كهرمانه متستعجليش على رزقك بكره تشدي في شعرك من العيال
ربنا يزقك بيهم يا رب
ويطلعوا عينك كده زي ماهمه مطلعين عينينا

ام يوسف
الاول ازيك وازي يوسف وربنا يجمعكم مع والده قريب يا رب

ده فعلا اللى قولته وهى بتقول للمدرسه لكن طبعا المدرسه متقدرش تعاقب أوى فى مدارس اللغات دى وكل اللى بتعمله كلمتين والبنت بتحس ان حقها ضايع والحقيقه للاسف اضطريت اقولها خلاص اضربى اللى يضربك ويبقى يشتكى للميس بس كنت زعلانه جداً
بس هأعمل ايه صعبت عليا وباباها كمان قاللى لاوم تقوللها كده لان النا س اصبحت افظع مما تتخيلى انتى لسه فاكره الناس رومانسيه
وربنا يسامحنى ويهدينى للصح
كهرمانه
ازيك يا أموره وحشتينى ربنا يجمعك مع زوجك<مستقبلا< وتجيبو أولاد كتير يوجعو دماغكو زينا كده
بصى هىه المشكله انهم صغيرين يعنى خايفه ميفهموش ازاى يفرقو بين الدفاع عن نفسهم والاعتدا ء على الاخرين
بس هىه دى مشكلتى بس زى ما قولت لام يوسف انا فعلا قولتلهم اللى يضربك اضربيه

نانى متمشيش هرد عليكى

أم باسل
ازيك حبيبتى انا مستنيه
ربنا يخليكوا بجد انتو اعز الاحباب

اولا السلام عليكم
نانى انا عانيت من المشكله دى
وباسل ابنى طلعته على مبدا التسامح وميضربش حد
هوه فى تانيه رايح تالته ابتدائى
وكان دايما يجى متبهدل بصراحه بقى ملطشه العيال
ويعيط وزعلان
وان وباباه قررنا ان احنا نعدله تفكيره شويه
لان الولد اتعقدت نفسته وبدا يطلع غله فى اخواته
قلنا له متبتديش ابداا بايذاء حد ولكن لو تعدى عليك حد
دافع عن نفسك
ومتضربش الاصغر منك او البنات
والحمد لله بقى احسن دلوقتى نفسيا
بطل العنف اللى كان بيطلعوا فى اخواته نتيجه لضغط الاولاد فى المدرسه عليه
الموضوع موش موضوع زمن غير الزمن
الموضوع
ان الاولاد لازم يتربوا على انهم ميفرطش فى حقه حتى ولا كان صغير جداااا
لان اللى يفرط فى حقه وهوه صغير حتى ولو كان الحق ده حد ضربو
بكره لما يكبر يفرط فى حاجات اكبر واكبر
هيه دى الحياه يا نانى
ولابد انك تزرعى فيهم مبدا التسامح والتسامح هنا موش ان الولد يبقى ملطشه لا
انو ميبتديش هوه بالظلم
ودايما تقولى ليهم
ليس منا من لا يرحم صغيرا او يوقر كبيرا
اسال الله لى ولكم التوفيق فى تربيه ذريتنا
وان يكونا ذريه صالحه نافعه باذن الله
ام باسل