كلها على الدف بس كان فيه الات تانيه بس تحسي ان الات الايقاعيه هيه الاكتر في الاغاني
لكن كان فيه فقره من الحفله على الدف فقط

هبهوب .. وقاعدة فى البيت بتعملى ايه
يابنتى انزلى شمى هوا البحر صدقينى لما ترجعى حتقولى ياريتنى كنت بنزل كل يوم انا كنت ساعات مانزلش طول اليوم وافضل قاعدة فى البلكونة ادام البحر وانزل بالليل بس بره بس والله دلوقتى بقول ياريت الوقت ده يرجع تانى
استمتعى على قد ماتقدرى
مارحتش للصعيدى للاسف لان عندى فى البيت كم صينى غير عادى والله بفكر اوزعه من كتره ...... بس رحت لصعيدى تانى
حلوانى مصر الصعيدى اللى على اول شهر العسل قدام تاتو اختى عندها ادمان لقمة القاضى بالعسل وجوه النادى مفيش غير بالسكر الرجيم بااااااااظ كنا بنروح نجيب لقمة القاضى بالعسل وطبعا هريسة ومشبك وانسى الرجيم ....
اسمه ايه المحل اللى بتقولى عليه....اصلى مش ببص ع الاسامى ...

NOODY لا شكر على واجب احنا اخوات

بصي يا هبه أولا وأخيرا" شكرأ جدأ علي أهتمامك بموضوعي

فكرة اني افتح صفحة لوحدي دي مش فكرتي علي فكرة اعتقد مرة ام باسل قالت كدا انها ربنا الهمها تفتح صفحة تطبل دعاء من البنات بتوع المنتدي.

وانا واحدة من الناس صعب تحكي عن مشاكلها بشكل مباشر وببقي نفسي مقولش علي المشكلة بالذات لو كانت شخصية.

حتي لو كلنا أخوات انا من الناس اللي مبتحبش تتكلم عن مشاكلها حتي ربنا يخليهم الاخوات المصريات اللي عارفني اللي بعتتلي علي الخاص عمري ما حصل واني حكييت في اول رد حتي ربنا يكرمها ام باسل فضلت ورايا تقولي اتكلمي اتكلمي ودون برضه

حسيت اني لو عملت صفحة اني البنات اللي معرفهاش حتي هتدعيلي وده اللي انا محتاجة دعاء انا مش محتاجة افضفض وكان اعتمادي علي الدعاء من البنات لربنا بعد ربنا طبعا ولجوئي له انا طول عمري حتي ونا صغيرة كنت لما اتضايق ادخل الأوضة لوحدي واعيط وادعي ربنا وانا في الحالة دي حتي ماما كانت مسمايه الاوضه حائط المبكي.

انا مبحبش اتكلم عن مشاكلي علي العام لو اتكلمت هنا هشرح واعمل وليه ده
دي اراء يمكن انتي ربنا مديكي الحاجة دي انك تتكلمي وتردي وتفيدي حد علي حد وطبعا ربنا يجازيكي خير عن ده

بس انا مكنتش عايزة غير دعاء خالص لوجه الله مش عايزة اتكلم

هو ده الفرق يا تمتم بين عاداتنا الى اكتسبناها والمتاصله بداخلنا والعالم الحقيقى الى حوالينا وبين علاقاتنا على الصفحه دى

حاولى تفهمينى

واقرى راى وفكرى فيه

انا عمرى ما هشوفك وبصراحه مش عايزه غير انى احبكم وخلاص فاذا كان عندك مجموعه من الناس عمرك ما هتشوفيهم تخيلى نفسك كده مجرد روح ما حدش يعرف عنك اى حاجه وكمان مش عايز يعرف لكن بيعملك على انك شخص غالى جدا فى حياته

ممكن تطلبى المساعده منهم وتتسندى بجد عليهم

الى بيخليكى تقفلى على نفسك وما تحكيش ده بسبب رفضك لطلب المساعده وخوفك من تعريه نفسك
وده شعور طبيعى جدا

لانك لو اختى الحقيقيه اخاف تعرفى عنى اكثر من الازم فابقى اسيره لمعرفتك

لكن على النت الوضع مختلف انا ممكن اختفى ويخلص الموضوع

المهم انى عايزه اقولك اننا مش اشخاص حقيقين فى حياه بعض وفى نفس الوقت اشخاص مهمين جدا فى حياه بعض وعلى فكره يا مروه الصفحه الى انتى فتحتيها انا كنت بفكر افتح واحده قبل كده لنفسى عشان اتساعد وعارفه احساسك بمثابه صرخه للمساعده

ربنا معاكى - و يوفقك وثقى فى الله سبحانه وتعالى مفرج الكروب

منمون انا هخرج بليل ان شاء الله لاننا رجعنا البيت بعد صلاه الفجر فمش قادره اخرج فى الشمس الجامده دى بالاضافه للانى بموت فى قاعده البيت فى العجمى

خالتى جايه النهارده عندنا وعملت لهم انواع من السمك تهبل وعملت كمان خبز الصاج والمدفونه بتاعت دون وقاعده دلوقتى مع بنت خالتى احاول اخليها تبعد عن المطبخ عشان نلاقى حاجه ناكلها

بحبكم كلكم

منى احنا ممكن نروح شاطئ الظباط ده ولا لازم بالكارنيه احنا مره سالنا قالوا لنا لازم الكارنيه (هو تبع الجيش صح؟)
احنا كنا بنروح مليون حته قبل كده ومش مستقرين على مكان لان شاطئ العجمى الرئيسى بقى زحمه جدا والفردوس الناس بيشربوا على الشط وماما رافضه تماما دخوله حتى انها رفضت عضويه شرفيه فيه

نعمل ايه؟