ما شاء الله على هذا الدليل يعطيك الف عافية ربي ايونس غربتك

السلام عليكم
انا ان شاء الله جايه على استراليا وبتحديد الى برزبين وحبيت اسأل اخواتي اللي هناك عدةاسئله وهي تخص الدراسه والحضانات اما بقيت الاشياء مقدور عليها
طبعا تخص جامعة UQ و UQT
اولا * ماهي الاوراق المطلوبه هناك(يعني الاشياء اللي يبيلها ترجمه )
* كم مدة الانجليزي يعني لازم سنه والا الواحد ممكن يقلص المده
* ايش التخصصات اللي موجوده للماجستير (واذا ممكن كل وحده تقولي ايش حابه تتخصص او اذا بدت دراستها ايش التخصص اللي اختارته وخاصه لبنات الماجستير ) هذ البند مهم جدا لا تهملونه لاني محتاره الله يوفقكم كل التخصصات اللي طرت عليكم وعليها امكانيه وانا ترا خريجة تاريخ
* الحضانات هناك ماهو مدى الامانه على الاطفال وهل في الجامعه حضانه وهل الاسعار معقوله
غير كذا الله يخليكم اللي واجهة اي مشاكل في الاوراق او القبول لاي سبب تذكره لاني ما ابي اتورط اذا وصلت هناك
لكم مني كل شكر و تقدير ودعوه من كل قلبي ان الله ينولكم ما تتمنون
اختكم شموع MOON

cold stone
فيروز 2

منورين الموضوع.. تسلمون والله

MOON
هلا فيك..

- شهادتك من الجامعه اللي درستي فيها
- السجل الأكاديمي
- توصيات من دكتوراتك بالجامعة يعني 3 أو 2
- اذا عندك اي شهادة ثانية أو دورة ترجميها
- اذا سبق واشتغلتي ترجمي شهادة الخبرة


حسب مستواك اللي بيحطونك فيه..
المعهد اللي تبع الجامعه راح يسوون لك امتحان ويحطونك بمستوى يمكن عالي او أقل وحسب نجاحك بمستوى معين تنتقلين للي بعده لحد ماتوصلين لأعلى مستوى اللي هو EAP (مدته 3 شهور) دراستك تكون لغة اكاديمية وتوصلك للجامعة.. هذا المستوى الأخير يعادل الـ Eilts أو التوفل ..
ويمكن المستوى هذا توصلين له بسرعه حسب لغتك..
يعني لو لغتك كويسة مرة يمكن تخلصين اللغه في 3 شهور أو 4


التخصص اختاري اللي انتي حابة تتخصصين فيه شوفي التسويق مثلاً احس عليه اقبال..
بعض التخصصات زي اللغويات مثلاُ مايقبلون الا اذا دراستك بالجامعة انجلش << هذا اللي اعرفه..
انتي ادخلي على موقع الجامعة وتعرفين.. يعني لو يردون عليك مية بنت هنا ماراح يفيدونك أكثر من الموقع.. تقدرين تشوفين كم مدة الماستر في كل قسم والمتطلبات هناك..


ماعندي فكرة عن اسعارهم بالضبط بس والأمانة طبعاً أمينين ماسمعت احد تشكى من معاملتهم.. الشكوى على الاسعار انها غالية..

شوفي موقع الطلبة السعوديين في برزبن يمكن يفيدك
http://sscbrisbane.com/vb/index.php

ماشاء الله نور نجد ابدعتي ومجهود تشكرين عليه كثر الله من امثالك وجزاك الله الف خير ورزقك الفردوس الاعلى

الله يسعدك ويفرج همك ويجعل لك في كل خطوه سلامه انتي ومن تحبين
ابداااااااااااااااااااااااااع هذا الملف يكتب بماء من ذهب جزاك الله كل خير.