صباح الخير يا حلوين انتوا طمنتونى بجد لانى كنت فاكرة انى حالة شاذة بس الحمد لله ان اللى بيحصل ده طبيعى رانيا انا عندى 22سنة
منى عبد العزيز ورواء ميرسى ليكم كتير انا يا منى فعلا محتاجة اكلمك على الخاصانتى تقريبا قولتى كل اللى انا بعمله انا فعلا اكنى معايا مكرسكوب قلقاتة من ده ومن ده اما بالنسبة لاهلى انا بحاول افهمه ان ده الوضع الجديد ولازم يتكيفوا مع الوضع ده وانا من نحيتى بحاول انى مش اهملهم ممكن لانى كنت مقربه من اخواتى قوى وبيحكوا لى على كل حاجة مدايقاهم ومعاهم طول الوقت مش ورايا غيرهم فهما حسوا فجاة بتغير لسا مش استوعيبوه يلا اللى فيه الخير ربنا هيعمله ان شاء الله

السلام عليكم و رحمة الله و بركاته

صباح الفل عليكم كلكم

شوفوا بقى انا حاحاول ارد على كل حاجة افتكرها من كلامكم بس محدش يزعل مني لو نسيت جزء مردتش عليه لان ما شاء الله الكلام كتير و انا دماغي النهاردة عاملة زي البالونة المنفوخة و عندي اكتئاب عالصبح من مديري الغبي حابقى احكي عنه بعدين لو فيه وقت!

اولا، يا الف اهلا و سهلا بناني حبيبتي، نورتي الصفحة و عاوزينك معانا على طول يا قمر، بس على فكرة انا زعلانة منك خالص و تقريبا حالغي رحلة ديزني لاند اللي وعدتك بيها!!!! فين يا نونتي الليمون المعصفر و الليمون المسلوق اللي طلبتهم منك؟؟؟ لا لا لا كده مينفعش خالص، عاوزاني اتجوز من غير ما اتعلمهم؟؟؟!!!! - قال يعني الجواز واقف على دول!!!!

الاخت اللي سألت عن اسعار الشقق المفروشة و تأجير السيارات بصراحة انا معنديش علم بحاجة زي دي، بس اكيد اذا حد يعرف حيقولك ان شاء الله

رهومة يا قمر، ليه بس الزعل ده يا جميل؟؟ اكيد فاكرينك يا قمر بس زي ما انتي شايفة المواضيع تشعبت و بجد ساعات بندخل عاوزين نكلم الكل بس بننسى حاجات كتير في النص، اوكي يا جميلة؟؟

كهرمانتي، خلاص يا جميل فهمت قصدك و هو ده العشم برضه، ربنا يسعدك و يوفقك

هبهووووووووووووووووووووبة، انا هنا اهه بس احيانا بانزنق في الشغل فتلاقيني غطست و مش عارفة اقب تاني، بس حاروح فين يعني؟؟ لازقالكم يا جميل، و بعدين انتي مش ملاحظة ان الاتهامات ضدي انا و انتي كترت اليومين دول؟؟ احنا اللي نسفنا الكيك و احنا اللي اكلنا مش عارف ايه و احنا عصابة القط الاسود!!!!! لا لا احنا لازم ناخد موقف >>>> بعيد عن وقف احمد حلمي الله يكرمك!

وسوسة يا جميل، انا حارد عليكي بس متتخضيش من كلامي بس و الله عن تجربة و عشان توفري فلوسك لحاجة افيد، لا بلاش تروحي تاخدي كورسات الترجمة دي الا اذا كانت مش فارقة معاكي. شوفي التفاصيل: اولا الترجمة هناك 3 شهادات كل شهادة 7 مواد و كل مادة ب 480 جنيه ممكن تخفض ل 450 لو سجلتي بدري. المدرسات هناك وحشييييييييييييييييييييييين جدا، مش لانهم مصريات لاني معنديش عقدة الخواجة الحمد لله، بس لانهم معندهمش خبرة في اللي بيدرسوه للاسف، الا مدرسات الترجمة الفورية او مواد الامم المتحدة لان دول ناس كبيرة عندها خبرة بس دول تقريبا تلاقيهم في 5 مواد بس من الهيصة اللي فوق دي. انا مستفادتش كتير منهم للاسف لاني عندي خبرة عنهم و ده كان بيظهر في الكورس جدا و كتير كنت باختلف معاهم و كانوا يعتبروا ده تمرد مني لكن مكنش بيهمني و كنت باعارض لما الاقي كلام غلط بيتدرس لنا و معلومات مش سليمة و ترجمات اي كلام نازلة ترخ فوق دماغنا. يعني باختصار بجد كانت الحالة ميئوس منها جدا و كل مرة كنت اقول يمكن حظي جه كده مع مدرسة مش شاطرة و لازم اكمل الشهادة عشان حرام الفلوس اللي اتدفعت في اللي فات و استمر الوضع كده في 5 مواد ووقفت، لان حرام كل دي مصاريف في الارض و اني مش مستفيدة منها، و كفاية حرقة دم كل كلاس و احنا بنتناحر على الجمل و ترجمتها و على نطق الكلمات!!!! دي تجربتي هناك و تجربة ناس كتير معايا جالهم نفس الاحباط، عشان كده بانقلها لك بكل امانة، لو انتي مش شاطرة في الترجمة و مش خريجة انجليزي ممكن تروحي لانهم حيعلموكي من البداية و يمكن تستفيدي، لكن انا عارفة انك خريجة انجليزي و ما شاء الله عليكي شاطرة و طموحة فعشان كده باقولك مش حتستفيدي كتير و ممكن الفلوس دي تستخدميها لدراسة حاجة افيد في مكان تاني اقل رونق من ال ايه يو سي. بالنسبة للماجستير و بقية اسئلتك مش عارفة و الله لاني مسألتش عنها قبل كده و معنديش اي معلومات عنها. يا رب اكون افدتك

سكرة هانم سكرتي، ازيك يا قمر؟؟ ربنا يشفي مريضك و يفرجها عليكي و يعدي ميعاد الدكتور ده على خير و تطمنينا. انا حاكلمك النهاردة ان شاء الله و اشوف عملتي ايه. انا الحمد لله احسن دلوقت بس لسه فيه شوية كحة على خفيف بس هي المشكلة لما تيجي على شكل نوبة لاني ساعتها فعلا باحس اني روحي حتطلع و مش باعرف اتنفس خالص، بس اعتقد كده الدور في نهايته ان شاء الله، انا اتهريت مضاد حيوي و بقى شكلي زي المدمنين. ربنا يخليكي ليا يا سكرة و يخلي لي اهتمامك بيا زي ما هي عادتك مع كل حبايبك، و على فكرة انا باستفيد جدا من كل حاجة بتكتبيها عن اي حاجة عن الثقافة او الميك اب او خبراتك مع الناس، بجد انتي ما شاء الله شخصية هايلة و بادعي ربنا يقومك بالسلامة و يسعدك و يوفقك دايما. حاسمع نصايحك بخصوص كريم الاضاءة و تجربته، بس كنت عاوزة اسألك، لو حطينا كريم اساس بس من غير بودرة انا باحس ان الوش بيبقى مدهنن اوي، لان مهما تشربت البشرة الكريم برضه هو بيبقى غير الكريمات المرطبة و البشرة مش بتمتصه تماما يعني حاحس وقتها ان بشرتي زي الملزقة، و الا ايه رأيك؟؟ معلش انا زهقتك خلاص!!! بس ياللا بقى اتحملي مش صحبتي؟؟!! على فكرة، انا قريت في موقع المجلة ان لها توزيع في مكتبة دار الاندلس عندنا في طنطا و حاسأل فيها النهاردة و انا مروحة ان شاء الله لانها في الطريق من المحطة للبيت و يا رب الاقيها فعلا. ربنا يوفقك يا سكرة و يكرمك و يفرج اللي انتي فيه

رانيا الجميلة، انا حبيتك جدا يا بنتي، ما شاء الله عليكي انسانة زي السكر، ربنا يخليكي لاولادك و جوزك و يسعدكم و يهنيكم

ريم عروستنا الجميلة، شوفي يا حبيبتي مووضوع الغيرة ده موجود من الطرفين، يعني همه لازم يغيروا منه و هو كمان حيغير منهم و من اصحابك و من اي حاجة بتهتمي بيها غيره. تصرفات صبيانية و طفولية جدا ممكن تحصل من الطرفين و بتبقي انتي مضطرة تشرحي لجميع الاطراف و تهدي النفوس. ده للاسف شي طبيعي مش عارفة ليه، لكن الطبيعة البشرية فيها كل المشاعر مخلوطة ببعض، بس الموضوع بيحتاج منك شوية هدوء عشان الامور تمشي، و ربنا ييسر لك امورك و يصلح الحال يا حبيبتي

احلام عصفور، شفتي منورانا ازاي؟؟

دندون و رواء الاسلام و ام زياد و منى و كل اخواتي الحبيبات ازيكم؟؟ يا رب تكونوا جميعا بخير

اه نسيت احكيلكم على مديري الياباني الغبي، انا مش بس باترجم له الاخبار، لا بعد ما اترجم المقالة لازم اشرحله كل فقرة فيها لان البيه الانجليزي بتاعه زفت غير ان معلوماته عن الاخبار مفيش و معندوش اي حاسة صحفية، و كمان لازم احلل له الخبر و اقوله الكلام اللي بين السطور اللي الكاتب خاف يقوله!!!! هاه، ايه رأيكم؟؟!! الوضع يستاهل يجيلي اكتئاب و دماغي يتنفخ و الا لا؟؟؟ على فكرة، و انا باكتب لكم قومني مش اقل من 7 مرات عشان يسألني عن الخلفية و التحليل و المقصود من الخبر اللي هو بيقراه!!!!! ادعولي اصمد في مكاني ده كمان 6 شهور بس، و بعد كده بقى ربنا يسهلها

ازيك يا نودي ده انا اللي حبيتك جدااااا

و حبيت كل البنات هنا في الصفحه:27:

اية يا هبة الهدوء اللى احنا فية دة ؟؟:icon28: ؟؟ربنا يكتر من الاجازات

و يخليلنا المدير بتاع نوودى

احم احم، انا سامعة حد بيجيب في سيرتي!!!!! الله يسامحك يا دون، يعني انا ادعي عليه و انتي تدعيله؟؟!!!!! طيب مااااااااااااااااشي

و يخليكي ليا يا روني يا سكرة