او بتصمم ...ويكون ليها
بصمة في الحياة زي مازوجها بيكون له بصمة واولادها كمان هي يكون ليها بصمة
وهي اصلا هاتكون احد الاسباب في بصمة عائلتها في المجتمع ..
بس لازم تدور على الشيء اللي تحس انها سعيدة انها بتحققه لنفسها

يعني ماينفعش تعيش حياتها بس عشان الطبخ و التنظيف وبس
لو مهندسة وتمتلك الوقت تعمل التصميمات في البيت ...
ماكييرة...مترجمة...
و لو اتكلمنا عن المراة العاملة
بصراحة صعب تلاقي ست او بنت في الوقت الحالي مابتتعرضش لمشاكل
او مواقف او حتى بهدلة وتعب الشوارع والزحمة ...
اكيد هانعكس على نفسيتها و على شكلها وعلى تعاملها
بس الميزة انها بتكون شايفة كل تطورات المجتمع عالطبيعة
وعارفة تتعامل معاها ازاي ...
والاستقلال المادي شيء هام ....يعني لو اي ظرف حصل تكون هي اللي بتمتلك قرارها
مش خايفة احسن تفقد المورد او مش عارفة تروح ولا تيجي ...
وفي غالبية من السيدات بيكونوا عايزين ينفصلوا عن ازواجهم طبعا اسباب عديدة
وبتقول استحمل هاعمل ايه واروح فين واجيب منين واربي اولادي ازاي
لو هي مستقلة ماديا ساعتها هاتمتلك قراراها بنفسها

او كتير عموما السلبيات لو هاعدها هاتملى صفحات

سكره ايه العقل ده يا بنتي
كلامك ميه ميه
هوه ده رايي فعلا
وكمان بحس ان الست لما بتشتغل حاجات عاديه ممكن الراجل يشتغلها
بتضايق جدا
لاني بحس انها اخدت مكان واحد راجل كان ممكن يشتغل بدالها ويفتح بيت
"ملحوظه الكلام ده للستات اللي بتشتغل علشان تلاقي نفسها"
يعني هيه مش هتلاقي بفسها غير في الشغل والبهدله
معتقدش حتى ان دي الوظيفه اللي ربنا خلقنا علشانها
لكن فيه ستات تانيه لازم تنزل تشتغل ودول نسبتهم بقت عاليه اوي
وبقى اسمها المرأه المعيله
يعني مطلقه مثلا ولازم تصرف على عيالها
او جوزها تعبان او مش بيشتغل
او حت بيشتغل بس مرتبه مش كفايه

انا جيت اهوه يا ام يوسف :27:
وحشتيني :27:
انا طول عمري و انا مكنتش ناوية اشتغل .. في فترة جات لي بعد ما جبت ابني الثاني كنت زهقانة و نفسي اشتغل و لا اروح في اي حته علشان اتخلص من العيال
بس دلوقتي خلاص رجعت احب البيت :)
و انا مع سكرة مهم جدا جدا انك يكون عندك اهتمام تاني في حياتك غير بيتك و جوزك و و لادك .. تروحي المسجد .. تقابلي اصحابك .. تعملي حاجه بتحبيها .. بس الوقت .. لازم نلاقي وقت :D