رانيا ... اه سن السنتين ده متفكرنيش بيه يا رونى منا عايشة المأساة
هنا داخلة على سنتين يعنى 27 - 8 بالضبط تتم سنتين
ووحياتك الزن شغال ايه نغم فى حياتى
كمان مش الزن بس الهرتلة ميه ميه
هنا فاكرة كل الناس قرايبنا .. يعنى لما بتلاقى بنت او واحدة ست او حتى واحد شاب بيبى فيس ويعجبوها تقعد تقولهم باى وتبعت بوسة ع الهوا وفضايح
ولما كنا فى النادى كانت عاوزة تلعب وكنا مروحين فقررت تشد الناس كلهم من ايديهم واحنا نازلين ع السلم ال عشان يلعبوا معاهم ولما زعقتلها بصتلى ببراءة وقالت ( عبى ... تانت ) يعنى عاوزة تانت تلعب معايا وطنط دى طبعا الست اللى شدتها من ايدها من غير مناسبة
وخدى من دا كتير
ياللا ربنا يحميهم ويحرسهم لنا ويصبرنا عليهم يارب الصبر من عندك

سوري عاللخبطة

كهرمانة ليييييييييييييييييييييييييييييييه عملتي شعرك بالحنة من غير ماتشاوري

فرد الشعر بالاعشاب او الحنة السوده بيوقعه وانتي شعرك مش ناقص ده غير انك مينفعش تعملي فرد باي منتج تاني ولا حتى صبغه غير لما يروح الفرد منه تماما يعني قدامك سنة ولا اثنين ياحلوة ..

ولا اقولك يمكن انا استعجلت ومفهمتش المقصود وانك مفردتيش باستخدام الحنة .. قولي انك فردتيه بحاجه تانيه غير الاعشاب .. مش الاعشاب صح؟

ايوة فردته بالحنة ياأم عتريسة وانا كنت مالاول عارفة اني مش هعرف اصبغ بس اعمل ايه معنديش حل تاني شعري كان جابلي اكتئاب فعلا ومينفعش كل ماطلع مالحمام اسشور فيه
بجد عاوزة اقول لكل واحدة شعرها مريحها تحمد ربنا ليل نهار هي في نعمة غيرها بيتمنوها
الله يخليكي متندمنيش عشان معيطش والله ممكن اعيط ونفسيتي تكتئب وشعري يتاثر والزقها في الاعشاب
بعدين فيه ايه مش بيوقع يام عتريسة....البرمننانت بيوقع كين بيوقع والله اعلم الاعشاب ايه
انا استخرت ربنا وتوكلت عليه..ويالا اما اشوف هيطلع شكله ايه

مهو انا برضه استخرت ربنا من كام سنة ورحت عملته واتضح ان ربنا خلاني اعمله عشان اشوف بنفسي واحرم اعمله تاني

بصي هقولك حاجه احسن شئ انه هيقعد ناعم وجميييييييييل بتاع اسبوع كده ولا شهر

بعدين هيبدأ كل مايطول يقع منه شويه ويتلبد شويه

وبعدين هتحسي انه بقى اسوأ من الاول وده شئ طبيعي لان الحنة بتنشف الشعر ..

بس اجمالا اليومين الي هتقعدي بيهم شعرك ناعم يستاهلوا الي هيحصل بعد كده ..

المهم شعرك لما يبدأ يطول هيبان الفرق اوي بين المفرود والطبيعي فاتركيه لغايه مايطول طول مناسب وقصي المفرود تماما

والجديد بقى افرديه عندك نوعين من الفرد متغيريش عنهم .. ألاول اسمه سوفت اند بيوتيفول وهو راااائع بمعنى الكلمه ولا بيوقع الشعر ولا بيؤذيه بس المهم تستخدميه صح .. والثاني دارك آند بيوتيفل جربته قبل كده لوحده اعرفها وجاب معاها نتيجة كويسه

حد بقى يقولك استخدمي حنا ولا جلاد ولا مش عارف ايه متستخدميش غير النوعين الي قلت لك عليهم دول .. وخذيها نصيحة مني اصل انا متعهدة فرد في العائلة والجيران والمعارف كل ماوحده تحب تفرد بتطوع افرد لها لاني بعشق الفرد موت خاصة لما اشوف شعرهم وقع بعد الفرد وبقى محدش احسن من حد :P:P

على العموم بجد متزعليش على فرد الاعشاب هو مش وحش بالدرجه لكن الفرد بالكريم الي قلت لك عليه افضل بكتير بس عزائك الوحيد ان فرد الاعشاب احسن مليون مرة من الاستشوار المتكرر

يلله .. نعيما ياستي